by, Thang Siangh
A. Sianmang nahawm siam lawmlawm e katehpih ding bei aw e.
B. Thangvan a zaal limbelh mang aw nahawmsiam thang vangvang e.
A. Hong khawl aw Sian aw, Sian aw hong khawl aw, nalaukha tawh hong bual aw, meii bang hong zaam aw.
B. Hong bual aw Sian aw lai-ah hongta aw, khang ciautui aa limnga bang hong bual aw Sian aw lai-ah hong ta aw.
A. Taang kei saklung kaheina peuh Sian sinthu tawh hei hing e.
B. Vanlaukhan gia bang hong zuunsa Sian ii dungsuun kei aw e.
A. Sian na sinthu muang ing ee kakhan puan bang khek ing e.
B. Kakhan puan bang khek ing e Satan sa bang taai aw e.
A. Simlei tung leh thangvan zilzal Sianmang nang gam lei hi e
B. Simlei leh thangvan kaal ah nahawmsiam zam zilzial e.
A. Lenliang miim bang thuum ing e, thangvan pan maimit hong suan a, tungkhaimu bang hong zam e.
B. Lakmai khuankhi hong nul sak a, banzal in pak bang hong tawi ciang lungtup tui bang tung ta e.
A. Zinleeng tawh gi bang khen ing e Sianmang tawh tong ciam ing e.
B. Sianmang awi a heei hing e, Halelujah zil ing e.
A. Sian tawi a ngal liam hing e, Dawigam gii bang hial ing e.
B. Dawigam gii bang hial ing e, zinleeng alan theu ta e.
A. Thangvan zuameel duang zil hing e, nunneem zoheisa hing e.
B. Siantawi kamkei dungsun hing e, zinleeng ham bang zial ing e.
A. Sanggah momno liangvai hing ekhuankhi tawh naang bang diah ing e, Sangbel mawng bang pom ing e.
B. Sangbel mawng bang pom ing e, taang kalauna omlo e.
Monday, August 31, 2009
Saturday, August 29, 2009
ZBCM-Lashio Tin Jubilee-2009 August
ZBCM-Lashio
by Langh Za Kap
To.Ka it Laizom te,
ZBCM khut nuai a om ZZBA tawh mapang khawm Emmanuel Baptist Church-Lashio (EBCL )pawlpi kum ( 10 ) cin TIN JUBILEE pawi 21-23/8/2009 hun sung in ki bawl a,
ZZBA ,E.C meeting tawh ki thuah hi.23/8/09 nipi ni Jubilee ki khop pi ni hi a,12;00-4;30pm hun sung teng kizang hi.
TTBA ,GS Rev. Kai Sian Mang in mual suang honna nei in,Biak inn tual ah ngeina zola sa in ki laam ziahziah hi.
ZBCM,President Rev. En Khan Hau in Jubilee pawi hon na nei in,
ZBCM,GS Rev.Kham Suan Mung in Jubilee sermon zang in tha ki ngah mahmah hi.
Jubilee pawm innkuan 16 pha hi.
Muse Zomi Baptist church pawlpi te zong Jubilee pawi uap ding in mi (17 ) pai in ki khop sim la pawl aw kim tawh sa den uh a,tha ki ngah mahmah hi.Innteek te in ki khop sim nupi action khat ta,khang no ten zong action khat ta sa den uh hi.
Pawi sung hun zat na
21/8/09
Hun uk; Rev. Tual Lun Pau (MS,ZZBA,RZBC, Mogok )
Sermon; Rev. Kai Sian Mang (GS, TTBA,Tonzang )
22/8/09
Hun uk;Rev. Thang Khan Suan(AGS,ZZBA,EZBC,Mandalay)
sermon;Rev.En Khan Hau (President,ZBCM,KBC,kalay )
23/8/09
Hun uk;Rev. Langh Za Kap (GS,ZZBA,EBCL,Lashio ) Jubilee hun
Sermon;Rev. Kham Suan Mung(GS,ZBCM,Kalay )
Nitak Hun uk;Rev.Hang Za Tung (YS,ZZBA,AZBC,Yangon )
Sermon;Rev. Kham Sian Khup(V.President,EZBC,Mandalay )
22/8/09 ni in A (5) Veina ZZBA ,E.C meeting nuam tak ki zo hi.
Pawi sim sazian;
Yangon-----2,
Mandalay -----5,
Mogok----2,
PyinOoLwin --3,
Muse----17,
Bawdwin---3,
Kalay----3,
Tonzang---1
Total ---36 ki pha hi.
Innteek ten
-Mualsuang hon na vok-1,
-Jubilee ading vok--1,
ZZBA zindona vok---1 go uhhi.
Zomi u le nau te nong thu ngetpihna uh tawh nuam tak ki zo theihi ci in zonet pan lungdam na kong ko hi.
Thu puak; Rev. Langh Za Kap
Photo pawl khat a nuai ah kong khak hi.
by Langh Za Kap
To.Ka it Laizom te,
ZBCM khut nuai a om ZZBA tawh mapang khawm Emmanuel Baptist Church-Lashio (EBCL )pawlpi kum ( 10 ) cin TIN JUBILEE pawi 21-23/8/2009 hun sung in ki bawl a,
ZZBA ,E.C meeting tawh ki thuah hi.23/8/09 nipi ni Jubilee ki khop pi ni hi a,12;00-4;30pm hun sung teng kizang hi.
TTBA ,GS Rev. Kai Sian Mang in mual suang honna nei in,Biak inn tual ah ngeina zola sa in ki laam ziahziah hi.
ZBCM,President Rev. En Khan Hau in Jubilee pawi hon na nei in,
ZBCM,GS Rev.Kham Suan Mung in Jubilee sermon zang in tha ki ngah mahmah hi.
Jubilee pawm innkuan 16 pha hi.
Muse Zomi Baptist church pawlpi te zong Jubilee pawi uap ding in mi (17 ) pai in ki khop sim la pawl aw kim tawh sa den uh a,tha ki ngah mahmah hi.Innteek te in ki khop sim nupi action khat ta,khang no ten zong action khat ta sa den uh hi.
Pawi sung hun zat na
21/8/09
Hun uk; Rev. Tual Lun Pau (MS,ZZBA,RZBC, Mogok )
Sermon; Rev. Kai Sian Mang (GS, TTBA,Tonzang )
22/8/09
Hun uk;Rev. Thang Khan Suan(AGS,ZZBA,EZBC,Mandalay)
sermon;Rev.En Khan Hau (President,ZBCM,KBC,kalay )
23/8/09
Hun uk;Rev. Langh Za Kap (GS,ZZBA,EBCL,Lashio ) Jubilee hun
Sermon;Rev. Kham Suan Mung(GS,ZBCM,Kalay )
Nitak Hun uk;Rev.Hang Za Tung (YS,ZZBA,AZBC,Yangon )
Sermon;Rev. Kham Sian Khup(V.President,EZBC,Mandalay )
22/8/09 ni in A (5) Veina ZZBA ,E.C meeting nuam tak ki zo hi.
Pawi sim sazian;
Yangon-----2,
Mandalay -----5,
Mogok----2,
PyinOoLwin --3,
Muse----17,
Bawdwin---3,
Kalay----3,
Tonzang---1
Total ---36 ki pha hi.
Innteek ten
-Mualsuang hon na vok-1,
-Jubilee ading vok--1,
ZZBA zindona vok---1 go uhhi.
Zomi u le nau te nong thu ngetpihna uh tawh nuam tak ki zo theihi ci in zonet pan lungdam na kong ko hi.
Thu puak; Rev. Langh Za Kap
Photo pawl khat a nuai ah kong khak hi.
Friday, August 28, 2009
Pasian Nasem
PAWLPI KEEM SIATE
by; Sya Thang Siangh
Pawlpi keemnuam aa kipiate pen Vantung ii lunglawp pen mite hipah hi. Tatsat lo-in vantung panin mitsuan a, encik tawntung hi. Khalam thupha leh pahtawina tampi kipia a, samsiathuai dinmun ahihleh zong a zahsawmin siahuai pahzel hi. Tukhang hunin zawhthawhna tawh ki-ukna kinakzat lua ahihmanin, naseem nuamte in, kipawlna tuamtuam nei-in, amau septheih zahzah tawh Pasian aading kipia ciat uh hi.
SDA hong piankhiatcil lai-in, makaite bangzah gentheihna leh muhdahna, puapaihna thuak uh hiam. Tua gentheihna khempeuh Pasian kiangah aapin huhna ngen uh hi. Huhna a ngen khempeuh tungah ciangtan omlo-in Pasian in, khuavak behlap tawntung hi. Leitung mihingte tha tawh kihih zolo thuthuk nono tampi khongkhia uh hi. Pawlpi keem siate in, a omsa bektawh lungkim ding hilo-in, Pasian ompihna khuavak a thakin ngah tawntung ding kisam hi. Pasian hong piak khuavakte a kicianzaw a muhding kisam hi.
Pasian in, Khamangthangte pen gentehna tuamtuam tawh nahilh hi. Khamangte dinmun khat leh khat kibanglo hi. " Tuu za lakah khat mang" " Sum mang " " Tapa taimang " A zondan kibang lo hi. Amun leh pianzia kilamdang hi. Amang zon ciangin zong sepdan lampi kilamdang ding hi.
Tuu 100 lakah khat mang. Luke15:4-7
Nidang Pasian-mi kici Abraham suan a tamzaw pen tuucing naseptawh kivaak uh hi. Tuucingte pen sinduai kul hi. Tuuhon omzia pen mailam nawtin gamta-in pai hi. Lampial sesu khollo hi. Tuucingpa in lonona leh tui omna zuanin paipih ding hi. Tuute tatna gamkuam pen zaangtam khinlo hi. Mualpang kenbangpi omna zong hithei hi. An tamnalam manawhin pai uh ahi hi. Kenkil sikkhialin guamsungah kuama phawklohin kia thei hi. Tuucingte in, nitak a tunciangin, kongkhak gei-ah pangin sim hi. A tuute kim hiam kimlo hiam theipan uh hi.
Pawlpi-lian keem siate in, kuamah theikim lo uh hi. Tuumang pen koimun koimun atung zongin tuu ahi hi. Khuavak ngahsa, thuman-thutak a musa, tua khuavak tawh a nungta ngeisa ahi hi. Si leh sa thanem ahih ciangin zomzo lo hi. Tua bang mite pen Bible Study piakpiak kullo hi. Mawhna lakin thuhilh a, taitai se ding hilo hi. Tuumangte in ciahkik nang lampi thei hi. Ahizongin amatha tawh ciahkik zolo hi. Tuumang zongpa in, a ciangkawi tawh guamsung panin a kaihkhiat khit ciangin, a liangko tungah kisuan hi. Ciahpih hi.
Pasian pawlpi mite sungah, ama pumpi zuak numei tampi om hi. Zu leh khamtheih tuamtuam tawh kimengcip tampi om hi. Neek ding neilo zawnglua a, biakinn dakzolo om hi. Puansilh neilo mipi lakah kilaak ngamlo om hi. Tua bang mite pen thuhilh kisam lo hi. Liangko tungah suan a, ciahpih ding bek ahi hi. Pawlpi in vakkul hi.
Tuhun Pawlpi-lian tampite in, micimawh mizawng huhna nakpi-in seem uh hi. Tua in Pawlpi khangsak thamlo-in lawphuai hi. Nopci sak hi. Belhtakcing kisa hi. Tuucing hoihte in amangte kanvilvel uh hi. Dorcas Society ngimna hite ahi hi. Deacon a kikoihna tuumangte omna mukhia ding deihna ahi hi.
" Naseemte in mite khalam dinmun a tel dongin kan ding ahi hi. Siavuante in cinate pumpi tung natna theinuamin a zon bangin, mite taangsapna atheih dongin kan ding hi. Amaute hopihin agen thute ciamteh-in phawk ding hi. Naseemte pen Pasian tuuhonte oo ding leh keem dinga kiteel ahi hi. Mawhna ahi khalam natnaveite, ze-etna thuakte, lungsim buaina neite khoiding pen ama nasep ahi hi. Hih a poimawh nasep pen munkhempeuhah kisam hi." Review & Herald. March 11.1902.
Dangka mang. Luke15: 8-10
Dangkamang pen meide kawmsa-in zong hi. Mihoih hinapi Lungdamna thupuakte zakha lo hi. Thuman tampi hilh kul hi. Dangka pen koikoi a om zongin, aman kiam ngeilo hi. Lawki ahihlaitakin mihoih ahi hi. Pasian in mihing abawlcil lai-in aguatsa lungsimhoih leh thumaanna kemcing tawntung hi. Koimun koimun a om zongin abawlpa Pasian-lim suun' tawntung hi. Tua bang mite pen Crusade platform tungpan kigalsap theilo hi. Mipum tektek pai kul hi. A omna muntek panin top khiat ding ahi hi.
" Pulpit sabuai tungpan taangkona sangin innkuan kikhoppihna sungah khagah tam kingah zaw hi. Innsim, innsimah pai-in thuman kikup khit ciangin mipi kaihkhopna Effort pulpit tung a kigen thute ngaisak leeng, huzaap hoih a, thuman a saangthei tamzaw hi." Testimonies Vol3.233.
Tapa mang, Luke 15: 11-32.
Tapataimang in ngah dingaa kilawm hauhna khempeuh a pa tungpan ngah hi. Pawlpi sungah panmun saangpenpen munte ah zong tung hi. Pilna saang pen siamna hoihnono zong kipia hi. Tawntung nuntakna dong atun nangin khuavak kipia a, tua khuavak puaksawn dingin naseemin zong hong deih hi. Tapa cih ciangin Pasian tawh a kinaipen naseemte ahi hi. SDA Pawlpi pen Pasian piak khuavak tam a ngahpen, sumtha paaitha a zangzo pen, ci-in hong kigen ngei hi.
Pasian thupha khempeuh leitung silehsa aadingin thaangzat hi. Khalam tawh kisai-in zawng mahmah hi. Pawlpi nunung Laodicea Pawlpi dinmun tawh kibang hi. Tapa hihna zangkhial hi. Pasian piak thuphate zeekkhial hi.
A Pa tungah lungdam kolo thamlo-in, a Pa itna phawk lo hi. A ngah khuavak bangin gamta lo hi. Aneihsa a khantoh nangin naseemlo hi. Pasian piak sianthona lampi panin pial hi. Sumpi pia lo thamlo-in Pasian sumpi a pualam mite tawh kopin smugling sumbawlna-in nei uh hi.Tapataimang pen pumpi taimang gen hilo hi. Khalam kisiatna gennuam hi. Upnaguipi teng khahsuah khin hi.Pasian hoihna puan bang a silh ding pen nial uh hi. Pumpi kinai mahmah hangin lungsim kigamla hi Pasian tawh nakpi-in kigamla hi. Biakinn sunga teektat khempeuh Pasian tawh kinaikhin lo hi. Buaina leh gentheihna tampi hong tung hi.
Tua ciangin a Pa hoihna phawksaan pan hi. Ciahkik dingin khensat hi. Ta dinmun tawh ciahkik sawm lo hi. Sila naseem dingin nget sawm hi. Pa in a ciahkik tapa hangin lungdamin pawibawl hi, ci hi. Kuamah in zonglo hi. A kiphawk hunhunin khensat a, kipuah ding ahi.
Pulpit buplak ken.
Pulpit tungbek buplakin, naseem pawlkhat in thuhilh hi. Khamangthang zonna-ah pulpit tungbek muibun pen lo hi. Khuaneu sung naseem siate in, kongzing khempeuh khuamialsung nangawnah zawt thei zahdongin khate omna phading hi. Mittang leh mittang kituahin zol kul hi.
Tuhunin Pawlpi pen Business danin ama private-in hongziahziah uh hi. A tate uh pantahin gam kiluah suksuk hi. Tua bangte ah Pawlpi kitaploh nangin siate in nakpi-in pulpit buplak uh hi. License tawilo member thungen sak lo uh hi. Tua pen Doctrine neilo Protestants te in zang zawdeuh hi.
Ei Doctrine upna khotak aa len, tua tawh a ki convert mite aadingin Licence ngah mah bangin, kuakua in a gen zongin goal khat sungah lutkhin lel hi. Upna khotak a len pawlpimi khat ahihnakleh, pulpit piakngamloh nang thu omlo hi. A ki-ap mahmah member a neupen khat thugen pen Pastor thuhilhna sangin hong sukha zaw thei hi. Siate in Effort platform tamzat zaw henla, biakinn pulpit pen upa muanhuaite aapleh nasepna tangzai zaw hi. Ahi zongin, bulpi tawh kizopna hunthupite pen siate in la hamtang ding hi.
Khalam thanemte kaikhawm a, panmun piak pen siate thanemna hipah hi. Laisiangtho lamlahna tawh kilehbulh ahi hi. Kha Pawlpi a keem dingin kilawmlo hi. Pawlpi siangtho ngeilo ding hi. Thahaat ngeilo ding hi. Thumaanin citak ngeilo ding hi. Khasiangtho teeng ngeilo ding hi. Mihau sumtha power neite bek makai a zatding hilo hi. Khalam dinmun a hoihleh midang sangin huzaap neizaw mah hi. Pawlpi pen Kha ompihna tawh ading ding hi a, sumtha tawh kiphut hilo hi. Ama omzia a theite in thanemlawh ding hi. A tawplawh nangawn hong om ding hi.
[ Kalaigelhte pen gupnathu ahi hi. Zolai simbu hilo hi. Tua ban-ah Saizang, Teizang, Sihzang, Phaileeng, cih deidan omlo-in kammal kadeih peuhpeuh la-in kagelh hi. Tedimpau eimau pau cihpen hi khempeuh kigawm hizaw ding hi. Tedim Family bangin kangaihsun hi.Zokam tawh agelh ka hi a, ahi puatpuat zong omding a, a hivaivai zong omding hi. Bang gennuam hiam cih lungsimtawh nasim un.
Anlang kam nasinnop uleh Zamno laibu hoih mahmah hi. Tua bangin gelh thei tek leeng mite in hong sangmuh ding hi. Uthuai mahmah hi. Ahi zong tua nangawn Kawlkam azat tampeuh ding hi. Kuamah perfect lo ding ahihmanin, kammal tawh kisai kimaisak un. Ih thupuak bulngaihsut zaw un. English nangawn kicing thei ngeilo hi, cih phawksiam un.]
Pr Thang Siangh. zogampalpi@yahoo.com
by; Sya Thang Siangh
Pawlpi keemnuam aa kipiate pen Vantung ii lunglawp pen mite hipah hi. Tatsat lo-in vantung panin mitsuan a, encik tawntung hi. Khalam thupha leh pahtawina tampi kipia a, samsiathuai dinmun ahihleh zong a zahsawmin siahuai pahzel hi. Tukhang hunin zawhthawhna tawh ki-ukna kinakzat lua ahihmanin, naseem nuamte in, kipawlna tuamtuam nei-in, amau septheih zahzah tawh Pasian aading kipia ciat uh hi.
SDA hong piankhiatcil lai-in, makaite bangzah gentheihna leh muhdahna, puapaihna thuak uh hiam. Tua gentheihna khempeuh Pasian kiangah aapin huhna ngen uh hi. Huhna a ngen khempeuh tungah ciangtan omlo-in Pasian in, khuavak behlap tawntung hi. Leitung mihingte tha tawh kihih zolo thuthuk nono tampi khongkhia uh hi. Pawlpi keem siate in, a omsa bektawh lungkim ding hilo-in, Pasian ompihna khuavak a thakin ngah tawntung ding kisam hi. Pasian hong piak khuavakte a kicianzaw a muhding kisam hi.
Pasian in, Khamangthangte pen gentehna tuamtuam tawh nahilh hi. Khamangte dinmun khat leh khat kibanglo hi. " Tuu za lakah khat mang" " Sum mang " " Tapa taimang " A zondan kibang lo hi. Amun leh pianzia kilamdang hi. Amang zon ciangin zong sepdan lampi kilamdang ding hi.
Tuu 100 lakah khat mang. Luke15:4-7
Nidang Pasian-mi kici Abraham suan a tamzaw pen tuucing naseptawh kivaak uh hi. Tuucingte pen sinduai kul hi. Tuuhon omzia pen mailam nawtin gamta-in pai hi. Lampial sesu khollo hi. Tuucingpa in lonona leh tui omna zuanin paipih ding hi. Tuute tatna gamkuam pen zaangtam khinlo hi. Mualpang kenbangpi omna zong hithei hi. An tamnalam manawhin pai uh ahi hi. Kenkil sikkhialin guamsungah kuama phawklohin kia thei hi. Tuucingte in, nitak a tunciangin, kongkhak gei-ah pangin sim hi. A tuute kim hiam kimlo hiam theipan uh hi.
Pawlpi-lian keem siate in, kuamah theikim lo uh hi. Tuumang pen koimun koimun atung zongin tuu ahi hi. Khuavak ngahsa, thuman-thutak a musa, tua khuavak tawh a nungta ngeisa ahi hi. Si leh sa thanem ahih ciangin zomzo lo hi. Tua bang mite pen Bible Study piakpiak kullo hi. Mawhna lakin thuhilh a, taitai se ding hilo hi. Tuumangte in ciahkik nang lampi thei hi. Ahizongin amatha tawh ciahkik zolo hi. Tuumang zongpa in, a ciangkawi tawh guamsung panin a kaihkhiat khit ciangin, a liangko tungah kisuan hi. Ciahpih hi.
Pasian pawlpi mite sungah, ama pumpi zuak numei tampi om hi. Zu leh khamtheih tuamtuam tawh kimengcip tampi om hi. Neek ding neilo zawnglua a, biakinn dakzolo om hi. Puansilh neilo mipi lakah kilaak ngamlo om hi. Tua bang mite pen thuhilh kisam lo hi. Liangko tungah suan a, ciahpih ding bek ahi hi. Pawlpi in vakkul hi.
Tuhun Pawlpi-lian tampite in, micimawh mizawng huhna nakpi-in seem uh hi. Tua in Pawlpi khangsak thamlo-in lawphuai hi. Nopci sak hi. Belhtakcing kisa hi. Tuucing hoihte in amangte kanvilvel uh hi. Dorcas Society ngimna hite ahi hi. Deacon a kikoihna tuumangte omna mukhia ding deihna ahi hi.
" Naseemte in mite khalam dinmun a tel dongin kan ding ahi hi. Siavuante in cinate pumpi tung natna theinuamin a zon bangin, mite taangsapna atheih dongin kan ding hi. Amaute hopihin agen thute ciamteh-in phawk ding hi. Naseemte pen Pasian tuuhonte oo ding leh keem dinga kiteel ahi hi. Mawhna ahi khalam natnaveite, ze-etna thuakte, lungsim buaina neite khoiding pen ama nasep ahi hi. Hih a poimawh nasep pen munkhempeuhah kisam hi." Review & Herald. March 11.1902.
Dangka mang. Luke15: 8-10
Dangkamang pen meide kawmsa-in zong hi. Mihoih hinapi Lungdamna thupuakte zakha lo hi. Thuman tampi hilh kul hi. Dangka pen koikoi a om zongin, aman kiam ngeilo hi. Lawki ahihlaitakin mihoih ahi hi. Pasian in mihing abawlcil lai-in aguatsa lungsimhoih leh thumaanna kemcing tawntung hi. Koimun koimun a om zongin abawlpa Pasian-lim suun' tawntung hi. Tua bang mite pen Crusade platform tungpan kigalsap theilo hi. Mipum tektek pai kul hi. A omna muntek panin top khiat ding ahi hi.
" Pulpit sabuai tungpan taangkona sangin innkuan kikhoppihna sungah khagah tam kingah zaw hi. Innsim, innsimah pai-in thuman kikup khit ciangin mipi kaihkhopna Effort pulpit tung a kigen thute ngaisak leeng, huzaap hoih a, thuman a saangthei tamzaw hi." Testimonies Vol3.233.
Tapa mang, Luke 15: 11-32.
Tapataimang in ngah dingaa kilawm hauhna khempeuh a pa tungpan ngah hi. Pawlpi sungah panmun saangpenpen munte ah zong tung hi. Pilna saang pen siamna hoihnono zong kipia hi. Tawntung nuntakna dong atun nangin khuavak kipia a, tua khuavak puaksawn dingin naseemin zong hong deih hi. Tapa cih ciangin Pasian tawh a kinaipen naseemte ahi hi. SDA Pawlpi pen Pasian piak khuavak tam a ngahpen, sumtha paaitha a zangzo pen, ci-in hong kigen ngei hi.
Pasian thupha khempeuh leitung silehsa aadingin thaangzat hi. Khalam tawh kisai-in zawng mahmah hi. Pawlpi nunung Laodicea Pawlpi dinmun tawh kibang hi. Tapa hihna zangkhial hi. Pasian piak thuphate zeekkhial hi.
A Pa tungah lungdam kolo thamlo-in, a Pa itna phawk lo hi. A ngah khuavak bangin gamta lo hi. Aneihsa a khantoh nangin naseemlo hi. Pasian piak sianthona lampi panin pial hi. Sumpi pia lo thamlo-in Pasian sumpi a pualam mite tawh kopin smugling sumbawlna-in nei uh hi.Tapataimang pen pumpi taimang gen hilo hi. Khalam kisiatna gennuam hi. Upnaguipi teng khahsuah khin hi.Pasian hoihna puan bang a silh ding pen nial uh hi. Pumpi kinai mahmah hangin lungsim kigamla hi Pasian tawh nakpi-in kigamla hi. Biakinn sunga teektat khempeuh Pasian tawh kinaikhin lo hi. Buaina leh gentheihna tampi hong tung hi.
Tua ciangin a Pa hoihna phawksaan pan hi. Ciahkik dingin khensat hi. Ta dinmun tawh ciahkik sawm lo hi. Sila naseem dingin nget sawm hi. Pa in a ciahkik tapa hangin lungdamin pawibawl hi, ci hi. Kuamah in zonglo hi. A kiphawk hunhunin khensat a, kipuah ding ahi.
Pulpit buplak ken.
Pulpit tungbek buplakin, naseem pawlkhat in thuhilh hi. Khamangthang zonna-ah pulpit tungbek muibun pen lo hi. Khuaneu sung naseem siate in, kongzing khempeuh khuamialsung nangawnah zawt thei zahdongin khate omna phading hi. Mittang leh mittang kituahin zol kul hi.
Tuhunin Pawlpi pen Business danin ama private-in hongziahziah uh hi. A tate uh pantahin gam kiluah suksuk hi. Tua bangte ah Pawlpi kitaploh nangin siate in nakpi-in pulpit buplak uh hi. License tawilo member thungen sak lo uh hi. Tua pen Doctrine neilo Protestants te in zang zawdeuh hi.
Ei Doctrine upna khotak aa len, tua tawh a ki convert mite aadingin Licence ngah mah bangin, kuakua in a gen zongin goal khat sungah lutkhin lel hi. Upna khotak a len pawlpimi khat ahihnakleh, pulpit piakngamloh nang thu omlo hi. A ki-ap mahmah member a neupen khat thugen pen Pastor thuhilhna sangin hong sukha zaw thei hi. Siate in Effort platform tamzat zaw henla, biakinn pulpit pen upa muanhuaite aapleh nasepna tangzai zaw hi. Ahi zongin, bulpi tawh kizopna hunthupite pen siate in la hamtang ding hi.
Khalam thanemte kaikhawm a, panmun piak pen siate thanemna hipah hi. Laisiangtho lamlahna tawh kilehbulh ahi hi. Kha Pawlpi a keem dingin kilawmlo hi. Pawlpi siangtho ngeilo ding hi. Thahaat ngeilo ding hi. Thumaanin citak ngeilo ding hi. Khasiangtho teeng ngeilo ding hi. Mihau sumtha power neite bek makai a zatding hilo hi. Khalam dinmun a hoihleh midang sangin huzaap neizaw mah hi. Pawlpi pen Kha ompihna tawh ading ding hi a, sumtha tawh kiphut hilo hi. Ama omzia a theite in thanemlawh ding hi. A tawplawh nangawn hong om ding hi.
[ Kalaigelhte pen gupnathu ahi hi. Zolai simbu hilo hi. Tua ban-ah Saizang, Teizang, Sihzang, Phaileeng, cih deidan omlo-in kammal kadeih peuhpeuh la-in kagelh hi. Tedimpau eimau pau cihpen hi khempeuh kigawm hizaw ding hi. Tedim Family bangin kangaihsun hi.Zokam tawh agelh ka hi a, ahi puatpuat zong omding a, a hivaivai zong omding hi. Bang gennuam hiam cih lungsimtawh nasim un.
Anlang kam nasinnop uleh Zamno laibu hoih mahmah hi. Tua bangin gelh thei tek leeng mite in hong sangmuh ding hi. Uthuai mahmah hi. Ahi zong tua nangawn Kawlkam azat tampeuh ding hi. Kuamah perfect lo ding ahihmanin, kammal tawh kisai kimaisak un. Ih thupuak bulngaihsut zaw un. English nangawn kicing thei ngeilo hi, cih phawksiam un.]
Pr Thang Siangh. zogampalpi@yahoo.com
Subscribe to:
Posts (Atom)
