Bishop Felix Lian Khen Thang on the First GZA Conference

Bishop Felix Lian Khen Thang
speech on the First GZA Conference held on
December 14-18 of 2011, Kawlpi, Zogam


Topa' sung ah sanggam U le Nau te
Sala 13 "Ahi zongh in, Misiangtho pen thu in a, ni khat in kum tawh kibang in a,
kum tul in ni khat tahw kibang hi a cihna, tuni in ah, a maleep hi ta hang..(kimuak ziahziah)...
cih ong phawk sak nuam ing

Tung sung khat pan piang hi ngeingei hang ee
Phualpi i tunma a, pawpi ah ih om khawm ngei ngai zongh nuam sa khin lua mahmah ingh.


Tua ahih leh, Tuni kei, Laisiangtho himun mat ding in ah, Mat. 6.33
Pasian' gam leh aman dikna zong masa un. Tua hi leh akisam na khempeuh te ong ki pe beh ding hi.

Kei' ii veina, van tung ah, Lukhu koi ci tan semsem theih ding. Kei Ka lei nunna ah mi le sa te' aading in ah bang mualsuang phut ding, cih hi phot hi.

Thugen siam, lasiam, teng, milian te, khangno te, sangnaupang te, sak a khang a te ki kai tuah in ah, i pilna te gawmtuah thei: - Term khat.... Intellectual abortion cih khawmg om hi ey; Pil mahmah na pi in zangh khia kei leh tua pilna pen, a phiatkhia, nau phiat mah tawh a kibangh hi. Talented person hi in ah, a talent te a zat theih kei le abortion, Siamna nei a i zat theih kei leh tua a si hi.

Tun ah pen, Dawi Mangpa haza khin hi. ToThum Pasian a um, Thuk Thum tung ah an huan in, eh huan in, anne in tui a dawn te, Khau Zangthum heek in Van pua in gan te a khih I Zogam ah, Dawi mangpa haza khin ding hi : - Tua kidawm un!

Pasian' deihna pen, kipawl khop na hi; Dawimangpa' deihna pen kikhen thaang na hi. Zawl thu kaal ah sialpi thawl thei hi. Tua na ki dawm mahmah un cih tua ong vai khak nuam ing.

Tua leh, Sian in khen hiam, Ziin in khen hiam? Nekkhawm huam, Puak khawm zaang, Sepkhaw liau, cih tawh a, a kalsuan ding i hi ta hi. Tun ah koi teng siiksan ding. GZA te kipawlkham ta, hih teng ah i Phualpi ding acre 10 hi ta ding, cidamna deihlua i hih man in ah, mobile phone hi nawn lo mobile clinic te, motor pai theih na ciang ciang ong ki taii ta ding, ong ki tung ta ding hi....

Pilana; i lunggulh gulh - Daniel te pilna i lunggulh te, solomon kumpi a pilna te, tuni in i khamtung mi te, i Zosuan tate' sungah, Tu in ah, khaici hoih bangin ah, ong ki vawh ta ding hi.
Tua ban ah, Eite'n tua bang hi kei- A Piangthak taktak te i hih ciangin ah, Spiritual gospel bek hi lo in a, Social gospel a sem ding hi ta hangh. I kha bek nosuak sak lo ding; i taksa te nosuak sak ding; i kiim i paam a om i luitui te, i singkungnote, thaang mualdawn a om i zoheisa te tawh a hi zongh in ah; I gamsa i vasa te tawh Pasian a phat khawmkhawm te ahi ding ... cihna gelna pi, tu in ah, vai tuamtuam gelna pi a kipan hi ta hangh... cih phawk sak nuam ing...


Tua ahih leh, tun ah gell ta, koi ah hi ding- Kei' deihna bang hi leh, kei bang, I Makaipi teng lak ah kei a nautum pen hi in ah, ong ki ngeeksak ding in ah; Ka deih bang ong gen ning: A hoih kei leh amau, ee.. ong hih ding hi cih muana lianpi hi.

"Jerusalem kulhpi ciang kiik ni" cih na ah;, Jerusalem kulhpi te a kician kiik ding ciang inah; Saltan ta, Babylonia khawng, Syria khawng a pai hang un- "Kileh kiik un" a cih ciang in ah; Hia teng a, Mipil mihau te kilehkiik nawn zenzen lo uhhi. The Green Bible'... green bible hi lo in ah, 'Greek Bible ong ong piankhiatna tua...

Ei bang a mi zawng mi ngau teng, meigong tagah teng, innmun logam a neilo teng, sum leh paai a nei lo teng kipawl in, Jerusalem Khua mah ah ong ki kaikhawm kiik uh hi. A kila lo, meigong tagah, piteek puteek teng tawh ong kimu kiik un ah, Tu a, Jerusalem khua, Kulhpi a ciangkiik ding pen, Mihau milian, mipil engineer te, sum le paai a nei te hi lo hi. Tua hih ma nin ah, prophet te'n ah a gen ciang un ah, 'Jerusalem Biakinnpi lam kii un' Haggai 1. Biakinnpi na lamkiik kei uh leh, an na neek neek uh hang', na gil uh vah ken teh! Tui na dawn dawn uh hang, na dangkeu pah tuam ken teh! Puanlum na silh uh hangin, na khua uh lum beek ken teh! Biak Innpi lam masa un! Tua hi!

I Biak Innpi koi mun ah lam ding, I Jerusalem Biakinnpi ban ah, Tun ah, Eite' ii biak innpi, Khasiangtho biakinnpi, Nang leh kei' ii biakinnpi gawmkhawm in, a lamkhawm ding te hi hangh.
A lam lai tak un ah, Langkhat lam ah tem tawi in ah, Langkhat lam tawh nasem hi, ci zen hi. Hazah,,, Jerusalem Kulhpi a kician teh, galte'n en khiinkhian den hi - "koici suksiak ding' . Laisiagntho siam te'n a gen ciangin ah, Jerusalem Khuapi pen, sawmval vei bangh a ki susia hi, , tuni dongh a... Ken ih Tedim pen, ci ni, I TEDIM pen, .Jerusalem , Zosuan tate'n Jerusalem Khuapi hisak ni! ..(kimuak ziahziah)...Ki pumkhatna kulpihte ciangkiik ni. I Zogam ah I 'TULPI' omna ding in, Tedim Khuamah, Siam kiik, Zuan kiik, Puah kiik ni,.. (khut kibeng ziahziah)... I Biak Inn khempeuh pen, Behtlem khua hi sak ni!...Topa Zeisu' suahna mun hi sak ta ni! I Lungtak tek ah, Topa Zeisu' Calvary singlamteh phut ta ni! ...cih tua ong hi sak nuam ing.

Tua ka cih ciang, 'tung ong kiik vou, Innpi Tullpi ding i cih ciangin ah, I sa sin i sa lung te. I Tulpi Pa kiang mah ah, va kholh ni! I sa ngawn te, i sa nguum te, i thausa te zongh, tua teng ah va koih ni! Ngamtawn i' i uite, i ngiate in zongh, a pu ngamtawn aading in- sa a nek uh ciang in a sin a lu teng khen buang...(khut kibet ziahziah)...Ngaihsun phapha lai ni,,, cih, Tua ong hanthawn nuam ing!

Tua ahih leh, Ei' aading in ah, bang hohi sa ka hi hiam cih leh, Kei' maa i ka cimphawng a, kei mah kia ong mu leh, ahai ong sa, nuinui thei ka hih ciang a, bang na gell ka hi hiam cih leh:
'Mun-ngak Tual ngak Zo Vontawi te' lunggulh leh lungtup', cih khat leh
'Mun-dang gamdang a tung Zo Vontawi te' lunggulh' lungtip' ci in ah ka na khen hi.

1. Pasian' min tawh ki pumkhat ni! Itna tawh kalsuan khawm ni! Tukhualna thumanna leh, Thumaanna tawh khut ki len in, Pasian' aading leh I mi I sa te aading in ah, na hoih sem khkawm ni! Ei', Zosuan tate, Zomi te, Christian te, Abraham suan Israel minam thak te hi hangh! Zomite i tuntun na ah Pasian mi - Pasian' tanu Pasian tapa khaici hoih te, Joshua a paina mun khempeuh Phasia in Thupha pia in; Israel mite' gam ahih sak mah bangin, Zomite, ZoSuan tate' i siikna gam leh mun te THUPHA mun te hi ta hen!

Zomite i omna ah, I pu I pa te' tul ngeilo Zongeina te, hoih tak in ah kem siam ni! I Zogam I Zolei puahsiam kepsiam zuunsiam ni! Mi Namdangte' mai ah ki Langh sak ni! Tunnu' Zogam ong galdon zel aw, Tunnu' Zogam ah sull ong hei zel aw.. Zosuan tate'n Tunnu' Zogam pan banzaal ziat suan kei len in, itna tawh hong ngak ung! hong muak ung! hong galdon ung! Nong tunding kal na ngak lah mahmah ung!...(mun-ngak tualngak te' lunggulh)


2. Tunnu Zogam aw, lungzuangin, na lungleng nawn ken, Josep in ah, a sanggam te Judah te, Rebuben te, a muh ciang in, 'I pa Jakob a damlai hiam? acih ah bang in, Mundang gam dang a, a tung, ko Zo vontawi te, No tual(phual)ngak te, giabang ong zuun kiik nu'ng! Giautua nawnlo ding, thuumthuum nawnlo ding, lunglenna khitui te nulnul nawnlo ding, Lungdamna khitui te, Vandaitui bangin ah, hong zu ta ding! Na Vontawi te itna tawh pumkhat suak in, sull hong hei kiik nu'ng...Zogam tunu laambang ong park ung! Park bang hong tawi ung! Ong kisak theih pih ung! Zo vaphual le a lalsa khuaite tawh, na siang vabang hong zuan kiik nung!
...(Tuipigal a om gilkial dangtak a om i Zogam a muh dan ong gen ning)...


Tua a hih leh, ei Zosuan tate...
Martin Luther King in, Noble Peace Prize angah ding ciangin ah, a thugen khat lamdang sa ing!
'Sanggam u le nau te aw, Mite in pilmahmah siam mah mah in ah, vasa te bang in ah, huih te' tung ah (ေလဟုန္ဆီး) [li hong si] leng thei ta lel veh aw,,, siam mahmah, siam mahmah ta - ..
Tulai mi te in, nidang a i kihtak (ပင္လယ္)[pen le] high tide i kihtakpi (ေ၇လိွုင္း) tung ah kahto in tuaksuk in tuihualpi te tawh tonkham thei ta veh aw... Nidang a (ေသလငါး) i kihtak te, tu in nga bang in puansilh in ah, nga te tawh ki lawmta in kikawi in, tui sung ah om thei hialhial ta veh aw...ahih hang, Mihing te, kinai tengtang napin, Sanggam unau khat bang in ah, nungta thei nai kei ve hang aw... a cih tuni in, ei sanggam te in ah, Zosuan tate in ah - mangngilh kei ni ci in ah ong phawk sak nuam ing!

Tua ban ah, i phawk ding ka deih in ah; Ei Zosuan tate in ah tun bang ngaih sun ding? I lam Arab te in ah, (Arabian paunak) Mi a apian uh leh banghiam cih leh: "Mihing khat in ah i pian leh, singkung khat suan ding, tuikhuuk khat to ding, ta khat nei ding"

Tua ahih man in, Tuni in a kong vaikhaak nop in ah: (2011 April, Magazine Zingsol Special Doble issure Lom 13/ hawm 1, Tg. Thang Sian Siing, leh, 2. Tg Thang Sut Mung - Mandalay Unviersity pan[ En un Zomi te aw, Ki pumkhat in ah Makai khat nei ni, ki tel ni] cih na khat hi. En leng in ah, Ganhing te in zongh makai nei, sia nei hi, Mihing gen lo, vasa, ngasa ganhingte en leng, amakaia om na, Leikah maang, Khuai kumpi nu, Zawngmang zawngkuh, ngal khaat, humpi neel kai, Tu in ah, Makai, ganhing te'n in zongh a nei a hi hi.

Tua thammlo in ah, Ni le Kha te'n zongh makai na nei uh hi. Ni i tawn dan tawh kibangh in ah, Ni leh kha te aksi te atawn diamdiam a hi na, nakhempeuh in, tawn dan, tat dan nei ciat a, nakhempeuh in amau tawndan tatdan ciat bek in a om ciangun ah, amau' manphatna te uh, a kilangh thei pana hi hi.

Tua ahih ma in, eite zongh, tuni in ah, Makaisiam dingin ah, a kipan hita ahi. Nungzuih siam ding in zongh tu in ah, a kithawi in, ma a pan khin i hi ta hi. Tua ahih man in - kong gen a tawpna ah: Tuhun a ngaihsutna in ah - na mailam nuntakna magen in, tulaitak na dinmun pen, a beisa a na ngaihsutna ie' gah a hi hi, cih phawk in!

Tu'n ah, khangno te'n, na mailam hi ta hi. Bangci nasep ding! Tualai a i dinmun pen, a beisa a i pu i pa te' sepna te a gah a at ihi hi....'hatsakna in ong zui ding hi ei guai...' Haksatna in gualzawhna ie' matai, kamtai ahi hi, cih phawk siam ni. Gualzawhna in, haksatna ie nung a zui thupiang ong hi ngellngell ding hi.

Tua aih man in, Haksat na i, i lungkiatna guamthuuk sung ah awk cip lo in, tua haksatna te' nungah adeih huai apha te muthei ding hi hang. Pasianin minam khat a, ong piansakna, theisiam, sangsiam ni. I hihna nial hetkei ni. Minambup kikhelna ding in, Milip khat ciat kikhel ding hi hangh. A hoih apha zaw minam isuah zawh nading in, tu a i dinmun pan kalkhat suan to kiik ni. Thugen siam, a sep siam te hi ni! Thu hilh siam thu ngaih siamte hi ni. Makaihsiam nungzui siam te hi ni! Kizopdan a siam kipawldan a siam te hi ni! Ki itdan a siam, pahtawi dan asiam te hi ni! Tuni in, gam leh minam aading in, tellna thak, kitelna thak nei ni, tua telna kitelna thak nei ni. I omna khempeuh ah, tuilu tuitaw, nisuahna nitumna ah a paiding, innum lo lum a zuan ding, innmun logam azuan ding te khempeuh na paipai na uh ah Khasiangtho in ong cing ong kem ta hen la, na om na phual tek vuah, Vantungmi in giahphual ong sa ta hen!

--
Zam Sian Sang Gualnam ripped from -original video-
+60 107 8389 83

Mi Hampha

Lawm aw
ong ci pong ning, Pu maw Pa maw, Ni maw Pi maw cihding mel thei keng in ...
Amasa in Mi Ham Pha hi lo in, Mi Hampha (grammar) in pai phot zi zen dih ni ey ...

kei' upna;
Mi hampha thu nong gengen uh leh, ka neulai a ka muh dan:
"Mite' gupte, a kigum, anu apa te, makai khat in guptuam khat a neih Mite pen
hampha ka sak mahmah khat hi" tua bel ka naupang ka up ci mai ni...

Mite' hampha mahmah in, Pasian in a zat ziahziah pawlkhat om hi.
Mite' hampha mahmah in, Minam bup in a phattuam pih mi ki om hi.
Mite' hampha mhamah in, Khua sung leh, Behsung a huai zo om hi.
Mite' hampha mahmah in, a Innkuan sung nopci sak mahmah uh hi.
Mite' hampha mahmah in, Kua mah in zatpih kha lo cih zongh om hi.

ngaihsut kop ding:
Pasian' nasem i cih, Biakna sung ah ki pumdiah a, nop a sa ngiat te pen
Vantung hamphatna ngah i cih te hi,
Leitung hamphatna i cih te pen, Vantung ah a ki mu diam?
Leitung hamphatna i cih cih, sum leh nuntakzia deihgawh tam a nei lo te a na hi hi.
Sum in nang ong hampha sak hiam?
Hauhana in nang ong lungkim sak ding hiam?
Eite in midang khat hampha i sak pen, amah leh amah hampha a kisa takpi tam???

ahampha i cih te;
Pawlkhat te in lawm tampi tawh ki thuahna pen etpi in nei a, thupi sak hi.
A hampha taktak ka sak te, mihau, mipil milian thupha ngah te hi..
I ngahzah, neihzah, sepzah, muhzah, duh zah tawh lungkim te hampha sa ing.
Nang leh Kei, Midang tawh a kilem ngiat te thupi sa ing.
Itna tawh a sepna ah, mite a lungkim sak in, amah zongh alungkim mi, hampha ka sak te hi.

thupha hi zaw maw? thalawhsa;
..... Pasian thupha sang te mihampha hi....
..... Pu le pa' khanggui pan Thupha ngah te zongh mihampha te hi....
......Hamphatna pen, tel theih hih lo a, Ngah khong a hi hi...
..... Hamphatna pen, hanciamtheih zongh hi lo zel hi, cih kei' upna hi....


i septheih:
Tua a hih leh, ei hamphatna ding Hamphatna leh Thupha ei bawltheih a hih a,
ei' bawl theih loh a hi phial ta zongh in...Ei teh kisai, zi/pasal/tate/tute/lawmte/midang/minam buip/leitungbup aading in
Hamphatna a semkhia thei, hamphatna a pia thei i hi zaw hi.. cih ong hi hi...

Topa in Nang le kei leh, Hih lai a sim mimal kim -
Mihampha te ong suak sak ciat ta hen!!!
Topa thupha!

ZaSang

--------------------------------------------------------------------------------------------

2011/12/5 Thang Thawn Tuang

Mi Ham Pha Mah Mah Khat

Mi khenkhat a nuntak lai-in theihna leh pilna mite a khansak sangin a sih khitteh a tangthu tung tawnin mite theihna, pilna, hamphatna tampi khangsak theih zawsop hi. Cih nopna ah mi khenkhat a sihzawh nungah et theih, ciin theih dingin a dam lai in amanpha nuntaakna tawh nungta uhhi. Mi hing nuntaakna pen i dam hunsung thuding bek ki ngaihsunlo a, i sihzawh nungah tu le ta te leh ei mahmah Pasian gam i lutna ding dongin tupna a neih Zomite ki hihi. Tua hi a,

1. Mi hingin a piang ciatciat a hih theihna sunsun tawh mite phat tuamna ding, thu theihna ding, pilna ding...cih bangin itna leh deihsakna tawh a tawsawn nuamte, ahilh nuam mite mi hampha mahmah khat ahihi. Theihna neucik hilh nopna lungsim aneih ding mi ahaksa mahmah kawmkal ah...

2. Neih leh lam tawh mite piak nopna, Pasian ading piak nopna, gam leh miman ading piak nopna... cih bang lungsim siang aneihte mi hampha mahmah khat ahihi. Piak nopna, khenkhiat nopna neih ding lungsim pen ahaksa mahmah khat ahih kawmkal ah....

3. Lungsim duai, citak, kuhkal takin a gamtat hoih, maban hoih, na sep hoihneih...cih bang aneih mite mi hampha mahmah khat ahihi. Hih bang ding mi haksa mahmah kawmkal ah...

4. Thusia sung pan thuhoih, lung khiatna sung pan lung hatna, thanemna sungpan tha khauhna...cihbang aneih mite mi hampha mahmah khat ahihi. Thusia sungpan thuhoih geel ding mi haksa mahmah kawmkal ah..

5. Pilna, Laitan sang'pi neihna tungtawn panin khua le tui, minam ading thuhoih geel, a sem khia, phat tuamna a bawl mite mi hampha mahmah khat ahihi. Pilna, Laitan sang'pi neih na pi mite phat tuamna, thu theihna a piakhiat zoding mihing lungsim muhding haksa mahmah kawlkal ah...

6. Pianna tun le zua, laizom, zi le ta itna taktak tawh itna a lakkhiazo mite mi hampha mahmah khat ahihi. Tun le zua, laizom, zi le ta it na pi in, buaitaak loh a nengneng tawh pumbuai in, itna taktak tawh mel theih tanau, innkuan sung a vaihawm mandingmi tam mello tampi khawmkal ah..

Mihingte lungsim ah mi hampha mahmah khat hih ding pen ki ut ciat hi. Ahi zongin tua dinmun tunna ding theih kul hi. Pasian tawh pang khawmlo in mi hampha suahna ding dihmun pen thuhaksa mahmah khat ahihi.

Mi hampha mahmah khat a ut....Zomi

Thawn Tuang

Zomi Angvaan

__._,_.___
Zam Sian Sang Gualnam

Ngin Kok Mention about Kai Za Dal

2011/11/8 Suak Khaw Ngin

Dear fellow Adventists friends,


Ih kalsuanh khialhna teng etcian kikna ding ngimna hi:



Conference Planning Committee pan Myanmar Union Conference ah: ZomiSDAte aikawhan-na



Vantungah Lucifer in thuneihna hong deih tak ciangin a bawlpa Pasian hong langpan’ a, hong zo lo-a hih ciangin leitungah hong kihawlkhia hi. Tua pan kipan in mihingte lungsim sungah Pasian langpan’ dingin utna hong guan in, thuneihna hong zong sak hi. Tua lungsim pan ei ZomiSDAte lungsim sungah hong guan zo ahih manin Pawlpi ki-ukna alangpang dingin hong diangkhia sak hi. Lucifer in a Sangpen Pasian langpan’ in kamgolpi hong pau (Daniel 7:25) mah bangin, Lucifer kici Tanglai Gulpi Satan ih khemna a um ZomiSDAte in anuai-a bangin kammal golpipi-te paukhia in Seventh-day Adventist Church ki-ukna ih langpan hi. Tua banga Pawlpi ih langpan’nate enpha dih ni!

Seventh-day Adventist church maw or Conference kici Kai Za Dal pawl

Pawl tuam ading hi kei ung, officially in ading hi kei ung, a pusuak khia hi kei ung, Seventh-day Adventist pawlpi sungah small group khat in a om hi ung, ci ci ta se mah leh, pawlpi tuam giat-a dingkhia ahih na pen 25 October 2011 ni, Kawlpi District Thukhen zumpi pan hong pusuak khia “Zarii” pen MUC President Kai Za Dal in hong thuk kikna, 1 November 2011 ni-a Advocate Than Kyi min tawh hong pusuak khia sung-a No. 3 na ah, “hih zarii hong pusuak ma-in “The Burmar Union Mission of Seventh-day Adventists” tawh kisai nawnlo in a tuam din khin hi ung” ci-in hong pulak hi. Tua manin Adventist Church logo te a-zat manin kha thum bang thongkia khin lai hi. Tua ahih ciangin Adventist Logo a tuang laibu ahi-a van khat pepeu ahi zong zat theih nading a khuan nei nawnlo hi.



SDA hi lai ung cici ta leh, a kambek uh tawh SDA hi-a, a thu a la in leh a lungsim takpi in SDA pawlpi tawh kizopna mal khat zong nei non lo hi. SDA ci kammal khat zong zangh nawnloh ding cih “Khamna” lai pi a thukna ah, zangh nawn kei ung, a tuam din sitset hi ung, ci ahih manin 1 November 2011 ni pan kipan Myanmar Union Conference of Seventh-day Adventists cih min zong a zangh thei ding hi nawn lo hi. Than Kyi min tawh zarii hong thuk kik na ah, “Seventh-day Adventist/Adventist” cih kammal khat zong om lo in “Myanmar Union Conference” bek kici hi. Tua ahih manin Kai Za Dal leh Kham Khen Pau makaihna tawh Seventh-day Adventist Church pan a pusuak khia pawlpi pen, ni sagih ni mah a tang Myanmar Union Conference pawlpi hi ta hi. A pawlpi min tuam a phuah kul ta ding hi. Hih bangin tangko khin ahih manin 1 November 2011 ni pan kipan in, hih anuai-a bang in hong om ta hen, Seventh-day Adventist-te van le laibu bukhat pepeuh zong na zangh nawnkei un, cih zong kong zasak thuak lai hi. Tua bangin nong zat kik ni in, Zuau a gen, Zuau Kamsang, Zuau makaite, zuau nungzuite na hi ding uh hi.



Na zat nawnloh ding te uh:

1. Na lai gelh kik na uh-ah, Seventh-day Adventist, Adventist cih laimalte zangh nawnlo ding,

2. Geneneral Conference Working Policy laibu,

3. Seventh-day Adventist Church Manual bu,

4. Seventh-day Adventist Elder Handbook,

5. Seventh-day Adventist Bible Commentary, Encyclopedia, Source book te,

6. Seventh-day Adventist Theology Handbook,

7. Seventh-day Adventist 28 Fundamental Beliefs cih upna thuguipi buu zong zangh nawnkei un. Tua bang upna nei nawnlo in Sunday a tang Myanmar Biblical Christian Fellowship tawh na kizom khin uh hi.

8. SDA Yearbook,

9. Southern Asia Pacific Division Education Policy Manual,

10. Seventh-day Adventist Church Hymnal labu, Advent Youth Sing cih labute,

11. Seventh-day Adventist Sabbath School Lesson Quarterly te,

12. The Constitution of the General Conference of Seventh-day Adventist Church cih na gengen nawn kei mai un. No ih Constitution hi nawn lo hi.

13. Ellen G White laibu gelh bu 55 teng leh a dang dang compilation bu dangdang te [The Great Controversy, Education, Sons & daughters of God cih bangte] peuhmah na zangh nawn kei un.



Hih dinmun lakkhiatna sangin a thupi zaw om ding hiam? Seventh-day Adventist pawlpi pawl a pusuak khia takpi hi ung, SDA tawh kisai vet non kei ung, SDA min zong a zangh hi non kei ung, aci hi zen hi. Tua ahih cianga, Myanmar Biblical Christian Fellowship tawh kizom-in Matpungten nambat ngah khin, tua pen SDA tawh akizop lohna thubulpi hi-a, Sunday tangte tawh kizom khin in, a tuam din giat, pawlpi tuam giat, SDA min, logo a zangh vet lo hi ung cih tangko na pen, Advocate Than Kyi tung tawnin hong tangko kik hi. Tua ahih ciangin, Seventh-day Adventist upna a len nuam lai MUC sungah om mimal khat ciat in na dinmun ding uh tel theih cian ta leh hoih ding hi. Lungka in na om uh leh, Elijah in Baal maw/Pasian, koi zaw teel ding ci-a Israel mite a dotna note tungah hong kidong hi ta hi. Seventh-day Adventist pawlpi teel zaw ding maw, ahih kei leh Conference a min nei Kai Za Dal pawl teel zaw ding?



Pum Za Lian letter to President, Upper Myanmar Mission (July 14, 2000)

“Since upgrading of KAS to “Seminary” status is just the effort of lay members as on-going self supporting institute, like its self-initiation of secondary school, I don’t think permission in such case is necessary except information, specific guidance and aid. Local or Union Committee is not a school that should grant “green signal” except supporting any possible means.”



Conference hong kipatkhiat nading leh Mission leh Unionte’ thu tangnialna masa penpen kiciaptehna lai hi. Tua laigual-te deihna in “Pawlpimi nautangte in ka deih uh leh Sangte ka hong thei uh-a, Mission or Union ah phalna nget kul-lo hi, sang ka neih khit na thu uh hong zasak peuh le-ung kicing ta hi” – a cihna hi. Hi kammalte in General Conference Working Policy tawh a kituak hiam? A kician tak-a General Conference Working Policy zuihnoplohna, nialna, aikawhan-na, leh to-na ahi hi.



General Conference Working Policy omzia:

FE-a 01 “The SSD Education Policy Manual is the authoritative statement of the policies for the operation of the SSD education system as voted in the Division Annual Council. These policies serve to govern the operation of educational institutions and personnel throughout the Division at all levels, kindergarten through university – KG pana university donga sangte leh anasemte khempeuh a-ding ki-ukna policies ahi hi.”



FE-a 20 05 New Colleges and Diploma Schools of Nursing or Raising/Changing Their Status 1. General Conference approval shall be required in the locating and establishing of junior colleges, diploma schools of nursing, senior colleges or equivalent programs, and the establishing of colleges extension campuses, the raising of a secondary school to advanced status…GC phalna ngah masak ding kisam hi” ci hi.



“FE-a 04/1. No new elementary school or junior academy may be opened without conference/ mission and union approval – Conference/mission leh Union phalna thu om lo-in elementary or junior academy sang kihong thei lo hi.”



FE-a 20 10/1 Local Conferences/missions wishing to open new secondary schools or to elevate the status of lower grade to the status of an academy shall request union and Division education departments for a survey.” [General Conference Working Policy, p. 216-7]



Hih a tung-a policy-te in, pawlpimi nautangte’n a ut thuthu in laisin sangte hong thei ding hi ci peuhmah lo hi. Tua ahih ciangin Pawlpi ki-ukna thuneihte kiangpan phalna omlopi in a kihong Laisin Sang khempeuh pen Pawlpi langpan’na lim ahi hi.



2. Conference Planning Committee Meeting No. 02/2002 (28/11/2002),

Meeting chairman: Khual Za Nang

01 Hih atunga thu kikupna khempeuh a picin theih nadingin Conference a din kulta hi ci-in kikhensat hi.

02 Sumpite tuam koih pah ding, a hun ciangin Division ah ngeina bangin a sehsuah in puak dingin kithukim hi.

03 Kipawlna khat ahihmah bangin panmun zong seh kul pah ding hi ci-in a nuai-a bangin panmun kitel hi.

04 Conference hanga worker khat action a kilak leh conference in worker mah-in sang ding hi.



A tung-a khensatnate in General Conference Working Policy tawh a kituak mah hiam? Working Policy bang-a hong kikalsuan pih hi ci-in CPC/MAC/MUC President Kai Za Dal in gen ahih ciangin sittel suksuk ni.

(a) “01 Hih atunga thu kikupna khempeuh a picin theih nadingin Conference a din kulta hi ci-in kikhensat hi.”

Working Policy B 06 15/1 If it is proposed to organize a new conference, the proposal shall be considered by the respective union executive committee - Conference thak khat suak nading geelna pen union executive committee in ngaihsun ding hi [Ibid., p. 54] ci hi.

A kipatkhiat phet lian-in General Conference Working Policy tawh kituaklo in thukhensatna, thukhunna hong nei uh hi. Mission cih thadah Union nangawn in theihpih vet lo, Church thuneite’ committee ngaihsutna hi lo in, thuneihna a nei vet lo pawlpimi nautangte in amau leh amau thuneihna kipia in hong kalsuanto uh hi.

Uzzah in thuneihna neilopipi in Thukham Singkuang hong lawn mah bangin, ZomiSDA memberte in amau sep ding ahi hetlo, amau zong tavuan akipia hetlo nasep khat sepkhiat nading khensatna tawh GC Working Policy bangin kalsuan nuamlo uh ahihna hong pulaak khia hi.

(b) 02 Sumpite tuam koih pah ding, a hun ciangin Division ah ngeina bangin a sehsuah in puak dingin kithukim hi.

Working Policy V-a 10 05 2/a The conference/Mission receives from churches and individuals within its territory 100 percent of the tithe receipts – Conference/mission in pawlpi tuamtuamte pan leh mimalte kiangpanin sawm-a-khat a bucingin sang ding hi [p. 609] ci hi. General Conference Working Policy tawh kigamla semsem zaw lo hia?



A tung-a policy tawh kisai in ka laihawmna khat ah, “Conference” cih kammal mai-ah “recognized” ci-in kammal khat ka guang hi. Kai Za Dal in 29 Dec 2007 ni in hong dawngkik-a, “How dare Suak Kho Ngin to say, “Italic (sic) supplied” by adding, “Recognized” before Conference/mission? Do you, as an Adventist, think he has an authority to add to or subtract any word from the Working Policy? It is his rebellion against the church at Nos. (1) & (2) and GC its highest organization of the church” hong ci hi. Bang hangin italic – laimal a sawi tawh behlap ka hiam cih ciangin Ko (CPC/MAC/MUC) pen dinmun amaan hi ung, policy tawh kituak hi ung ci-a tangko ko denkeei ahih ciangin, dinmun a maantak tawh kalsuan in hi leh, lungkim thei kha inteh cih ka ngaihsutna tawh ka behlap hi. Tua kammal ka behlap manin, pawlpi langpanna, lampialna om ding patauh huai lozaw a, policy a zui lo Kai Za Dal leh a lawmte adingin lungsim natna piangsak kha hi zaw ding hi. Amau dinmun sukha mahmah ahih man hi.



“Recognized” cih kammal ka behlap pen pawlpi langpanna hi ci-a Kai Za Dal in ngaihsun ahih leh, ama kiangah dotkik ding thu tampi om ding hi. CPC/MAC/MUC leh Kai Za Dal in sawm-a-khat te zat khuan neihetlo ahihna pen, kei bek gen hi lo in, nusiat dinga paam-maih a sakmahmah Seventh-day Adventist pawlpi makaipite ahi Southern Asia-Pacific Division President luipa Bocala, tu laitak-a a sempa Alberto Gulfan te laikhaknate pan kisim thei hi. Pawlpi in “Recognized” lo ahih manin a laimal himhim-a a mudah ngiat na hih tuak zaw hi. Tua bang pipi mah pen General Conference Working Policy leh Church Manual a zui hi-ung cici lai mawk uh, bang zah in zuau sangpipi gen uh hiam? Daniel 7:25 na sunga kigen thu mah hong taangtung takpi hi leh kilawm sa mai ing. Dawimangpa in Pope zat kul lo in CPC/MAC/MUC hong zang a pawlpi hong khenkham na hi zen hi.



V 12 05/4 Only conference/mission organizations are authorized to make allocations from tithe funds. The tithe is the Lord’s and should be returned to the storehouse, the conference/mission treasury Local Conference/mission bek in sawm-a-khat zangkhia hawmkhia thei hi. Sawm-a-khat pen Topa-a hi-a, Conference/mission sumkepna ah kikhol ding hi. [p. 612]



(c) 03 Kipawlna khat ahihmah bangin panmun zong seh kul pah ding hi ci-in a nuai-a bangin panmun kitel hi.

(d) 04 Conference hanga worker khat action a kilak leh conference in worker mahin sang ding hi.



Pawltuam hi kei ung, offshoot hi kei ung, Adventist kipawlna nuai mah ah a om hi ung, ci ci mah taleh, a kipatkhiat phet lianin pawlpi tuam din’ dinga khensatna nei ahih lam-uh kiphawk kha lo uh hiam? Kiphawk gige in, a kitheih loh bawl uh hi zaw hiam? A masapen CPC Committee action sungah “Kipawlna khat ahihman bangin panmun zong sekkul pah ding” ci-a khensatna nei khin hi lo hiam? Pawltuam in a ding hi kei ung, acih cih hangin a ding khinlua zaw hi. Tua bang ding mah-a thukhensatna nei hi zaw hi. Tua banga kalsuan-na pen General Conference Working Policy leh Seventh-day Adventist Church Manual tawh a kituak mah hiam? A nuai-a bangin sittel dih ni:

“Although all members have equal rights within the church, no individual member or group should start a movement or form an organization or seek to encourage a following for the attainment or any objective or for the teaching of any doctrine or message not in harmony with the fundamental religious objectives and teachings of the Church – kipawlna tuam nei lo ding hi.” SDA Church Manual, 18th Edition, Revised 2010, p. 59.



Pawlpi mite khalhna thuguipi: [9. Adhering to or taking part in a divisive or disloyal movement or organization – Pawlpi kipawlna tungah thumaan lohna, pawlkhenna] a neite pawlpi pua-ah kikoih ding hi cihna hi [Ibid. p. 62].

Working Policy B 30 05 It is the general plan not to incorporate or register regular denominational organizations except those involved in the holding of real estate or where required by law – a thunei taktak te kihel-lo in kipawlna tuamtuamte nei lo ding hi.

B 30 10 All organizations planning to form legal corporations shall first secure approval from the Division Committee – Kipawlna a nei nuam te in Division Committee’ phalna mu masa ding hi (p. 85).

Amau’ kipawlna sungah pawlpi’ nasemte khat zong kihel lo hi; Seventh-day Adventist pawlpi ki-ukna hangsan tak-a langpan’ nading kalsuanna masa pen zong ahi hi. Tua banah Pawlpi ki-ukna zong thato lai uh hi. “Conference hang-a action a kilak leh” ci ahih manin, kimakaihna tuam a neih giat, Myanmar Union Mission leh Southern Asia Pacific Division in a theih pih lo kipawlna tuam taktak khat kipankhia ding ahihna kician mahmah hi. Bek thamlo-in Seventh-day Adventist pawlpi in zong deihlo ci thei gegu a semkhia uh ahihna ih tel muh semsem hi.

Kai Za Dal leh GC Working Policiy omzia

CPC/MAC/MUC in ka lawm Kai Za Dal pen “Conference President” dingin 2004 kum pek panin tu ni 2011 dong ciang teel in zangh uh hi. Ahi thei ding mah hiam? General Conference in a Union Conference or Local Conference khat ih makaipi ding pa pen a bangci mi hi ding hiam cih a genna ah:

E 47 Conference/Mission President: Inas much as the conference/mission president stands at the head of the gospel ministry in the conference/mission and is the chief elder or overseer or all the churches, a conference/mission president should be an ordained minister – khutngahna ngahsa hi ding hi [GC Working Policy, p. 187; SDA Church Munual, 18th edition, Revised 2010, p. 32 ].

Kai Za Dal in ZomiSDA buppi ih a deihmahmah CONFERENCE pen kei makai thei keng, ci henla advisor khawng khat in omzaw mai-leh etlawm zaw geel mah ding hi ven. Tu ni dongciang hih General Conference Working Policy tawh kituaklo pipi in ka lawm Kai Za Dal in Conference President asep a let pen zuausanpi tawh GC Working Policy leh Church Manual hong Inn ngawnghek hi! Zong lungkim thei sa bilbel ing. A hanla sak dinga a ngaihsut zong hi phial ding in um ing.



Ordination leh MUC omzia

“Sia Paulek tuiphum theihna pen GC Division Sia Sandee piak hi lo hi. Myanmar Union Conference piak hi. Conference in credential, licence, certificate pia hi, SDA Enc. p. 346. Mission te ading tui hong phumsak cih a hikei leh zong Mission nasemte tawh bang kisai lua mawk hiam?” [Kai Za Dal, Thudiklo laktelna_Anlangh, August 2011]

Hih a tung-a kammalte in bang deihna nei hiam cih na ngaihsun pha un. A tuamdin hi kei ung, Pawlpi kimakaihna nuai-ah om-in a sangzaw dinmun a ngen hi ung, aci ci CPC/MAC/MUC in a kipatcil phet mah in pawlpi thukhunte le ngeinate thudonloh in kalsuanto ahihna uh asep abawlna tawh hong kilangkhia sak hi. Ka sepnop pepeuh a sem thei hi ung, Conference hi ung aci hi zen hi. Ih Church Manual hong hilhna ah:

“In Seventh-day Adventist Church structure, no organization determines its own status, nor does it function as if it had no obligations to the Church family beyond its boundaries – SDA ki-ukna sungah kipawlna khat in ama pawlpi puasia ah bangmah septheihna, a omzia khensatna nei thei lo hi” – [Seventh-day Adventist Church Manual, 18th edition, Revised 2010, p. 29].

Amau sep theihloh, piak thei lo khat ko sep hi a cih giap pen aikua-hanna hi a, Pasian’ pawlpi sungah tua bang om thei lo hi. A septheih loh thu khat a sepna pen, hi laibu tawh kituak in ka sep uh hi ci-in SDA Encylopedia sungah kammal khat ahi “the conference president presents the candidate” hong mankek hih tuak zen hi. Encyclopedia pen policy bu hi lo-a, a om sa a piangsa thute kiciaptehna laibu bek hi. Paulek ordination piak theih nadingin SDA Encyclopedia bu sungah policy bangmah kikhung het lo hi. Laibu khat pepeuh min gelh leng, ka mite’n hong um lua-ding hi aci hi gige zen ve aw.



Paulek leh Credentials

A kua bangteng tungah “Credentials and Licenses” kipia hiam? Paulek te Munlingte in credentials and licenses a ngah thei ding mah hiam? MUC in Paulek le Munlingte tungah Credentials apiak pen Church Manual leh GC Working Policy banga a-kalsuanlohna hi. Church Manual in hi bangin ci hi:

“Official credentials and licenses are issued to all authorized full-time Church employees and are granted by controlling committees for limited periods – Hunbit pawlpi nasemte tungah kipia hi” [SDA Church Manual, 18th edition, Revised 2010, p. 35; General Conference Working Policy, L-a 45 05, p. 416 ah zong kimu thei hi].

Ordination – khutngaknazaa kipiak pen “not for one local field alone but for the world church – khuatual khenkhat ading bek hi lo in leitung buphuam ading hi” [GC Working Policy, p. 416] hi-a, Paulek te Munlingte zong SDA Church ih hunbitnasem hi-in leitung bup huam-a sem thei dingin khutngakna kipia leh, SDA Yearbook sungah amin kikhum in kiciamteh geel mah ding hi. Tun GC, Division cih thadah Union na lengin theihpih loh ahih manin ih Yearbook sungah a min uh kimu zolo hi, zuau ordination hi. Hi banga thubuai hong piang ding hi cih thu Division makaipipa Pastor A C Gulfan in mukholh ahih manin anuai-a bangin Kai Za Dal kiangah lai hong khak hi. Tua lai pen Paulekte Munlingte ordination ngah ma pekpek a hong gelhsa ahi hi. Hih makaite’ thuhilhna ih zui hiam?



Ka lawm Kai Za Dal in Myanmar Union Conference in Paulek Munlingte full-time – hunbit nasem dingin ka cial uh hi-a, tua hangin khutngahna – ordination a pia thei hi ung ci-in hong nial kik mai ding hi. Tua bangin hong nial toto lai leh bel Division makaipa ih a vision tawh kizui-a hong hilh hong khalhnate tawh kituak in gamta vet lo, kalsuan vet lo ahihna kician sak semsem hong suak ding hi.



Pastor Gulfan laikhak na:

“Do not hire workers under your Conference Planning Committee. You have no authority for doing that as far as Church Manual and Working Policy is concerned…. I have instructed you to disband this Committee because it is not authorized by the constituency of the Mission and not recognized by the Union… Our counsel from the Division has not been heeded and people insist on doing what they are bent on doing. – CPC min tawh worker or nasem na cial kei un. Church Manual leh Working Policy tawh kizui-in tua bang hih theih nading thu na nei kei hi. Na committee uh na phiat un ci-in kong sawl khin hi. Division pan-a kong sawl uhte nong zui kei uh-a, mihingte in amau’ ut ciat in gamta uh hi” [A C Gulfan, Kai Za Dal tungah Laikhak, March 15, 2004]



“Pastor Gulfan in policy bangin na kalsuan un hong cih bangin hong kikalsuan pih hi” aci Kai Za Dal in General Conference, Division leh Union tawh kisai hetlo hi cih ahi zongin, Church Manual leh Working Policy in hihtheihna thuneihna apiak het lo khutngahna piakna cih te hong sem to in, ZomiSDA te thutangpeek te, bilvuh loh minamte hong suak sak hi. Ih deih bangbang in sem khin napi’n ih tungsiahte in hong pompih loh tak ciangin Division leh General Conference makaite kiangah leiko in laidal tampi tak dimin lai ih khak zawsop hi. A lamdang mahmah kihi mawk lo hiam?

Kai Za Dal in Paulek khutngahna pen Pastor Daniel Nangno le Thang Khan Dal te in a piak hi, kei khut ka nga kei hi cih in hong nial lai ding in ka um hi. Hunbit nasepna pan a khawl khin sate in, tua ciang a sem thei lai ding hiam? Church Manual hong hilhna ah,

“…through election to any office. They also may exercise pastoral functions under the direction of the conference committee… Their services are limited to the functions of a local elder – local pawlpi elder dingin kiteelna tawh bek in pawlpi kepna nasepte sem thei hi. Amau tavuan pen khuatual pawlpi elder nasep ciang bek in kikoihsak hi” (p. 36)

ah ci hi. Ka lawm Kai Za Dal in “under the direction of the conference committee” cih kammal mu lo na hi hiam? Ko zong conference hi khin lel unga, thu apia thei hi ung” peuh hong ci lailai in um mai ing. Tua bangin hong ci lai leh bel langpanna nasia taka a neihna, policy banga kalsuan vetlo ahihna a kilat semsemna hi ding hi.







Kiteelna tawh kisai General Conference Working Policy leh CPC/UMC/MUC te omzia

January 3, 2005 & 30 October 2005 nite-a Director General, Ministry of Religious Affairs, Kaba Aye, Yangon tungah Kai Za Dal, Chairman ih laikhakna ah:



“Kawlgam bup makai thum teng pen Philippines/American panin direct in hong telsak a, tua panin Yangon ah Executive Committee te, Mission executive committee te leh circle leader te hong teel ahih manin gamdangmite ih thu tam hong lutlua” hi ci-in report pia hi. Anuai-a bangin kimu thei hi:

(a) Makai thum teng pen Americante deihna bang asem Philippines gam-a headquarters a kiphut pawlpi bulpi panin hong teel hi; Colony-gamkeeknuamte khutnuai sila bangin hong om sak hi.”

(b) Myanmar Union Mission in 1948-49 kum-a Society Act tawh Stock Exchange pan pawlpi phuat theih nading thu ngah a, tua zong a kum beisa ahih manin, ko Conference pawl te in Myanmar Biblical Christian Fellowship pan Register Numbat 1617 tawh a kiphuankhia pawlpi ka hi uh hi”

(c) Biakinn huangte, biakinnte zong thu-um mite piakkhiat sum tawh kilam ahih manin mission ahi-a conference ahi zongin khuatual pawlpi in nei hi; upna pan lampial ahih leh headquarters zumpi ih neihsa hi ding hi, (Seventh-day Adventist Church Manual, p. 55, 204)” [Kai Za Dal’s letter to Director General, Ministry of Religious Affairs]



Nambat (a) na pen General Conference Working Policy B 05 10 “Union president pen Division in teel hi” (p. 51) cih thukhun a nial, a pom zo lo ahihna hi. Working Policy ka zui uh acih hangin a deihna mun teng zui-in amau lungsim tawh a kituaklo teng nusiasia uh ahihna kimu hi.



Nambat (b) na pen Seventh-day Adventists Pawlpi tawh akizom hi nawnlo in, Sunday atangte kipawlna ahi Myanmar Biblical Christian Fellowship tawh kizomkhin ahihna thu kumpi tungah apulak khia ahi hi. Hih thu pulakkhiatna hang mah in 2006 kum January kha Upper Myanmar Mission Session panin Conference Planning Committee/Upper Myanmar Conference kipawlna pen pawlpi hihna dinmun panin a kihemkhia – disband kipia ahi hi. Hih thu sangin lampialna lian dang om lai ding hiam? Seventh-day Adventists mah hi ung ci-a logo, biakinnte, Sabbath School Lessonte, General Conference Working Policy-te, Seventh-day Adventist Church Manual, Elder Handbook, SDA Theological Handbook, etc, te azat zat uh hangin Seventh-day Adventist tawh kizom nawnlo ahihna thu (30-10-2005) ni in siangtho takin pulakna nei khin a, SDA mah hi lai ung acih pen zuaupi, zuau golpi, zuau sangpi, leh zuausanpi ahi hi. Amin bek adeih uh hi tuak ve aw! Isaiah 4:1 na ah: “kote in komau’ an ciat ne-in, komau’ puan ciat mah ka silh ding uh hi. Kote pen nangma zi cih min bek hong puasak in; ka minsiatna teng uh hong hum in” acih pen tak hi lian hi. CPC/MAC/MUC in amau’ an ciat ne in, amau’ puan ciat silh in, Seventh-day Adventist-te min pua peuh leh a lungkim hi zen mawk ei!



Nambat (c) na thu ah, Myanmar Biblical Christian Fellowship tawh kizom khin ahih manin Seventh-day Adventist Church Manual tawh kizui-a a thupulakna bangin, Conference Planning Committee/Upper Myanmar Conference te neihsa hi nawnlo hi cih zong a tangko khia na hi gige mawk hi. Tu ni dongin pawlpi vante, biakinnte, mission innte, laisin sanginnte ko neihsa hi a cihcih lai-na ah – kumpi te a khemkhem, mihonpite a khemkhem, zuau a gengen na hi hi. Bang tanvei zuau gen lai ding hiam? Tua thu tawh kisai in Monywa Division thukhen zumpi pan na lelh khin uh a, Central High Court ah kah kik in lelh uh a, tu laitakin a tawpna ahi Pyituh Hlutdaw Court (minthak kipia) ah a lut laitak hi. October 25, 2011 ni-in Thukhen zumpi panin “Zarii” hong pusuak khin-a, ka lawm Kai Za Dal in bang teng hong sem in hong diang ding hiam en lai ni.



A tunga thu tawh kisai pen a laigelhna ama penpen lam ah hi bangin hong gen hi: “2. Pr Minlwin hong khiat pen Myanmar Union Mission min zat loh nading tawntung khaamna hi aa, Biakinn, sanginn etc te hong ap un cihna hilo hi. Hong ap ning cin khat vei beek min thuu lo hing. Ki thuu hi leh Ks. 5000,00000/- (5000 lakhs) man in MUC college leh MUC KAS apdingin thukhen zum ah hong khia thak ding hiam? Monyua ah hong khiat hi aa, Kawlpi ah ki tuahto in Court Case No. 6, District Court office, Kalay hi.” [Kai Za Dal, Thudiklo laktelna_Anlangh, August 2011]



Hong ap ning ci-in bang hangin min thuh peuhmah ding hia? Apnuam loh ahih manin a tungah kah toto a, Pyituh Hlutdaw Thukhen zum dong tungto hi ven. Logo pan kipan, inn le lo, neih la lamh khempeuh a huam in a kikhia hi-a, a kipiak kik theih na ding a cial tamtoto ahih manin tu ciang dong hong ziakai toto hi bek hi. Zarii hong pusuak khin ahih manin tu in letmat a thuh kei leh Moscow kici khawngah a lup kik kul lel lo dia?



Upper Myanmar Conference of Seventh-day Adventists cih min ngahna

2004 kum January 15 ni-a President, Upper Myanmar Mission, Pyinoolwin tungah Kai Za Dal ih laikhakna ah “Chairman, CPC Chairman” na ci-a, 16 January 2004 ni-a a laihawm na ah “Upper Myanmar Conference of Seventh-day Adventists” ci-a min hong khel in Kam Khan Mung in lai hong hawm hi.

Tua banga minthak hong zat uh ciangin, Upper Myanmar Mission zumpi panin thukhensatna (2004-017) tawh Upper Myanmar Conference of SDAs pen pawlpi phalna omlo-a kibawl kipawlna hi ci-in hong khensat a, April 19, 2004 ni in Upper Myanmar Mission sungah kitangko hi. Tua ni mahin UMC tawh a kisawhkha pawlpi leh pawlpi mite peuhmah action kilaa ding ahihna zong hong tangko hi.



April 20, 2004 ni in Kai Za Dal, Chairman CPC cih tawh UMM President Min Lwin kiangah lai hong thuk kik a, “Conference Planning Committee – CPC bek om a, UMC ci-in ka organize na uh om nai vet lo hi. Tua manin nong mawhsakna pen thumaan hi lo-in, a diklo-a nong mawhsakna bek uh hi” ci hi. Kam Khan Mung khial zaw hiam? Kai Za Dal khial zaw hiam?



Letter No. 06/04, Dated Feb. 24, 2004 ni-a Mr Kai Za Dal, Chairman cih tawh a laihawmna ah a letter head pen “Upper Myanmar Adventist Conference Committee, House No. 11, Pinlong 4, Kalaymyo” tawh lai hong hawm khia hi. Organize bawl nailo hi leh, a President pa mahmah in a tunga letter head hong zangh lo dinga, Kam khan Mung in zong ama thu tawh zang ngam lo ding hi. Hih teng bialbual ih etcian tak ciangin, ka lawm Kai Za Dal pen amah bek a maan penpen, a khial ngeilo – infallibility mindset aneihna kimukhia hi. Mitmuh in a nung amai thu kituak lo-in ut pepeuh pau phangphang-a nasem pa hi.



Kai Za Dal in June kha (ani kicianlo) 2004 ni-a Tonzang Circle Leader Neng Khan Suan kiangah a laikhakna a letter head pen “ Upper Myanmar Adventist Conference” cih mah hong zangh hi.



Officially-a UMC adinna Tangkona

“4) MUC in Official Declaration bang ci neih uh hiam?” [Kham Khen Pau in Gin Sian Mung alaikhakna]



Kham Khen Pau in Gin Sian Mung tungah dotna apiakna hi. Officially in bawl lo hi ung ci nuam ahi kha tam maw? Ahi zongin officially a bawl ahihna pen Myanmar kumpi thuneite tungah a-nuai-aa bangin tangkona na hong nei uh hi: June 28, 2004 ni-a Director, Ministry of Religious Affairs, Kaba Aye, Yangon tungah a laikhakna ah a tunga letter head mah hong zangh a;

“Nitumna lamte amuang Karente makaihna Union Mission tawh kipawl nuam lo-in, a tuam din ahi Upper Myanmar Adventist Conference ka dinna uh nong theihpih nading”

ci-in ngetna laipi na pia hi. Hih ni mah in, Upper Myanmar Adventist Conference pawlpi mi khempeuh cih tawh a laikhakna ah, Min Lwin ih laigelh (April 19, 2004) ni thu tawh kisai ci a, tua sungah –

“2004 kum January 15 – 18 ni-in Upper Myanmar Adventist Conference of SDAs pen delegate 128 te thukimna tawh mipi theih in ka organize uh hi ci-in Kai Za Dal in lai hong hawm kik hi.”



A tunga Kai Za Dal laihawm teng ih etkak tak ciangin, April 20, 2004 ni-a CPC bek om hi, UMC organize hi nong ci uh pen thumaanlo hi ci-a anial na pen, zuau thu ahina kitel sinsen hi. Pawlpi pua tung ding hi cih thei ahih man-a a patau zong hi khazawsop in anaupang lungsim tawh hi peuhmah kei ung ci-a hong nialnial hi ding hi.



Union Conference Level tun’na

Upper Myanmar Conference of Seventh-day Adventists min tawh sawtpi mah omkhin a, ahi zongin 29 December 2007 ni-a a laihawmkhiat “Correction on Suak Kho Ngin’s “Doctrinal Errors of MAC” ah Kai Za Dal, President, Myanmar Union Conference of Seventh-day Adventists kici hi. Local Conference level pan Union level dong pen tung baih bilbel leh kilawm sa ing. Bang hun teng Union Conference dingin kiciamtehna na ngah mawk hiam? Lamdang sa mahmah ing. Union Conference-aa ahong dinkhiatna thu tawh kisai in etkak ding laikhak laihawm kician ka ngah kei hi; ahi zongin Conference pupipa United States of America panin hong ciah, hong zin-a Kalaymyo ah Union Conference status hong puak hi leh akilawmna anuai-a laihawm khat ka ngah hi. Thang Siangh (zogampalpi@yahoo.com) in May 20, 2007 Kawlgam ah hong ciah-a Conference kikhoppi tawh kisai in a laikhak sungah “Laulo in Conference aa om khin nahih uh phawk un” cih kammal khat kihel hi. Tua khit nipi kaal khat (26 May 2007) Sabbath ni-a a khakkhiat lai sungah [Subject: {ZomiSDA} Upper Myanmar Union Conference of SDA goal tawh kikalsuan] hong genna ah:

“Conference Status cingtaklo Union Mission tungtawn a Conference nget ding hitheilo hi…Upper Myanmar in Union Mission sangin niamzaw theilo ding hi. Union adin ngamloh nungsang Upper Myanmar Union Conference dinloh phamawh hi. Hong pia taleh ding ding, pia takeileh din kul hi. GC leh Division in hong recognize mateng kingak ding hi. Jesu hong kum dong hong piak keileh zong lungkialo in kingak ding hi.”



(May 28, 2007) ni cianga agelh kik na sungah [Subject: [ZomiSDA] Upper Myanmar Union Conference of Seventh-day Adventist Khawmpi thupuak] hong ci ahih manin tua nipikaal sung a kikhoppi sungah khensatna khat teeiteei om hi ding hi. Ahi zongin a khensatna kician bangmah ka ngah kei hi. Thang Siangh in USA pan hongciah a Kalaymyo-Pinlon ah Conference kikhoppi ah thapiakna hong nei hi ven, tua hun sungin a piak hi ding hi. USA pan hong ciahpih hi sam ai ve.



Methodology longal khialhna omlo

Kai Za Dal in Gin Sian Mung tungah a laikhakna [tso@myanmar.com.mm], Friday, November 14, 2003 sungah a genna ah: “methodology longal khialhna om lo hi” (p. 5) ci khin hi. Conference ngetnate khial lo hi; a khialhna pen Conference ngah nadinga a kalsuanzia, a sepziate hi cih a pulak sa pipi mah a nung kizui lailai hi. Pawlpi makaite in zong thu-upna lamah khialh uh hi ci-in tua tawh pawlpi pua-ah hong kikoih lo a, na kalsuanzia maan lo hi cihna bek tawh hi. A tung-a te khial hi cih theipipi mahin Kai Za Dal in hong kalsuan pih teeiteei hi. General Conference Working Policy zuilo ahih lam a thei pipi mah, a kizui lua hi ci-a policy bu sung pan quotation hong nei in bangmah athei lote hong khemkhem hi zen veh! Ngaihsun thei leng a na mah hi. Khial hi cih thei sapi mah tawh banghangin hong kalsuan pih veve hiam? Sumpite tuamkoihna, makai tuam neihna, ordination khutngahzaa piakna cih te pen methodology-sepzia hi a, khial ahih lam thei gegu hong makaih lailai na pen ahang thu khat om geelgeel ding hi.



Satan in Khuavak tam mu/nei pente zangh-a zuauthu hong sunglut sakna

Ka lawm Kai Za Dal pen mipil mahmah, mi teitang mahmah, leh mi khialhna zon nop a sa mahmah pa khat hi a, ahi zongin amah zong hi-bangin thuneucih ah zong kikhialhsak, kitel-loh sak in ZomiSDAte hong ne ne, hong thatthat hi.



(a) “Uzzah pen Pasian’ siampi hi a, Thukham Singkuang a lawnkhakna tawh asih bangin (2B.626)” ci-in Kai Za Dal in [17th November 2003 ni-a Letter N. (016)/11/03] tawh lai hong hawmkhia hi.



Ih kantel tak ciangin, a nuai-a bangin kimukhia hi:

“One of the drivers of the cart upon which David transferred the ark to Jerusalem. When he saw the oxen stumble, he put forth his hand to support the ark, but was smitten by the Lord for touching the sacred emblem, which no layman was allowed to touch – nautang khat ih lawn dingin kiphal lo” (2 Sa 6:3–11; 1 Chr 13:7–14; cf. Num 4:15).” [Horn, Siegfried H., Seventh-day Adventist Bible Dictionary, (Washington, D.C.: Review and Herald Publishing Association) 1979.]

ci hi. Uzzah pen siampi na hih tuak lo hi. Thu neuno tawh a kibat hangin ama aituam deihna a tellak nopna tawh a gen hi-a, mite lungsim hong haisak ahihna hi bangin kimu thei hi: “Pasian’ nasem siampite Pasian phalloh a sem, a lawngkha aa buaite ih suah lohnang kisittel huai hi” ci in nasem worker-te hong mawhsakna na hi hi. A deihkaih hi. A omlo pipi ahi lo pipi om sak, hi sak hi. A thuduh luatna zong hi.



(b) “Mun khempeuh ah Pasian om cih upna lamdang hong hilh” cih zong pen upna lamdang hi lo hi. Hih thu pen pasian cih gen loh Pasian zong mun khempeuh ah om hi (Omni present) ci-a Christian khempeuh, SDA in zong a um hi hang. (27 Beliefs, p. laimal kicianpha lo khat kigelh) [17th November 2003 ni-a Letter N. (016)/11/03] ci-in Pastor Kenneth Suanzanang laihawm pen Kai Za Dal in hong nial kik hi.



Dr. Kellogg ih thuthak muhkhiat pen “Pantheism, pan = all, theo = God” a cihnopna in – “Everything manifests the presence of God; nature and God are identical” hi-a “nate khempeuh Pasian omna hong tellak in, “pianpih nate leh Pasian pen kibanglinlianhi” cih hi. Dr. Kellogg in hih thuthak pen 1897 kum-a kibawl ministerial institute ah hong pulak hi. Hih thu tawh kisai in Herbert E Douglass ih gelh Messenger of the Lord: the prophetic ministry of Ellen G White laibu laimai 194-207 sungah kicing takin kisim thei hi.



1899 kumin General Conference ah cidamna tawh kisai in Dr. Kellogg in hi bangin hong hilh hi: “ih dik huih te, ih nek an leh tuite sungah Pasian om hi; bang hang hiam cih leh (God is in everything) nature – nate sungah Pasian om hi” (General Conference Daily Bulletin 1899, pp. 57,58, 119) A thuthuk a tel zolo te in hong pompih uh hi. 1888 a “Upna hanga dik-kisakna ngah – righteousness by faith” cih thu a genkhia te ahi E J Waggoner leh A T Jones te geel in zong na pomsak hi. India gam pan hong ciah-a Secretary of Foreign Mission Board a sem W A Spicer in India gam-a Hinduism te upna hi cih hong tel hi. (1 February 1902) ni-a mei ih kat ahi Battle Creek zato pi lamh nadinga fund zon’ nadingin a laibu gelh “The Living Temple” pen, W W Prescott leh W A Spicer te in a draft copy hong sim ciangin buaina hong kipan pah hi. Tua laibu sungah amuh thak upna thu na gelh hi.



Mrs White in “You are not definitely clear on the personality of God, which is everyting to us as a people. You have virtually destroying the Lord God Himself.” [Letter 300, 1903 and 52, 1903, cited in Biographies Vol. 5, p. 292] hong ci hi. 1899 kum-a GC kikhoppi ah ahun lap-a kisim dingin Mrs White in Australia pan lai na khak a, tua lai sungah hi bangin na ci hi:

“Nature is not God and never was God – Pianpihnate in Pasian hi lo-a, Pasian zong hi ngei vet lo hi.” [General Conference Daily Bulletin 157]

“This theory is…one of Satan’s most subtle devices – Hih thu pen Satan ih a zawi mahmah a hong muhthak sak ahi hi….Satan in khuavak tam a mu pente khem masa dingin hanciam hi. Tua bang mite ama khutnuai tun’ masa mawk leh, dikna puantual nuai-ah mawhna selsim in mihing tampi tak hong lampial pih zo ding hi” (Manuscript Releases 1534, Letter 230, October 2, 1903) ci in Dr Kellogg thu hong hilhcian hi.



Hih thu tawh kisai in “The Living Temple” cih laibu a gelh pen, Review and Herald laikhetna panin khen dinga kipan ahih manin, December 30, 1902 kum ciangin Pasian in tua Laikhetna setzungpi mei tawh hong haltum sak hi. Dr. Kellogg zong pawlpi pan hong khawl in, a sih dong pawl sungah hong lut kik lo hi. Tua mahbangin Ka lawm Kai Za Dal zong pil-lua in a pil-luatna tawh pawlpi mi nautaang tampi tak a puuksak dingin leh SDA pawlpi a maimial sak dingin Satan in hong zangh a, SDA pawlpi pua hong tung hi. A sih dongin hong lut kik khak lo ding ka patauh pih mahmah hi.



Hih upna thak Pantheism leh Omni Present kibang hi ci-a ka lawm Kai Za Dal in hong gelh hong hawmkhiat pen General Conference Working Policy pan-a lampialna bek hi nawn lo-in, Dr. Kellogg banga Seventh-day Adventist upna bulpite pan-a lampial hi ta hi. Kua mahin thei cian zo kei in cin, tua ci banga vat leng, mite lungsim dalsak zo pen ning aci hi ding hi. Lauhuai lua hi. ZomiSDAte tampi tak hong khiim khin, hong tuuksak khin hi.



Noah’ teembaw leh Pawlpi

A tunga thulu tawh kisai-a ka laigelh pen kei ngaihsutna zong hi lo a, [Signs of the Times, August 2011, pp. 44 – 46] sung pan ka lakkhiat thu ahi hi. Khial hi ci-a hong dawnkikna pen kei bek akhial hong ci hi lo-in, pawlpi mahmah khial hi hong ci na hi gige hi. Ahi kei leh a kipil sak lua, a kiteitang sak lua in makai khat ih lai gelh pepeuh nialnial ding cih lungsim tawh hong nialnial hi zaw hiam?



Noah’ tembaw leh pawlpi tawh kisai in SDA Bible Commentary vol. 1, p. 260 sunga hong genna ah:

“The ark was God’s appointed place of salvation, and outside of it there was no safety. And as it was in the days of Noah, so will it be when this present age is brought to an abrupt closes at the coming of the Son of man (Matt. 24:37) – Teembaw in gupkhiatna mun dinga Pasian in geelsak hi, a pualam ahih leh bukna muanhuai om lo hi. Noah hun lai a bangin Mihing’ Tapa hong pai nading a nai ciangin hong piang ding hi”

Noah hunlai-a mihingte tui in ciim-a a sih loh nadingin Pasian in Teembaw bawl dingin sawl hi. Teembaw a bawlna pen Pasian’ thupuak upna leh upna pulakna hi-a, Teembaw sungah a lut teng suakta mawk hi ven. A upna hangin gupna ngah hi; bang hang hiam cih leh, a up manin teembaw hong bawl in a sungah hong lut uh hi. Um kei uh leh, bawl lo ding, zong lut vet lo ding hi. Mrs. White in Patriarchs and Prophets, p. 100 ah tuipi hong liim tak ciangin, pawlkhat-te in tembaw susia in a sung lut sawm a, piang thei lo hi ci hi. Pawl khat leuleu in tembaw tungah a let thei pepeuh len in a tawl a kham dong om uh-a tui kilawk in lenkhia lel in, si veve uh hi ci hi. Tua mah bangin CPC/MAC/MUC leh Ka lawm Kai Za Dal in SDA min deih in zumah hong delh hong delh hi. Ko aa zong hi e, ci ci hi. SDA pawlpi (Mission makaihna nuai) ah ih om loh (Teembaw sung lutlo) hangin SDA Upna bulpi 28 te um peuh leng, len tentan peuh leng gupna kitaan tuan lo ding hi, ci zen uh hi ve aw.



Mrs. White in The Acts of the Apostles, p. 10 na ah:

“The church is God's appointed agency for the salvation of men. It was organized for service, and its mission is to carry the gospel to the world. From the beginning it has been God's plan that through His church shall be reflected to the world His fullness and His sufficiency. The members of the church, those whom He has called out of darkness into His marvelous light, are to show forth His glory. The church is the repository of the riches of the grace of Christ; and through the church will eventually be made manifest, even to "the principalities and powers in heavenly places," the final and full display of the love of God. Ephesians 3:10” ci hi.

Ute naute aw, Mrs. White in “The church is God's appointed agency for the salvation of men – pawlpi pen mihingte gupna ngah nadingin Pasian zat ahi hi” ci-a siangtak, kitel takin hong hilhkhia zen hi ve aw. Hih hilhcianna sangin a siangzaw bang dang om ding hiam?



A tung-a Bible Commentary leh The Acts of the Apostles pana hilhcianna [The ark was God’s appointed place of salvation; leh The church is God's appointed agency for the salvation of men” cih thu om khin hi napi, ka lawm Kai Za Dal in CPC/MAC/MUC huum nuam lua kisa in Pasian’ thu kong genkhiat pen a nuai-a bangin hong nial zen hi:

5. "Noah tembaw in pawlpi lim ahihi.” LAI SIANGTHO thak hi ta leh, Spirit of Prophecy hita leh, Bible Scholarte hi ta leh “Liim” ci ngei lo hi. Cih theih loh nang thu tampi om hi. “Ahizong in gupkhiatna ngahna hi ka cih na hilo hi” cin kiphelh zel napi in Noah tembaw sung aate siatna pan gupkhiatna ngah lo om lo” acih nungsang “Pawlpi lim” hi thei lo hi. Hih pen invalid, imaginative, conjectural theology hi. [Kai Za Dal, Thudiklo laktelna_Anlangh, August 2011]

Teembaw sungah a lut-te gupkhiatna ngah a, tua mah bangin pawlpi sungah kiptak-a a om, a lut-te gupna ngahte ahi hi. A pawlpi in gupna hong pia, mawh hong maisak hi lo-a, Jesu in gupna a piak-khitsate pawlpi sungah innkuankhat bangin omkhawm uh hi. Ka lawm Kai Za Dal in banghang in Noah’ teembaw tawh kisai kong gente hong nial hiam cih ngaihsun sun leng, tua thute mipite in mu kei leh amah tawh a kisia khawm ding mitam om ding, a nungzui ding mi tam om ding cih a ngaihsutna hi. Hong it man hi zaw lo in a sih pih dinga hong deih hi zaw hi.



Ka lawm Kai Za Dal in hong mawhsak ta zongin a thuuk zaw lai in hong gen leng, “The Seventh-day Adventist Church is God’s appointed agency for the salvation of men” ci nuam ing. Kamsangnu mahmah in hih pawlpi pen a beibaang pawlpi na ci hi. Hih pawlpi khit amaanzaw pawlpi om nawnlo hi ci lai hi. Tua pawlpi sungah kihel loh nadinga vaihawmna khempeuh pen Lucifer-Tanglai Gulpi-Satan’ nasepna hi.



Teembaw in a muanhuai penpen mun hi [The ark was God’s appointed place of salvation, and outside of it there was no safety – a pualam ah bukna muanhuai om lo hi (SDA Bible Commentary vol. 1, p. 260)] ka cih pen hi bangin hong nial teeiteei hi. Kai Za Dal hong nialnate:

6. “Tembaw in amuan huai penpen mun hi” La in “Ih buukna suangpi, huihpi nuncing aa kidalna” ci hi. “I buukna Tembaw huihpi nunciang aa kidalna” a cih loh bang in huih nei /uk pa leh Tembaw nei, abawlsakpa muanhuai pen pen pa hi…“God a lone” Pasian bek in tua tuigilo pan hon khia thei hi (PP 95) A bawl sak khit teh nai (watch) bang dan koih hi lo in kemsuak cing suak hi cih kithei tel hi.” [Kai Za Dal, Thudiklo laktelna_Anlangh, August 2011]



Seventh-day Adventist pawlpi muanhuai lo aci hi zaw hi. Ih bukna suangpi, huihpi nunciang aa kidalna ci-in la in kisa mah hi; tua bukna muanhuaipen Pasian hi mah hi; tua Pasian sungah koi ci bangin buu ding na hiam? Tua santakah mipite hong khem, hong peipung, na lungsim kongkhak hong khaksak hi. Teembaw sungah bukna pen Pasian taang hi akici hi lo hi. Pasian in ama sungah a buk na dingin Teembaw a zat mah bangin, tu ciangin a Pawlpi – Church na zangh hi cih telcian zaw ni. Bang hang hiam? Pasian in Noah te gupna ngah nading in teembaw sungah lut sak a, tu lai mihingte ahi leh a Pasian’ pawlpi “The church is God's appointed agency for the salvation of men” (AA p. 10) tawh hong kizom sak hi. Seventh-day Adventist pawlpi pen Pasian’ pawlpi hi. Mrs. White genna ah: “the church of Christ, enfeebled and defective as it may be, is the only object on earth on which He bestows His supreme regard” Testimonies to Ministers, p. 15 ci hi. Pasian pawlpi tawh na kizop nop kei leh Satan tawh akizom na hi hi. Pasian in tuiciin pan-a na suahtak nadingin Kei sungah hong buu un ci lo in, teembaw na bawl unla a sungah na lut un, ci hi. Teembaw zangh in mihingte hong gumkhia hi.



“Midangdang te in teembaw lamhna a huh sam uh hangin, atawp dong sem zolo, nop ci sa lo, thupi ngaihsut khol lo in, nusia sia uh hi” ci-a ka gelh pen anuai-a bangin hong nial hi.

8. “Midangdang te in tembaw lamhna a huh sam uh hangin, atawp dong sem zolo, nop ci sa lo, thupi ngaihsut khol lo in, nusia sia uh hi” Noah in tetcipan na, thu hilhna, tuiciin tun ding gen leh lamkawm kawm thuah hi. A kipatcil in mun tuamtuam pan mi honpi (Multitude from every direction) in lampih hi. Tua khit mi tampi (many) in warning sang thei lai in lampih lai hi. “Nop ci sa lo” ahih man hi lo in mawhna kisikkik loh (no repentance), Uplohna (unbelief) pan hi zaw hi (PP 95)” [Kai Za Dal, Thudiklo laktelna_Anlangh, August 2011]



“Nopci sa lo ahih man hi lo in” ci-a hong nial pen bang siksan hiam? Lai Siangtho in hih bangin gen hi” “Tuiciin a tun’ ma hunin, teembaw sungah Noah a tum hun ciangdong, mite in an ne, zune-in om uh a, mo kipi, mo kikha in” (Matt. 24:38) ci hi. Mrs. White in zong Manuscript Releases No 1418, Letter 108, 1896 sungah “The Danger of Prosperity” cih thulu zangh in hong gelh hi. Leitung ngualnopna te pan pusuak khia zo lo-a mawhna bawl in, kisik nuamlo hi cih hi lel lo hiam? Nopci sa loh ahih man hi lo hi hong cih pen, thu neuno cik khat ah zong nial teeiteei ding, kei gen bek a maan pen, kei bek a thei pen hi ing cihnopna lungsim hi.



Tua banah,

“9. “Tembawpi in nopsakna muh nading mun hilo” cizel; a tungdeuh ah lah “Pawlpi in lungnopna i muh nading mun hi thuak teitai “Noahte in pusuakkhia lo in om teitai hi”, acih tawh kileh bulh hi. Anuai lam ah “lungnopna hong pia hi” cizeel telmun om lo in “Lim” hihna om lo hi. Tembaw lamna in Noah i thumanhna (obedience) dikna (righteousness). Upna (faith) alakkhia hi aa, abeh aphung apawlpi, tuu huang in gupna pia lo ahihna kitel muh hi” [Kai Za Dal, Thudiklo laktelna_Anlangh, August 2011]



Ka laigelhte a kilehbulh om lo hi. “Teembawpi in nopsakna muh nading mun hilo” ka cih pen (Matt 24:38) banga leitung gualnop, zunek sane, kipi kiteenna mun ding hi lo ahih man hi. Tua bang gualnopnate teembaw sungah kimu zo lo hi. Ahi zongin Pawlpi pen mihingin Pasian kiang pan hong pai, hong luang lungnopna, hauhna thuphate ih san, ih don nading mun hi (AA 10).



“abeh aphung apawlpi, tuu huang in gupna pia lo ahihna kitel muh hi” Kai Za Dal in hong ci hi. “A pawlpi, Tuuhuang in gupna hong pia lo ahih na kitelmu” ci-a hong genkhiat tak ciangin, ama’ pau dan hi leh out of context hi. Mrs. White ih [The church is God's appointed agency for the salvation of men] cih kammal pen koilai ah koih khiat sawm hiam? Mihingte hong gumkhia, hong tankhia pen Jesu hi-a, tua tatkhiatna na asem ding agency pen pawlpi hi. Tuucingmaan pa in tuu huang nei-a, tuucing maanpa nung a zui a pom teng in tua tuuhuang sungah lut ding hi. Pasian’ ta ahi te in tuuhuang sungah om ding hi. Tuuhuang sungah a omlote a lampial, amangthang hi a, tua bang mite Tuucingpa in hong zong hi. Tuuhuang sungah a omnuamlo ka lawm Kai Za Dal leh Paulek te zong a ciahkik dingin Tuucingpa in hong zong hi. Tuuhuang kongvang panin hong lut ta peuh un, a ngei khawngah na luai luai uh leh guta buuluhte na hi ding uh hi. Jesu in “kongkhak ka hi hi” ci hi. Tua kongkhak panin tuuhuang-pawlpi sungah hong lut un.



Tuuhuang zong pawlpi tawh na genteh hi:

“…wandering sheep on his shoulder, and with cheerful gratitude that his search has not been in vain, he returns it to the fold… Jesus says, "I am the good Shepherd, and know my sheep, and am known of mine." Just as a shepherd of earth knows his sheep, so does the chief Shepherd know his flock that are scattered throughout the whole world. "And ye, my flock, the flock of my pasture, are men, and I am your God, saith the Lord God." "Take heed therefore unto yourselves, and to all the flock, over which the Holy Ghost hath made you overseers, to feed the church of God, which he hath purchased with his own blood." [Review and Herald, August 23, 1892 par. 10]



Mrs. White in hi bangin ci hi: “Christ is the door to the fold of God. Through this door all His children, from the earliest times, have found entrance...Many have come presenting other objects for the faith of the world; ceremonies and systems have been devised by which men hope to receive justification and peace with God, and thus find entrance to His fold. But the only door is Christ, and all who have interposed something to take the place of Christ, all who have tried to enter the fold in some other way, are thieves and robbers. [The Desire of Ages, p. 477:3]



Ahi zongin “The Pharisees had not entered by the door. They had climbed into the fold by another way than Christ, and they were not fulfilling the work of the true shepherd – Phariseete “Kai Za Dal leh Paulek” [italic supplied by Suak Khaw Ngin] kongvang pan lut lo-a, mundang panin kan in lut uh hi; amaute in tuucingmaan nasep na picin lo uh hi” [DA 478] na ci giat hi. Pawlpi sungah lah om nuamlo, a upna 28 te lah let/pom sawm vanglak pen, Phariseete omzia hi lel lo hiam?



Kai Za Dal hong cih na ah:

“…pawlpi tawh kizopna masakding na gen lo hi. “Tua Jesu in pawlpipen ka “pumpi” hi ci hi (1 Kor 12:27,Eph 4:12) a cih pen zong “note in Khrist pumpi na hi uh hi, adiakdiak in memba, pawlpi mite na ci zaw hi. Khrist cih hi lo; St. Pawlu cih hi zaw (1 Kor 12:27) ah Khrist pen pawlpi lutang hi aa, thu um mite pawlpi a ding pumpi amengte hi-in Khrist pumpi hi uh hi (Efe 5:30) na ci hi. Kipumkhatna, kipawlna thupi zia hong lak hi. Khat guak ki cing thei sam lo aa, mitampi tawh kicing zaw, muibun zaw, gualzo zaw ahih man in kipawlna limla pawlpi kipawlna conference thupi to hi. [Kai Za Dal, Thudiklo laktelna_Anlangh, August 2011]



“Pawlpi tawh kizopna masak ding na gen lo hi” ci-a, a nuai mah panin “Kipawlna limla pawlpi kipawlna conference thupi to hi” hong cih kik ciangin, a nung a mai bang mah tel-lopi in thu gengen pa khat ahihna kilang hi. Tua banah “Jesu in Pawlpi pen ka Pumpi hi” lah hong ci kik leuleu in, tua Jesu sangin pawlpi kipawlna conference thupi zaw aci nuam hih tuak lai hi. Pawlpi kipawlna Kai Za Dal’s CONFERENCE mah zuan masa ding a ci nuam hi ding hi. Jesu tawh kizop ma sak ding sangin Myanmar Union Conference tawh kizop masak ding Jesu in hong ngen zaw hi kha ding hi ci leng e leh, a hi thei mah diam? Ih lampial lua kei nam maw?



Vangik pua-a gimte aw Ka (Jesu) kiangah hong pai-un, tawldamna ka hong pia ding hi (Matt. 11:28) ci in Pawlpi lutang ahi Jesu in hong sam hi. Pawlpi lutang Jesu a um a sang a pomte in kisia lo in nuntakna a ngah ding hi (John 3:16). Jesu kiang zuan-a upna kibang in a om mihon khat teng pen Pawlpi kici hi. Jesu in gen ta leh Sawltak Pawlu in gen ta leh tua kammal teng pen Jesu’ nungzuite in Lai Siangtho or Pasian’ Thubu ci in kisangkhin hi lo hiam? Tua in ci, tua in ci kei hong cih pen a deih teng pom in ama lungsim tawh kituak phalo, a Conference thu muhna tawh kituak pha lo teng pen tua cih hi lel ahih manin thupi masa kei aci hi zaw hi. A lungsim tawh kituak lo teng tuancil cihna hi.



“Kipawlna limla pawlpi kipawlna conference thupi to hi,” [Kai Za Dal, Thudiklo laktelna_Anlangh, August 2011] hong ci ngeu mawk pen Roman Catholic pawlpite in Pasian’ thukham sangin “Traditions – ngeinate” thupi zaw hi acih tawh kibang hi. Piancilna 1:1 panin Mangmuhna 22:21 dong na sim zongin tua bang ngetna ahi zong, “Conference” cih kammal pen munkhat zongah na mu zo kei ding hi. Jesu in Conference ah hong kibelpawl un ci-in hong vaikhak hiam? Conference mah ultung sak nuam ahih manin them cicik in hong khemkhem hi. “Conference” cih kammal tawh ZomiSDAte aisa zol in hong zawl zawl a, ZomiSDAte tampitak hong mankhin, hong ne khin ta hi. Bang zah in nek thuak lai ding ih hi hiam?



Church/pawlpi ih cih ciangin thu-um mite kipawlkhopna a genna hi. Thu-um mite hong tam ciangin kipawlkhopna hong kisam a, tua banga hong kipawlkhop tak ciangin ki-ukna zong kisam zel hi. Tua ki-ukna pen a tua ci ki-ukna, tua ci ki-ukna ci-in a ki-ukzia tawh kizui-in namtuamtuam hong om hi. Pasian in direct-a a ukna, mihon te thuneihna ki-ukna, khat kia thuneihna tawh ki-ukna cih bangin na om hi. Ei Seventh-day Adventist Church in a kipawlkhopna ah ki-ukna zia nam nih hong nei in, Conference ki-ukna leh Mission ki-ukna te ahi hi. Nang le kei ih gupna ngah theih nadingin ahih leh Conference/mission ki-ukna te thupi masa lo hi. Tu ni in a beibaang-remnant Adventist pawlpi sungah om in a tawp dong a thumaan zo ding kisam hi. Conference ki-ukna sungah na om manin vantungah hihna sang ngah zaw ding cihna lah hi zenzen lo, Mission sungah na om ciangin vantungah a neupen hi ding cih pah na lah om lo hi ven. A thupi penpen ah Jesu mahmah ih omna, a ven a kep pawlpi sungah na om ding bek thupi hi.



Pawlpi leh Gupna thu tawh kisai in a nuai-a bangin hong nial nial pen, bang hang hiam? A vekpi in dawn dingin ka ngaihsun kei hi. A deihna bulpi pen, tu lai taka leitung buppi tawh kizom-a mission level ki-ukna a zangh zo pan Upper Myanmar Mission of Seventh-day Adventist Church/Myanmar Union Mission of Seventh-day Adventist Church nuai himhim ah om kul kei, Union-Division-General Conference te in hong theihpih ta kei leh Conference Planning Committee/Upper Myanmar Conference/Myanmar Union Conference ih cih kipawlna sungah om lel lehang kicing lel hi ci-a a nungzuite a hanthot nopna hi. Hi banga hong nialnial ciangin upna pan lampial hi ci-a ih gengente amaan na hi gige hi. Lampial kei leh hi zah in hong nial tentan lo ding hi.



Pawlpi khat pepeuh ah lutkul lo

“A kimu thei lo pawlpi ah leitung bup Pasian mite kigawm khawm uh hi. A ki mu thei pawlpi sung a thu um mite ki hel in, pawlpi khat pepeuh ah lutlo in Khrist piak khuavak khempeuh a zuisa mite ki hel hi. (1 John 1:9)” [Kai Za Dal, Thudiklo laktelna_Anlangh, August 2011]



“Pawlpi khat pepeuh ah lutlo in Khrist piak khuavak khempeuh a zuisa mite” a cih pen tu-a ei Myanmar Union Conference ah a kipawl te, SDA pawlpi tawh ih kizop loh hangin gupna kitaan tuan lo hi aci nuam lua hih tuak hi. Pawlpi khat pepeuh tawh kizop lo, Khrist piak khuavak a zuisa mite cih pen, Pasian thu thei nai vet lo, Lai Siangtho zong a thei ngei lo, thumaan thutak mu ngei nailo, ahi zongin ama om mun ah gamtatna pha ci-a a ngaihsut bangin mawhna bawl het lo-a a nungta mihing tampi takte agen nuam ahi hi. Myanmar Union Conference pawlpi mite ahih leh, thumaan mukhinlua kisa, a omna pawlpi hawmthawh in a sangzaw a kahnuamte hi ven, a pha thei napi a zuinuamlote mawhnei hi cih Sawltak Paul kammal koi-ah koih uh hiam? Thei gige napi zuih noplohna in mawhna hi. SDA pawlpi in pawlpi maanpen hi cih thei gige napi tua pawlpi tawh kizom nuamlo ahih manin mawhneite a suak uh hi. Tua bangte thungetna Pasian in sanglo ding hi. Tua bangte kipawlna ah Jesu in hong ompih het lo ding hi. Jesu kihel lo kipawlna in Satan tawh kizom kipawlna ahi hi. ZomiSDAte Satan tawh banghangin kipawl khawm, anbel pawlkhawm ding ih hi hiam?



General Conference, Division leh Union ah kipawl khopna

Kai Za Dal in anuai-a bangin hong kheem hi.

“III. SDA MIMAL LEH MIHON

A hihang upna kibang a dinmun a tuamtuam hang in SDA kipawlna phualpi tawh a ki zom lo pawlpi kipawlnate (Small groups) te SDA/SDA pawlpi hilo (not apart of denomination) ci-in kinial lo hi. SDA Encyclopedia, Commentary Series vol. 10, 1976, p 1324. “Seventh-day Advetist Church” article thu-um mimal hi ta leh, tualpawlpite hi ta leh kipawlna MUC hita leh SDA hi aa, GC tawh a kizom nai lo, kisang nai lo GC member hi cih nial theih hi lo hi. Ibid, pp 493,496 te en lai lai in. “General Conference”, “Article III membership” leh SSD Constitution, Bylaws, and working policies. Silang, Cavite, Philippine, 1999 p.2 leh SDA yearbook 2005 Hager town, MD: R&H Publication, 2005, p. 9 (hih pen English in Sia Gen Mung ading gelhna ah om zo hi). Tua hi in MUC pen SDA pawlpi te kipawlna aman adik khat hi (a part of SDA denomination) hi” [Kai Za Dal, Thudiklo laktelna_Anlangh, August 2011]



Kai Za Dal ih laibu hong mat pen hi bang hi:

“It does not apply to those (mostly in small groups) who observe the seventh day and hold to the nearness of the Advent but who differ on other doctrines and hence are not part of the denomination. On the other hand, it is not denied to those of like faith who are separated by circumstances from organizational connection with the whole body of Seventh-day Adventists” [SDA Encyclopedia, Article “Seventh-day Adventist”].

A laigual masa penpen ah kei telna bang ahih leh Kai Za Dal in deihkaih in hong letkhia in ka ngaihsun hi. [“…Small groups) te SDA/SDA pawlpi hilo (not apart of denomination) ci-in kinial lo hi” ci-a hong gelh teng pen, “It does not apply to those – kihello, kicitheilo hi ci zaw leh kilawm ka sa hi. Hong deih kaih luat man hi ding hi. A laigual nihna ah, “upna kibanga thu tuamtuam hanga pawlpi tawh a kikhente kinial lo hi” ci pan hi.



General Conference Working Policy, p. 2 sunga a gen pen “that have been or shall be properly organized and accepted by vote – kikhensatsa leh hoihtak-a kiphut dingte” ci hi. Hih santak-ah ngaihsut mahmah ding thupi khat om hi. “…separated by circumstrances from organizational connection” cih kammal in bang ciang huam ding hiam cih thu hi. Hih kammal khat hangin CPC/MAC/MUC in zong General Conference sungah a kihel, upna kibang, thu tuamtuam hanga kikhenkhia hi ung, hong ci na hi gige hi. Bang hangin Pawlpi kipawlna tawh kikhenkhia cih pen ngaihsut ding hong hi ta hi. Munkhat te ah gam kimakaihna hangin SDA kipawlna tawh kipawl khop ding, kizop ding haksatna zong om thei, gentehna in, Vatican City sungah Adventist khat na om zenzen leh, tua khuapi sungah a om manin nang pen SDA hi kei teh, ko kipawlna sungah kihel thei kei teh ci-in kinial thei lo hi. A nai penpen pawlpi khat in tavuan la-in tua pa tawh kizopna hong bawlsak hamtang ding hi.



Ei Conference Planning Committee/Myanmar Adventist Conference/Myanmar Union Conference of SDAs cih kipawlna in Seventh-day Adventist Church organization tawh a kikhenkhiatna thu pen Pawlpi thukhun leh policy te zuih zawhloh man, zuihnoploh man-a kikhenkhia ahi hi. A tungsiah a lianzaw pawlpi kipawlna in a theihpih vet loh thu khat tawh kikhenkhia ahi hi. General Conference ih zat ahi Division makaipi pa giat in na hi nawn kei unla, lampi maan tawh hong kalsuan masa un cih thuumna zong mangzo lo-a kalsuan teeiteei-na tawh hong piangkhia in, hong kikhenkhia ahi hi. Tua ahih ciangin General Conference in ama khunsa policy tawh a kalsuan nuam vet-lo khat pen “shall be properly organized” ci-in hong ciamteh het lo ding hi. Tua ahih manin hih kammal khat peuh tawh na lungmuang mawkmawk kei zaw un. Tua pen ka lawm Kai Za Dal in ama ngaihsutna tawh kituak in laibu khat hong man or la in hong gelh hi lel-a, ei le ei kipiaktawm – self-righteousness hi. Sepna tawh gupna thalawh nopna namkhat hi gige hi. Mihingte lungsim sungah amaan ding banga ngaihsun uh ahih hangin a tawpna ah sihna a hong tun thu om hi cih pen hih a tunga upna leh pomna pen na hi mawk lo hiam?



Tha shaking of Adventism

A tung-a thulu tawh ka laihawm pen ka lawm Kai Za Dal in upna pan lampial hi hong ci-a anuai-a bangin hong nial hi: “Khatvei lai, Conference ki patkhit deuh pawl in Sia Nginkok in “The Shaking of Adventism” cin circular hong bawl hi. A title pah phot khial hi. Adventist te a ki singkhia, kilik gawp upna, hilhna khangkhia acihna bulhkhamawk in pawlpi dangte ah hi leh hong gensiatna hi kici thei hi. Adventism kilok lo a en mite kilok, Sia Nginkok kilok hi zaw hi cin circular mah tawh kidawng hi. Tun zong Tembaw in pawlpi lim hi cin upmawh lel, deihkaih lel thu zuau (Conjecture, guessing, invalid conclusive statement) hong khah khia leuleu hi.” [Kai Za Dal, Thudiklo laktelna_Anlangh, August 2011]



Hih thu pen kei cih hi lo a, General

2011 November 12 Kuala Lumpur ah MYUM Sumkempi Pa Dalpu

Mungno Gualnam leh Sia Khen te Laikhaak 2011 October

Date: Thu, 8 Sep 2011 16:38:23 +0800
Subject: KIKUPNA
From: siakhen777@gmail.com
To: mungno@hotmail.com
CC: saya.khen@yahoo.com; millhoper@yahoo.com; paukhan2007@gmail.com; lamcin777@gmail.com


Dear Sia Mungno,


Nunga kong dotnate nong dawnkikna sung pan Point ka tomlak kikna le katellohte ong dong kik ing. Kheldotna hilo in, MUC vai-a om issue-te Theology tawh kikoi cizop cih leh koiteng kituak-a koiteng kituaklo cihte saikiak-in historcal Theological Point of view pan en-in atelcian nuam hi zaw ing.


Lungduai taka, manlah ding pipi kawmkaal-ah, nong dawnnate zong nakpi-in lungdamin, nong cimtak loh nading zong ong thum lai ing. September 4, 2011 Sunday ni-a nong kikuppih kikna sung pan-in anuai-ateng tomkai-in pawlkhat katel lohte akician zaw dingin kong dong thuah lai hi.


1. Gupna pen Mission(Organzation) sung bek-ah omlo hi.(Tomlakna #1)
2. Gup ngah nading in SDA Organization tawh kizop kul cih tawh kisai:
a. Kawlgam ah SDA Conference omlo hi.
b. MUC pen Conference himah hi. Ahizongin SDA Conference hilo hi.


“SDA Conference hileh SDA buaisak lo ding hi. SDA Conference hi ung acih teitei uh pen mite lampial nading le SDA Pawlpi suksiat nading Dawimangpa khemna(tactic) molhtum hi.”


Ngaihsut Ding Dotna:
1) Tua hi leh MUC in banghangin amau le amau SDA kici teitei-uh hiam?
2) SDA hihna bang hi-a, SDA hihlohna bang hiam?
3) MUC in Legitimate or dully organized/ GC recognized SDA Conference hi ung ci-in Pawlpi mite khem uh hiam?
4) MUC in Official Declaration bang ci neih uh hiam?


c. SDA Pawlpi tawh kizop kik mengmeng ding kisam hi.



“MUC….pen Dawimangpa in SDA Pawlpi a suksiat theih nading leh SDA Pawlpi mite a lampial theih nadingin SDA Pawlpi mun suangaa thumanlopi tawh a khemna(tactic) molhtum lianpi khat ahi hi. SDA pawlpi a it takpite in SDA pawlpi tawh kizop kik menmeng ding kisam hia.”(sia mungno)

Hih teng ka tom kaih ciangin, MUC tawh kipawlna pen Dawimangpa tawh kizopna hi-a, dully organized SDA Organization adawldawl tawh kipawlna pen Pasian tawh kipawl na hi, cih khiatna a dawk ding danin na la ing. Lam dang khat tawh gen le’ng:



MUC tawh kizopna pen, SDA Pawlpi itlohna, Satan tawh Kipawlna hi –a Gupna lampi tungah om lo cihna hi ding hi.
SDA Org. tawh kizopna pen Pasian tawh kipawlna hi dinga, Gupna lampi tungah dinna hi cih suak ding hi.


Comment:
Tua hi leh Pawlpi cih ciangin SDA Organization pen pawlpi cihna suak ding hi. Lai Siangtho in Pawlpi achina aspects te SDA pomzia enkim ding kisam ding hi. Gupna ngah nadingin SDA tawh kizop kul or Pasian thute um-in zui kul hi, ci ihih leh organization tawh kizopna pen bang ciang le bang ading cih theological, doctrinal le Organizational point-te panin etkak dimdiam kisam dingin ka mu hi.(sikhen)

d. MUC in thukham (No. 8,9,10) palsat hi. Tua palsatnate pen White-color Crime nam hi. White-color Crime seel nadingin zuau phuak, khem, Pawlpi mite sumpi le sawm-a-khat zang(ih zat pen) ahih manin Pasian in awi lo ding hi.


Dotna:
a. Nong laigelh masa sung-a MUC Thukham palsatnate pen tu-a sungah White-color crime na cih ciangin a nature, value/degree akibang veve a cinuam nahi hiam?
b. Sumpi leh Sawm-akhat itzat na cih ciangin MUC le MYUM (inclusive) in zang hi aci na hiam? Or MUC bek(exclusive) in zang aci nuam na hiam?

3. MUC in SDA Langdo:


“Christian Pawlpi tuamtuam ahi RC, AG, ABM, UPC aki pan pawlpi tuamtuam genloh Buddhishte, Muslimte nangawn in tuni ciangciang kawlgam sungaa SDA Pawlpi bangmah hong nawngkai sak lo uh hi..... MUC makai te in SDA Pawlpi langdo aa Pasian Pawlpi neihsa a suhna, tua teng seel dinga khemna, zuauna leh phuahtawm atuamtuam te pen theipipia mawh altangnate seel , sinn sinn nawn o iin kikheel huai ....ta hi. Gupna ngah leh ngahloh pen Topa Pasian khensatna bang hi ding hi”(sia mungno)


Dotna:
a. SDA Langdona le langdo lo cihna-ah Organizational le Beliefs(Physical and spiritual) koizaw agen nuam na hiam? Or Anih in a gen nuam na hiam?
b. MUC in SDA Beliefs(Doctrine) le Organization alang do hiam? MUC in bang ci dinmun nei uh hiam?
c. RC, AG, ABM…Buddhist, Muslim etc te in SDAte langdo lo takpi mah hiam? or bangte langdo-in, bangte langdo lo uh hiam?(Nakpitak saikak-a ngaihsut ding)
d. MUC in SDA neihsa bangte tuh uh hiam or UMM neihsa bangte tuh uh hiam? (cihte ngaihsut phat ding)


4. Gup ngah nadingin SDA Organization tawh kizop Kul or Kisam cih tawh kisai:


“Organization tawh kizop KUL OR KISAM cilo-in gupna dingin Lai Siangtho sunga Pasian hilh leh gen bang um-in zui leh nuntakpih ding. Tua hi leh Pasian in gup pia ding. A hizongin MUC in SDA Pawlpi langdo le nawngkai sak kawmkawm-in SDA hi ung acih pen lampialna khat hi. SDA a it, a um taktakte in SDA Pawlpi GC, DV, Union le Local Mission/Conference tawh ki zop ding kisam hi.”


Dotna:
a. Hih na cih na pen MUC-te Gupna adingin SDA organization tawh kizop kisam hi aci na hiam, or SDA Pawlpi tawh kipawl kizop khopna ding bek-a aci na hiam? Or anih tuak adding aci na hiam?
b. SDA hihna pen Organization tawh kizopna bek tawh hi aci na hiam? cih telcian sak ding kong thum hi.


Ani Sagihni zangin Jesu Kumkik ding alam en den
Na lawm,
siakhen
Kham Khen Pau




PS: Hih ikikupnate pen mimal kitel khialna omlo-in, MUC le MYUM buaina pan alangnih tuaka adik le akhial thute mipi in thuman ahi ding ciang amuh theih nadingin zong deih ihih manin, mimal kikona, ki eeng cihna, kimawhsakna kihello-in kikup pih ding zawn leng bang ci nasa hiam cih zong thei nuam ing.
-------------------

Kong it Sia Khen leh Zomi net member a kua maciat:
Sia Khen aw hi bang iin Topa' thupha hang iin cidam aa lai ih kikhak theih aa pawlpi thu luan zia te ih kikup theih zel man iin Topa' min phat ingh. Manlahna a tuamtuamte hang iin September 8, 2011 ni aa "KIKUPNA" cih thulu tawh nong email khak peen tu ni, October 9, 2011, iin hong khak kik zo pan kahihmanin nong telsiam ding hong ngen ingh.

A nuai aa nong dotna te bel mipi a ding deihsakna tawh nong dot hi cih tel ingh. Tua ban ah nang nong email khak peen nung pek iin khat iin ZAC group member te sung ah forward khin veve ahihmanin net sung ah hong khia pah veth ingh. Leitung mi te in a kalsuan khialh khit phot uh ciang iin kiphatsakna lungtang hang iin khial cih ki thei pipi mah a maan takpi bang keek iin nial (prove or argue) ding hanciam tantan tawntung mawk uh hi.

Gentehna iin Sunday (first day of the week, resurrection day) ni peen Laisiangtho sung ah Pasian in a tuam vilvel iin seh iin thupha pia aa siantho sak ding a genna kammal khat zongh om ngei lo napi Laisiangtho siam, pilna nei tampi te mah in Sunday ni aa biak piakna peen amaan zaw bang iin pom tentan uh iin um takpi ta mai uh hi. Ph.D., Th. D., D.D., D.Min., cih te nei ziazua uh iin biakna thu ah Professor pipi khawng hi napi uh Satan' in a khaa mit uh humciph sak ahihmanin Laisiangtho sung aa sawlna a om kilkel lo, kaal khat aa ni masa peen Sunday mah maan sa zaw thei mawk uh uh hi. Tua mah bang iin CPC (Conference Planning Committee) a kiphuat khiat tung laai iin SDA pawlpi a langdo conference pawl tuam phuan iin sia cial tawm iin SDA pawlpi tawh Kawl kumpi' thukhen zum ah sum leh paai tampi bei lawh iin a kikhia khia ding iin phuan khia het lo ding uh cih thei ingh.

2003 aa Conference Planning Committee hong kipat khiatna peen Conference a kipau lap hang iin ATI vai, Upper Myanmar Mission leh MYUM election vai, Local Church election leh local church sung aa ki thutuah lohna te vai, minam vai, UMM sung aa school subsidy (appropriation) pia/hawm zia vai, REACH International huhna ngah loh vai, etc. lungkim lohna nengneng teng ki gawmkhopna ahi hi. Conference paulap aa kalsuanna pan pride leh ego te hang iin Division lutang te lamlahna nangawn thudon lo iin paisuak khial kha aa tu dong khiam nuam nawn lo iin hi ciang a suak hi mai hi. Hih peen CPC/MUC in a tup leh a ngim kholh loh pipi uh, Dawimangpa in a ngim kholhkholh, "Aisa lo ngek aa zol bang" aa a hei khiatna a zuih man ahi hi. Dawimangpa bel gualzo kisa mahmah ding hi. Ahizongh'n Topa' Khasiangtho in Amah leh A pawlpi a it takpi te ii lungsim te hei ahihmanin Zogam aa SDA pawlpi sung ah kha an lakna te ih mu zel ta hi.

Pasian leh SDA pawlpi a it takpi te ading iin kihei kik hun takpi ta hi. A beisa akipan tu ni ciang dong aa MUC ii kalsuan zia tawh bel leitung bei dong iin MUC in duly organized SDA Conference maan ngah ngei ngei lo ding aa SDA Conference hi ngei lo ding hi. September 8, 2011 ni aa nong dotna te tawh kisai te peen kong dawn theih teng a tom iin nong dotna te zom ah hong dawng pahpah ingh. Sia Khen' gatang kaihna leh dotna:

1. Gupna pen Mission(Organzation) sung bek-ah omlo hi.(Tomlakna #1)

2. Gup ngah nading in SDA Organization tawh kizop kul tawh kisai: Kawlgam ah SDA Conference omlo hi.

b. MUC pen Conference himah hi. Ahizongin SDA Conference hilo hi.“SDA Conference hileh SDA buaisak lo ding hi. SDA Conference hi ung acih teitei uh pen mite lampial nading le SDA Pawlpi suksiat nading Dawimangpa khemna(tactic) molhtum hi.” Ngaihsut Ding

Dotna:1) Tua hi leh MUC in banghangin amau le amau SDA kici teitei-uh hiam? (Sia Khen)

Dawnna: MUC makai te in a saan (admit) loh ding uh hang iin keima' observation ah "MUC in banghangin amau le amau SDA kici teitei-uh hiam" cih leh SDA pawlpi' upna a up uh hang iin lungkim lohna thu tuamtuam te paulap iin SDA pawlpi ki ukna leh tungsiah thu zui nuamlo aa a lang pang te a hi uh hi. Ahizongh'n MUC pawlpi mi te khempeuh or a tam zaw te in SDA pawlpi a it takpi te uh ahihmanun MUC makai te in "amau le amau SDA kici teitei-uh" hi kei leh SDA pawlpi a it takpi pawlpi mi te in taisan/nusia pah ding uh ahihmanin ahih theih laai teng iin MUC a kip theih nading iin SDA hi hangh ci aa SDA pawlpi a misrepresent thapai uh ahi hi.


(b) MYUM in hong dal man bek aa GC tawh a kizom nai lo bek leh mai lam hun ah GC tawh a kizom thei ding bang keek iin a mau leh amau SDA kici teii teii uh hi. Hih peen pawlpi mi te a khemna a hi hi. MUC in a kalsuan zia a kheel masiah, Union leh Division thu mang aa SDA pawlpi sung ah a lut kik phot masiah, SDA Conference a cih peen leitung bei dong ngah ngei peuhmah lo ding cih peen MUC makai te in thei tel lua mahmah uh ahihmanin pawlpi mi te a lungkiat loh nading leh a taisuah khak loh nading uh aa GC tawh ih kizop nai loh hang iin SDA Conference mah hi hangh, Mission te sang iin a saang zaw hi hangh, ci iin a khem behbeh uh ahi hi.

Tu iin SDA pawlpi ngeina maan a thei semsem pawlpi mi te leh MUC' makaihna leh manawhna in amau te SDA pawlpi tawh kigamla sak semsem zaw cih Khasiangtho' theihsakna hang iin telsiam aa SDA pawlpi a it takpi te leh lungsim a niam khiat te in SDA pawlpi sung ah a hong lut kik kik ta uh ahi hi. (Mungno Gualnam)

2) SDA hihna bang hi-a, SDA hihlohna bang hiam? (Sia Khen)

Dawnna: SDA pawlpi hih na peen SDA upna zungpi 28 teng saang iin SDA pawlpi' makaihna zui aa SDA pawlpi mi a suak te bek SDA te ahi uh hi. Gentehna iin kei bang zongh tennis kimawl nuam ka sa mahmah aa ni khat hal sim iin ni khat nai 2-3 ta bang ka kimawl den hi. USTA (United States Tennis Association) ah member lutt ding khawng zongh ka lawm te'n hong zawnzawn zel uh hi. USTA te ii ngimna leh kalsuan zia te khempeuh hoih ka sak hang iin USTA member suah nading a kisam te sem lo kahihmanin USTA member ka hi kei hi. Tua mah bang iin mi khat peuh in SDA pawlpi' upna maan sa iin a zui phial zongh iin SDA pawlpi' ngeina dung zui iin SDA pawlpi mi a suah kei leh or a suah nop kei leh SDA hi lo hi.

SDA pawlpi pan a kihem khia sa ahihhang iin ki sik kik aa SDA pawlpi tawh maapang khawm ding iin khensath aa a ki app kik te SDA pawlpi mi maan hi kik uh hi. SDA pawlpi pan a ki hemkhia khin sa te, SDA pawlpi' makaih zui nuam lo aa SDA pawlpi panpih lo iin a bawlsia or a langdo te peen SDA hi lo uh hi. SDA pawlpi mi khempeuh in amau hih theih zah ciat uh tawh lungsim, tha tang, neih leh lamh leh sumpi te tawh SDA pawlpi panpih ding uh hi. SDA te in SDA pawlpi nawngkaai sak lo iin langdo ngei lo ding uh hi. (Mungno Gualnam)


3) MUC in Legitimate or dully organized/ GC recognized SDA Conference hi ung ci-in Pawlpi mite khem uh hiam? (Sia Khen) Dawnna: SDA pawlpi ii recognized conference hi lo takpi ahihmanin MUC in legitimate or duly organized/GC recognized SDA Conference hi ung a cih theih nading om lo ahihmanin ci ngei lo hi.

Ahihhangin Myanmar Union Conference of SDA ci in leitung bup huam iin misrepresentation bawl ahihmanin MUC peen 'SDA pawlpi mi te' kipawlna, SDA conference taktak hi hangh or ungh' ci aa pawlpi mi te leh a kua mah peuh a khemna, a menna leh a bumna ahi hi. Hih peen khemna lian mahmah khat ahi hi. Legitimate or duly organized SDA conference hi lo ahihmanin MUC in thumaan tak iin gamta hi leh "SDA" Conference a ki cih ngiat loh ding uh ahi hi. (Mungno Gualnam)

4) MUC in Official Declaration bang ci neih uh hiam?

Dawnna: MUC in Official Declaration bang ci neih uh hiam cih peen Sia Khen mahmah in a thei peen ding khat nahihmanin nang nong gen khiat ding hong ngen zaw ingh. SDA pawlpi nawngkai sak nawn loh ding, SDA pawlpi tawh kipawl khawm kik iin Union leh Division' makaihna mang ding leh langpan nawn lo ding ci in MUC in Khasiangtho' makaihna tawh official declaration hong nei mengmeng hen cih peen ka lunggulhna leh ka thungetna ahi hi. (Mungno Gualnam)


c. SDA Pawlpi tawh kizop kik mengmeng ding kisam hi. “MUC….pen Dawimangpa in SDA Pawlpi a suksiat theih nading leh SDA Pawlpi mite a lampial theih nadingin SDA Pawlpi mun suangaa thumanlopi tawh a khemna(tactic) molhtum lianpi khat ahi hi. SDA pawlpi a it takpite in SDA pawlpi tawh kizop kik menmeng ding kisam hia.”(sia mungno)

Hih teng ka tom kaih ciangin, MUC tawh kipawlna pen Dawimangpa tawh kizopna hi-a, dully organized SDA Organization adawldawl tawh kipawlna pen Pasian tawh kipawl na hi, cih khiatna a dawk ding danin na la ing. Lam dang khat tawh gen le’ng: MUC tawh kizopna pen, SDA Pawlpi itlohna, Satan tawh Kipawlna hi –a Gupna lampi tungah om lo cihna hi ding hi. SDA Org. tawh kizopna pen Pasian tawh kipawlna hi dinga, Gupna lampi tungah dinna hi cih suak ding hi.

Comment:Tua hi leh Pawlpi cih ciangin SDA Organization pen pawlpi cihna suak ding hi. Lai Siangtho in Pawlpi achina aspects te SDA pomzia enkim ding kisam ding hi. Gupna ngah nadingin SDA tawh kizop kul or Pasian thute um-in zui kul hi, ci ihih leh organization tawh kizopna pen bang ciang le bang ading cih theological, doctrinal le Organizational point-te panin etkak dimdiam kisam dingin ka mu hi.(sikhen)

Dawnna: Laisiangtho sung ah Pasian' "Pawlpi" a gen ciang iin "Pasian' thukham te zui iin pom aa Jesus Christ ii thuhilhna (testimony) a kem te hi" cih ih thei hi. SDA thu ih gen ciang iin 1863 kum aa a kiphut, min ki vawh, SDA pawlpi, tu laai tak aa upna zungpi 28 a nei, SDA pawlpi sung ah a kipawl khawm Pasian thu um te bek SDA pawlpi leh SDA pawlpi mi te ahi uh hi. MUC tawh kizopna peen Satan tawh kipawlna hi ka cih pah loh hang iin Satan in SDA pawlpi tokh nawi leh a suksiat nading iin SDA pawlpi a it mahmah leh SDA hi ungh a kici, MUC kipawlna zangh ahihmanin "MUC tawh kizopna pen, SDA Pawlpi itlohna" hi aa Satan' molh tum lian mahmah khat ahi hi cih peen kitel mahmah hi. MUC a cih kipawlna a pian maa pek aa a om sa SDA pawlpi leh SDA pawlpi' neihsa te: physical properties - sang inn, biak inn, leitang, etc. te hi ta leh intellectual properties - trademark, registered name, logo, etc. te hi ta leh nawngkaai sak nawn kei henla, SDA pawlpi hi ungh cipong iin "Sial bang iin siksik leh neknek thuah" lo iin Pasian deihna bang iin kalsuan peuh leh tua kipawlna in Satan' molhtum hi nawn lo pah ding hi. (Mungno Gualnam)


d. MUC in thukham (No. 8,9,10) palsat hi. Tua palsatnate pen White-color Crime nam hi. White-color Crime seel nadingin zuau phuak, khem, Pawlpi mite sumpi le sawm-a-khat zang(ih zat pen) ahih manin Pasian in awi lo ding hi.

Dotna:a. Nong laigelh masa sung-a MUC Thukham palsatnate pen tu-a sungah White-color crime na cih ciangin a nature, value/degree akibang veve a cinuam nahi hiam? (Sia Khen)

Dawnna: Mimal khat in hi ta leh kipawlna khat in hi ta leh rules and regulations a palsat leh a palsat mah ahihmanin a kilawm lo gamtatna peuhpeuh a thu neu om tuan lo hi. Tua hi aa MUC leh ama kai te in White-collar crime a bawl uh leh midang te or kipawlna dangte' bawl sang iin neu zaw tuan het lo hi. SDA pawlpi in RC te neihsa or Muslim te neihsa, Baptist te' neihsa te va tuh iin nawngkaai sak leh a maan loh mah bang iin MUC in SDA pawlpi a nawngkaai sakna te thu neu tuan het lo hi.


SDA te, MUC te, Muslim te, RC te cih tawh kisai lo iin crime peen crime ahihmanin thu neu hi lo hi. MUC in hi ta leh SDA pawlpi in hi ta leh hih ki nawngkaaisakna hang iin awn (million) tampi lalthang sak khin ahihmanin hi bang buaina a phuang te tung ah Pasian in thu khen hamtang ding hi. Hi bang aa mawh kalhtangna leh kisik nop lohna te hang iin Pasian' mawh maisakna leh hehpihna a tan lawh om kha ding hi. Cihnopna ah MUC cih kipawlna a sia hi ka ci kei aa MUC kipawlna makai te in a kilawm lo a sep uh ahi SDA min, SDA logo, SDA trademark, SDA pawlpi neihsa te a tuhna, a tuhzawh nading aa zuau phuakna, pawlpi mi te in SDA pawlpi takpi sa kha aa sum pi leh sawm aa khat te a piak te uh tawh SDA pawlpi taktak langdona aa zatna te in a tel khak loh kaal uh iin mawhna lian mahmah ahihmanin ngaihsut phat huai mahmah hi.


MUC sung aa pawlpi mi te a lungsim tawng uh ah a siiangtho tak aa a kalsuan om tham kha ding hi. Ahizong'n MUC makai te bel in a sep te uh thei mahmah pipi aa a sep uh ahihmanin hih white-collar crime leh infringement, piracy te peen crime dang te sang a neu zaw iin a seh uh peen dah huai ka sa hi. (Mungno Gualnam)

b. Sumpi leh Sawm-akhat itzat na cih ciangin MUC le MYUM (inclusive) in zang hi aci na hiam? Or MUC bek(exclusive) in zang aci nuam na hiam? (Sia Khen)

Dawnna: Hih thu tawh kisai iin inclusive zongh hi thei aa exclusive zongh hi thei hi. A zangh peuhpeuh cih na hi. Ahizongh'n a thupi peenpeen ah sumpi leh sawm-a-khat te zat man bek hi lo zaw iin SDA pawlpi' neihsa te suth, tuh, buaisak cih himhim peen khialhna lian mahmah ahi hi. Tua khialhna hang iin Pasian' nasepna ding sumpi te kizang bei laai sawnsawn cih mawk peen cik ziat huai mahmah hi. MUC in SDA pawlpi langdo lo hi leh MUC te in hita leh SDA te in hita leh tithe ahi aa sumpi te ahizongh'n kumpi zum ah zath kul lo ding hi. Pasian gam zai nading aa zat ding sumpi te peen thukhen zum leh land record office khawng aa zuau phuak nading aa a kizat ngiat peen khialhna lian mahmah ahi hi. Hih langdona' gah kicing mahmah ta, na khempeuh ah kisup lawh mahmah ta ahih teh khawl huai ta buang lo ding maw! (Mungno Gualnam)


3. MUC in SDA Langdo:“Christian Pawlpi tuamtuam ahi RC, AG, ABM, UPC aki pan pawlpi tuamtuam genloh Buddhishte, Muslimte nangawn in tuni ciangciang kawlgam sungaa SDA Pawlpi bangmah hong nawngkai sak lo uh hi.....

MUC makai te in SDA Pawlpi langdo aa Pasian Pawlpi neihsa a suhna, tua teng seel dinga khemna, zuauna leh phuahtawm atuamtuam te pen theipipia mawh altangnate seel , sinn sinn nawn o iin kikheel huai ....ta hi. Gupna ngah leh ngahloh pen Topa Pasian khensatna bang hi ding hi”(sia mungno) Dotna:a. SDA Langdona le langdo lo cihna-ah Organizational le Beliefs (Physical and spiritual) koizaw agen nuam na hiam? Or Anih in a gen nuam na hiam? (Sia Khen) Dawnna: MUC in a langdona lianpi peen Organization leh beliefs, a nih ahi hi.


(1) Upna zungpi te (Fundamental beliefs) #14 na, Seventh-day Adventist Church, Yearbook 2010, p. 6, aa “Unity in the Body of Christ” a cih sung ah “In Christ we ----------must not be divisive among us.” "Christ sung ah ei te kikaal ah ------------deidanna phuang te ih hi kei ding hi." ci iin Topa Zeisu Khazih sung ah ih ki pum khat ding ih upna hinapi ei mi, Zomi, deek te, Karen te, cih bang iin minam thu bulphuh iin lam maan hi ta kei leh conference ultung sak mawk hi.


Southern Asia-Pacific Division President Alberto Gulfan in Conference Planning Committee (MUC' min luui) phiat un a cihcih pipi mah Division' makaihna mangnuam lo iin MUC (CPC' min thak) a ki phuat teii teii man iin kikhen khapna a pian khit ciang iin thusia in zomh toto iin kumpi thukhen zum te ah kitut kul zah dong dinhmun tung hi. Mang aa zongh ih mat nop loh, kimuh khialhna, buaina leh kitapkhapna tu ni iin ih phu kha hi. Hih bang thusia te peen thumanlohna (disobedience) leh langdona' gah hi aa upna zungpi 14na palsatna ii a thaman ahi hi.


(2) Upna zungpi te #21 na ah “Stewardship” ci iin "by returning tithes and giving offerings for the proclamation of His gospel and the support and growth of His church." "Pasian thumaan taangkona ding leh Ama pawlpi a khantoh nading iin sawm-aa-khat leh sumpi te tawh Ama pawlpi panpih ding" ci iin Seventh-day Adventist Church, Yearbook 2010, p. 7, ah leh Tuiphum kamciam #9na (Baptismal Vow) ah "Do you believe in Church organization? Is it your purpose to worship God and to support the Church through your tithes and offerings and by your personal effort and influence?" "Pawlpi kipawlkhopna na muang hiam? Na sawm-aa-khat leh sumpi te leh nang ii hanciamna leh huzapp te tawh Pasian bia iin A pawlpi panpih ding peen na lungtup a hi hiam?" ci iin SDA Church Manual, Revised 2010, 18th Ed. p. 47 ah kigelh hi. Hih pawlpi kipawlkhopna a gen te ah RC, ABM, AG pawlpi te a genna hi lo hi. SDA pawlpi a langpan MUC kipawlna zongh a genna hi lo hi. Seventh-day Adventist Church panpih ding a gen ahi hi. SDA pawpi mi takpi ahih leh a sawm-aa-khat leh sumpi te tawh Muslim te, Budhist te, leh SDA pawlpi a bawlsia aa a langdo den keei te huh lo ding uh hi. SDA pawlpi a it takpi te in SDA pawlpi ah 1/10 piak ding peen SDA te ii Upna zungpi te #21 na sung ah om ahihmanin tua a zui nuam lo kalhtang te in SDA pawlpi kipawlna leh upna te ah a lang do ahi hi.


A tom iin MUC in SDA pawlpi panpih gen loh nawngkaai sak den ahihmanin upna zungpi te #21 na palsat hi. (Mungno Gualnam)

b. MUC in SDA Beliefs(Doctrine) le Organization alang do hiam? MUC in bang ci dinmun nei uh hiam? (Sia Khen) Dawnna:A tung aa dotna 3

(a) sung aa dawnna (1) leh (2) sung aa ka gen sa ban ah MUC in SDA pawlpi ii biak inn, sang inn, logo, trademark, etc. te tuh or zath sak iin kumpi thukhen zum ah kikhia khia or khiat ding aa a gamta peen langdo kei cih theih nading paulap om thei lo hi. Hih langpanna peen thu neu het lo hi. Tua hi aa SDA pawlpi a langdo a kisak loh khak uh peen dah huai mahmah hi. MUC din munh peen khial leh maan lo cih thei pipi mah iin a pian theih liai laai teng backgear thun (tonkik) ding, ki sikkik (repent) lungsim nei thei nawn lo uh hi. (Mungno Gualnam) c. RC, AG, ABM…Buddhist, Muslim etc te in SDAte langdo lo takpi mah hiam? or bangte langdo-in, bangte langdo lo uh hiam?


(Nakpitak saikak-a ngaihsut ding) (Sia Khen) Dawnna: Upna thu ah RC, AG, ABM, Buddhist, Muslim, .........te tawh upna kibang lo ahihmanin ih kipawl kei hi. Upna kibang lo hi bek aa gamtatsiatna (crime) hi lo hi. Hong pawlpih loh uh aa upna kibang lo cih loh buang SDA pawlpi neihsa suth lo, gamtatsiatna (crime) bawl lo iin tu ciangciang kumpi zum ah zong khia liangg lo uh hi. Physical aa SDA pawlpi a bawlsia peen tua pawl dang te hi lo iin MUC in bawlsia hi.


Pawlpi makai te langdo iin SDA pawlpi' upna zungpi 28 te bang iin zui kim nuam lo vin ven ahihmanin upna ah zongh a langdo mah suak hi. (Mungno Gualnam) d. MUC in SDA neihsa bangte tuh uh hiam or UMM neihsa bangte tuh uh hiam? (cihte ngaihsut phat ding) (Sia Khen)


Dawnna: 2003 kum iin CPC/MUC hong kipan khia pan ahihmanin Conference Planning Committee or MUC cih a pian maa aa SDA pawlpi in a neihsa te, tu laai tak aa MUC in a zat, SDA pawlpi ii inn mun, lo gam, biak inn leh sang inn te khempeuh a tuh ahi hi. Tu laai tak aa kumpi thukhen zum aa a buaina khempeuh uh peen MUC in SDA pawlpi' neihsa teng a suhna vai ahi hi. 2003 khit zawh ah MUC in leitang a lei thak aa tua leitang te tung ah sang inn leh biak inn te lam thak a neih leh tua teng bel MUC' neih sa hi ding hi. Deih kaih thu tawh a tuamtuam aa a gen pawl khat om sam na ven kitel mahmah ahihmanin kei muhna ah bel ngaihsut phat ding om sa kei ingh. MUC in SDA neihsa a tuh te a thei lo a om leh Satan in a mit humsak aa a khaa mit uh taww hi ding hi. (Mungno Gualnam)


4. Gup ngah nadingin SDA Organization tawh kizop Kul or Kisam cih tawh kisai: “Organization tawh kizop KUL OR KISAM cilo-in gupna dingin Lai Siangtho sunga Pasian hilh leh gen bang um-in zui leh nuntakpih ding. Tua hi leh Pasian in gup pia ding. A hizongin MUC in SDA Pawlpi langdo le nawngkai sak kawmkawm-in SDA hi ung acih pen lampialna khat hi. SDA a it, a um taktakte in SDA Pawlpi GC, DV, Union le Local Mission/Conference tawh ki zop ding kisam hi.” Dotna:a. Hih na cih na pen MUC-te Gupna adingin SDA organization tawh kizop kisam hi aci na hiam, or SDA Pawlpi tawh kipawl kizop khopna ding bek-a aci na hiam? Or anih tuak adding aci na hiam? (Sia Khen) Dawnna: Hih vai peen a kitel tak iin a dawng khin iin kiseh na pi ingh hong dong kik nahihmanin hong dawng kik ingh. Kipawlna in gupna pia thei lo aa Gupna a pia ding Pasian ahi hi. Conference ih hah deih tentan hang iin Conference in gupna hong pia lo ding aa Mission ah ih om tentan man iin zongh gupna hong piatuan lo ding hi.


MUC peen SDA Conference hi lo ban ah hi ci bang gamtatna tawh leitung bei dong SDA Conference suak ngei lo ding ahihmanin SDA pawlpi a it takpi te in SDA pawlpi tawh kizop kik ding kisamh hi. A tom iin SDA tak pi hi'ng a ci te in legitimate SDA Conference or SDA Mission tawh kipawl ding aa lungsim takpi tawh SDA pawlpi panpih ding hi. Gitlohna leh siattatna lam ah citak kei iin Pasian thu leh ki niam khiatna lam ah citak lengg deih huai sa mahmah ingh. Gupna a ngah nuam takpi aa Pasian a zong tak pi, ama thu a zui nuam takpite in ih upna zungpi 28 te nusia lo iin tua upna zungpi 28 te a nei SDA pawlpi langdo lo ding uh aa SDA pawlpi hi ta leh AG, RC, ABM pawlpi te ahi aa mimal khat peuh ahizongh'n thumaan lo tawh a nawngkaai sak sak te hi lo ding uh hi. (Mungno Gualnam) b. SDA hihna pen Organization tawh kizopna bek tawh hi aci na hiam? cih telcian sak ding kong thum hi. Dawnna: SDA pawlpi ih cih peen Laisiangtho' hilhna tawh kizui iin upna kibang aa Sabbath ni a siiangtho sak, Topa' thukham 10 a len kip nuam, Topa Zeisu umh aa A hong kum kik ding a lamen den mi te in a kipawlna min uh Seventh-day Adventist Church ci aa 1863 kum aa a na phuh uh kipawlna (organization) a hi hi.


Registered organization ahihmanin SDA hihna peen SDA organization tawh kizopna hi. 1863 kum aa Seventh-day Adventist Church a kiphuat masiah leitung ah SDA pawlpi khat zongh om lo hi.


SDA pawlpi a kiphuat maa iin Sabbath ni zangh aa Zeisu hong kum kik ding a lamen mi tampi tak om ding hi. Upna a ki bang phial zongh iin SDA pawlpi a cih a om maa aa Pasian thu um mi te peen SDA te hi, SDA pawlpi mi leh SDA pawlpi hi, ki ci thei lo hi.


SDA hihna peen duly organized SDA Church tawh kizopna ahi hi. (Mungno Gualnam) Constitution of the General Conference of Seventh-day Adventists, Article IV sung aa MEMBERSHIP thu peen lungsim siangtho tawh sim le uh a tel huai mahmah hi napi, mi pil mi siam pipi mah in pawlpi mi te a bumna or khemna ding iin a leh a mak iin khia (tellahna pia) mawk uh ahihmanin dah huai mahmah hi.


U Tin Maung in Seventh-day Adventist Church, 2005 Yearbook, Sec. 1 (a) sung pan a nuai aa bang iin let khia hi: "phuaih sey pyi phit nay thaw union conference myaa hneh union mission myaa aa lone (thdoh) kaung mon sua phuaih sii yah onh myih conference hneh mission myaa aa lone kabah conference damah ngilakhan kyi hnaih letkhan yah myih iee a phuaih a sii myaa aa lone” “pa wen ciah pa thdii”. (b) na tawh kisaina om lo ahihmanin “pa wen ciah pa dee” a cih lo buang gelh kik lo hi’ng. A let khiat peen maan hi. Maang lai tawh 2005 Yearbook, p. 9 sung ah a nuai aa bang iin kigelh hi: ARTICLE IV – MEMBERSHIPSec. 1. The membership of the General Conference shall consist of:


a. All union conferences and union missions that have been or shall be properly organized and accepted by vote of the General Conference in session. [General Conference kipawlna ah General Conference kikhoppi sung ah ngeina lammaan bang iin hoih tak aa (properly) vote na tawh a kiphut khinsa leh a kisaang khinsa or a kiphut ding leh a kisaang ding ahi union conference te leh union mission te ki hel ding hi.]Phawk ding: Sec. 1 (b) peen a kisaina om lo ahihmanin kong hel kei hi. Laisim u leh naau te aw a tung aa Kawlpau, Mangpau leh Zopau tawh a kigelh te na en phapha unla a nuai aa teng tawh na lungngaai khawm un. Properly organized – Ngeina lammaan bang iin hoih tak aa vote na tawh GC ki khoppi (session) ciang aa a kiphut ding union conference te a cih na sung ah Myanmar Union Conference (MUC) kihel kha lo hi. A tom aa theih ding iin:

(1) MUC peen hoih tak aa kiphut SDA te' kipawlna hi lo aa Union leh Division ii lungkimpihna leh phalna om lo pi aa a kiphut tawm ahi hi.

(2) Local Conference 3 leh 4 kipawl khawm lo pi iin Union Conference cih bang om ngei lo hi.

(3) Union Conference a kiphut ding ciang iin Division phalna leh lamlahna om lo iin kiphut ngei lo hi. MUC a kiphuh cill akipan tu ni ciang dong kum 9 sung ah Division makai te khat zongh kihel ngei lo hi.

(4) Southern Asia-Pacific Division in MUC peen SDA Conference ngah ding iin GC ah puaksawn or pulaak ngei lo uh aa GC khawmpi (session) ah kikup ding iin 2005 leh 2010 session ah kihel kha ngei nai peuhmah lo hi. Tua bek hi lo iin hi bang gamtat luhek zia tawh leitung bei dong kihel ngei lo ding hi.

(5) SDA Union Mission or SDA Union Conference te in Union session a neih uh ciang iin Division makai te kihel lo iin Union session bawl ngei lo hinapi MUC session te ah Division makai te khat vei zongh kihel lo uh hi.

(6) Southern Asia-Pacific Division of the General Conference of Seventh-day Adventists meeting te ah MUC makai te SSD in sam ngei lo iin pai kha ngei lo uh hi. Bang hang hiam cih leh SDA pawlpi sung ah MUC cih bang kipawlna om lo iin SDA Conference hi lo ahihmanin MUC te in zongh Division te sam ngei lo uh aa Division te zongh pai ngei lo uh hi.

(7) Myanmar Union Mision pan 2010 GC Session ah sia te 5 leh 6 bang pai uh hi. SDA Mission ahihman aa kisam (invited) aa a pai thei uh ahi hi. MUC pan makaipi te khat zongh kisam lo iin pai kha lo uh hi. Banghang hiam cih leh MUC peen SDA pawlpi sung aa SDA Conference hi lo ahihman ahi hi. Biak inn leh sang inn tawhtang khawng a at tan ziahziah kipawlna peen GC Session ah vote piakna tawh ngeina bang iin hoih tak aa a kiphut ding leh a kisaang ding ahi union conference te sung ah kihel ngei peuhmah lo ding hi.


A tung aa a kibulphuh laigualte (quoted paragraph) in a gennop peen General Conference of Seventh-day Adventists in a saan man nai loh, kum 5 sim General Conference kikhoppi (session) ah kikum aa a saan ding ahi World Division tuamtuam in lammaan ngeina tawh a phuhsa Union Mission or Union Conference ban ah Division leh Union te in lammaan tawh a phuhsa Local Conference te leh Local Mission te a om leh tua te a gen hi bek aa SDA pawlpi kipawlna ahi SDA Local Mission/Conference leh SDA Union Mission/Conference te a gaal neih, Southern Asia-Pacific Division makai te thu a mang nuam lo, Kawlgam sung aa Myanmar Adventist Conference or Myanmar Union Conference cih te pawl a genna hi peuhmah lo hi.


Kawl kumpi thukhenzum vai:Sia Kai Dal in Thudik lo Lahtelna_Anlangh_August 2011 sung ah "Pr Minlwin hong khiat pen Myanmar Union Mission min zat loh nading tawntung khaamna hi aa, Biakinn, sanginn etc te hong ap un cihna hilo hi. Hong ap ning cin khat vei beek min thuu lo hing. Ki thuu hi leh Ks. 5000,00000/- (5000 lakhs) man in MUC college leh MUC KAS apdingin thukhen zum ah hong khia thak ding hiam? Monyua ah hong khiat hi aa, Kawlpi ah ki tuahto in Court Case No. 6, District Court office, Kalay hi." ci aa hong gelh ciang iin nung lam pek aa Sia Kai Lun Mang' hong pulaak khiat thu peen hih thu ahi veh maw ci iin tel pan san ingh. Hih tein 5,000 vai zongh tu maa kaal khat kaal nih laai pawl iin siiang khin cih dan iin za ingh.


A result taktak bel tel kei ingh. Ahizongh'n MUC te lungkim lo ahihmanin Nay Pyi Daw lam, a saang ah kah to ding iin suk tai ding cih khat in zongh za ingh. Saul in Pasian na sem a kisak mahmah laai tak iin Topa Zeisu in "Saul, Saul, bang hang iin kei hong bawl sia na hiam?" a cih tawh kibangh sa mahmah ingh. Thumaan leh Christian lungsim maan dinmunh nei hi leh thukhen zum ah khiat theih ding iin gamta kei henla, kisik kik iin khawl siiangtho leh Christian picing ahihna uh ki mu thei pah ding hi. Pasian nasep nading aa sawm-aa-khat leh sum pi te Nay Pyi Daw lam khawng ah puak nawn loh ding kisam iin khawl hun sa mahmah ingh. Ngaihsut ding paulap leh kalsuanna te:


(1) Conference ih deih theih peen khantohna khat hi aa a lungdam huai mahmah khat hi napi kalsuan zia a dik loh or a maan loh man iin kipawlna leh pawlpi mi hihna pan hepkhiatna (disbandment leh disfellowship) te hong om tak ciang iin lammaan ah kihei kik ding sang iin "Mission te'n hong hawl khiat leh en zongh hawl khia ding" cih bang peuh tawh thuk zaw sop mawk hi.


(2) CPC (Conference Planning Committee) or MAC (Myanmar Adventist Conference) or MUC (Myanmar Union Conference) peen Myanmar Union Mission leh Southern Asia-Pacific Division tawh kizomh thei nawn lo ahihmanin lampi dang (back door) khat peuh tawh SDA Conference a ngah thei ding kisa kha uh hi.


Mizo Conference ah sawm-aa-khat leh sumpi app (puak) leh SDA Conference a ngah thei ding bang iin seh kha mawkmawk uh aa va puak ngei takpi uh hi. Workable channel ding aa a lamet khak ngiat uh in SDA organization ii kalsuan zia a tel het loh lam uh kilangh sak hi. Tua pan iin workable channel ahih lo lam a tel uh hi pan mawk hi. Tua ban ah U Thang Lian Nang in Kawlgam sung aa pawlpi sung thu om zia Mizo Conference makai te kiang ah thu a va sunhna hang aa a piiang thei lo bang iin gen uh hi. MAC/MUC peen lam maan tawh a kalsuan hi leh U Thang Lian Nang in MAC/MUC leh Mizo Conference te kizop ding a dal tan thei zo ding iin bang vangliatna leh panmunh nei ahi hiam!


(3) SDA organization kizopna ngeina te khempeuh kantan iin Union leh Division tawh kizom lo pi iin General Conference ah tithe of tithe piakna or puakna tawh CPC or MAC in SDA Conference a suak thei ding iin seh kha mawk uh hi.


(4) India gam aa Northeast India Union Section pan General Conference delegate iin kum 4-5 sung Dr. Dallian a kihel sung, 2005 General Conference session tungtaang iin Dr. Dallian in Conference hong puak, hong ciah pih ding hi ci aa thuthang a khah bang zong om liangg hi.


(5) Dr. Sangchia in Kawlgam SDA pawlpi sung ah ki itna leh ki lemna a om ding deihsak lua ahihmanin 2006 kum March kha sung iin Kawlpi dong hong zin iin ka va kithuah khawm uh hi. Pawl khat te in Dr. Sangchia ii hanciamna tawh General Conference of SDAs pan MAC or MUC in Conference a ngah thei ding iin a um or a lamen bang om mawk hi. Pawlpi thu kikup ciang iin "Dr. Sangchia kiang pan thuzaksakna ngak phot ning" hong ci ngiat bang om ngei hi. Aizawl khua ah Dr. Sangchia leh Sia Khen te a kimuh uh ciang iin Mission tawh na kigawm khawm zaw un ci iin Dr. Sangchia in deihsakna tawh Sia Khen kiang ah vaikhak hi. Dr. Sangchia kiang pan bangh ngak laai ding aa bang tan vei ngak laai ding! SDA pawlpi tawh kisai, kua thu kua makaihna zui ding cih zongh tel siam lo zah dong iin Conference acih min deih pong aa ih lungkim peen dah huai mahmah hi.


(6) Pawl khat te in Dr. Ng peen Maymyo ah hong pai laai iin Conference tha hong pia mahmah ahihmanin 2010 kiteel kik ciang in Dr. Ng peen Division President din mun ah hong kah to hi leh Conference ngah ding hi hangh ci aa a lamen pawl khat zong om mawk hi. Tua kiteelna ah Pr. Gulfan in Division president mah ngah kik aa Dr. Ng peen Division Executive Secretary dinmunh pan General Conference ah Executive Secretary panmunh khang to hi. U te naau te, mi mal muang aa Dr. Ng in hong panpih theih ding a lamen te in tu iin amah GC Executive Secretary hi ta ahihmanin bangh hang iin Dr. Ng kiang ah Conference hong piak nading va nawk kik lo iin dai cip thapai mawk uh ahi hiam?


(7) U te naau te aw, paulap zon behbeh mawk lo iin kalsuanna maan ah ih kalsuan ding a thupit lam telsiam ta peuh un. Ih Kawlgam sung aa na-lee-hmuh te dan tawh lamen mawkmawk iin a piiang thei ngei lo ding thu te peuh "va mim delh" bang iin delh delh loh ding, huih lakh ah innpi lam iin huih nung delhdelh (chasing the wind) huai nawn lo hi. Lung ciim ding kisamh iin hun mahmah ta hi. Union, Division, or GC makai te a kikheel man iin MUC in Conference a ngah thei ding iin lam enen nawn kei un. General Conference of the Seventh-day Adventist Church in Conference status ngah nading eligibility (requirements) a koih te ih diph, ih tangtun, ih picin sak ciang bek iin SDA Conference a kingah thei ding ahih lam telsiam ta peuh un. Working Policy sung ah om kei ta le Kawlgam aa MUC' deih bang aa General Conference of SDAs in outside of working policy tawh Conference hong piak ding lamen cih mawk peen ngaihsutna a picin nai loh man ahi hi. Kawlgam aa Kawlpi pan GC ukh ding a sawm tawh kibang zaw sop mawk hi hangh.


SDA pawlpi mi maan leh SDA kipawlna maan ihih leh GC leh Division makai te thu a zui ding te ihih zawk lam tel ciat ni. Hi bang iin ih kikup ciang iin MUC makai te, MUC pawlpi mi te leh MUC kipawlna muhdah man hi het lo iin deihsakna tawh itna bulphuh aa thumaan hong kuppih hi zaw kahihmanin thumaan a lunggulh te khempeuh in a teltuam ding iin lamen ingh. Ih biak Topa Pasian in no te khempeuh tung ah thumaan telsiamna thupha hong guan henla Pasian pawlpi sung ah kipum khat iin maa pangkhawm ciat ni. Itna takpi tawh, Mungno GualnamRiverside, California
---

Mung No mungno@hotmail.com
Kham Khen ,
zomi-adventist-com@googlegroups.com,
zomisda@yahoogroups.com
Thangta <4thangta@gmail.com>,
Do Khai <7khaia@gmail.com>,
alexmuanpu@gmail.com,
anlanghkimpi@gmail.com,
a.zmang@yahoo.com.sg,
“zam lam” ,
bcmungpi@gmail.com,
believethmang@gmail.com,
cherryhuai@gmail.com,
cherrysakura@gmail.com,
chinlandmoe@yahoo.com,
lam no ,
ciangte007@gmail.com,
cing neu ,
Deih Vung ,
cmangpu@gmail.com,
cin.ngaih@gmail.com,
cltuang2010@gmail.com,
cingsn@gmail.com,
cniiang956@gmail.com,
Tuankuh ,
dallian@rediffmail.com,
dalboih@gmail.com,
Nang Dal Mang ,
dalnosda@gmail.com,
dalpu9@gmail.com,
dimlun75@yahoo.com,
Dim Uap ,
dkniang@gmail.com,
Dongbawi ,
eskhaipi@yahoo.com,
Buahno ,
U Suan Kok ,
fo3kim@gmail.com,
gdlamkim@gmail.com,
gin.mung@seccsda.org,
gin.mung1@gmail.com,
“Gen Mung” ,
Thawng Mung ,
“Go Lian Kap” ,
gntangtuan@yahoo.com,
Khuppi ,
"Honpi (Johnny) Mang Hon Sian" ,
hatdim@gmail.com,
henpui@myanmar.com.mm,
heisa24 ,
hgthangnoe@gmail.com,
Cin Hau Thang ,
huai.boih@gmail.com,
Pum Pau ,
zen man ,
Nang Sian ,
johnsuanpi@gmail.com,
“Kai Mang” ,
khaipu@rediffmail.com,
“Kelly P Lyan” ,
Kenneth Thang ,
khakhaihaokip@yahoo.co.uk,
“Dal Sian Khai” ,
Thang Lian Khai ,
khambawisda@yahoo.com,
Khen Do Pau ,
khenkhansang@yahoo.com,
khausaitumging@gmail.com,
khensb@yahoo.com,
kpltuang@gmail.com,
kapmung07@gmail.com,
“Khoi Sian Langh” ,
Hester Kiim ,
Kimlek ,
kimboih77@gmail.com,
Dal Khan Mang ,
kimboih3@gmail.com,
khawlun@gmail.com,
kimboihmung2@gmail.com,
kogyi28@yahoo.com,
lamnu04@gmail.com,
lpekmawii@gmail.com,
Lam Cin ,
lal lian ,
Lun Sian Vung ,
lianpianga@gmail.com,
liansang.muan@gmail.com,
lydiamangnu@gmail.com,
lyalyan@gmail.com,
lamthang7@yahoo.com,
“Nang Suan Thang” ,
lezanghaupi@gmail.com,
LzPiang ,
lezangkangno@gmail.com,
lillykiplee@yahoo.com,
lungduailek@gmail.com,
lrhluahlua77@gmail.com,
lunkhankhup@gmail.com,
“pau sian lian” ,
lyanpee@gmail.com,
“Lyan Deih Mung” ,
mangt933@gmail.com,
Hau Man ,
maangno@hotmail.com,
Ma Mang ,
mangclun@gmail.com,
"U Niiang, U Dal" ,
mtlianta@googlemail.com,
munhuai@gmail.com,
Mung No ,
“zam khen” ,
muangsancing@gmail.com,
Khai Neu ,
maryuappe@gmail.com,
muancing92@gmail.com,
“Kap Lian Thang” ,
“Mungtoh” ,
mungtong@gmail.com,
mingaih@gmail.com,
Mungsan ,
nangjahvum@gmail.com,
nauniang@gmail.com,
Neau Tuang ,
Paulek Suan Tuan Pau ,
ngaihcin@rediffmail.com,
Zen Ngaih Thang ,
Suak Khaw Ngin ,
Kap Pau ,
ngeisokpak@hotmail.com,
“Niang Kuntong” ,
NeNeem ,
nuamno@gmail.com,
Nokek ,
pasianta@hotmail.com,
putungpa@gmail.com,
pauneu7@gmail.com,
paucing1805@yahoo.com,
plcintawng@gmail.com,
“Pum Lian Khai” ,
“paupau2001” ,
U Lian ,
“Pum Pau” ,
“Pau MangG7” ,
pum.kham@yahoo.com,
samuelzamsiansang@gmail.com,
“Hau Vung” ,
pum suan ,
serioussing@gmail.com,
sianhungpu@gmail.com,
sianpipa77@gmail.com,
“Thang Khan Mang” ,
Richard Lian ,
sawmsang@gmail.com,
sianmuang@hotmail.com,
sianzun@yahoo.com,
“Lun Huai” ,
simonpaubawi@gmail.com,
sangchia7@yahoo.com,
simheisa@gmail.com,
suante.ht@gmail.com,
“Kai Khan Khual” ,
LaLam ,
suantuanpau@gmail.com,
stephen.nang@googlemail.com,
“Thangta” ,
taangpau@gmail.com,
Sawm Tawng ,
tawtalay@gmail.com,
thangtuang@gmail.com,
“Ruby Thainkok” ,
teteuh_2000@yahoo.com,
thawnkhai@gmail.com,
thangbright@gmail.com,
Thangbawi ,
Nang Suan ,
Thang Lam ,
Pau Kap Thang ,
“Tuan Go Pau” ,
Thang Kang Lo ,
thawnp@gmail.com,
taksinthumung@mail.com,
tkhen.lian@gmail.com,
tongseal@yahoo.com,
tongseal@gmail.com,
Donno ,
tunpi95@yahoo.com,
tzpau.lunmual@gmail.com,
Ngaih Vung ,
vandeihtuang@gmail.com,
Vungpi ,
Vungkhek ,
“Vanlalchhawna” ,
Rualchhina Vangchhia ,
Vung Za Niang ,
vumhaug4@yahoo.com,
vungnoster@gmail.com,
Langh Suan ,
zomi ka hi hi ,
Dalmung V Kuntong ,
wallacelianpi@yahoo.com,
Zam Deih Piang ,
“ thusim kuamahtelzawhloh” ,
”Zam Lian Mung” ,
zoboih@gmail.com,
“Thang Siangh” ,
zampau26@gmail.com,
zam_lam2001@yahoo.com,
“ Zomi Adventist” ,
Niingpi ,
“Samuel Sang” ,
“zl lian” ,
zothanghono@gmail.com

dateMon, Oct 10, 2011 at 2:47 PM
subjectSia Khen leh Sia Mungno te kikupna II, October 9, 2011