ZOMI AWR-TANGTHU

From Gin Mung
reply-to ZomiSDA@yahoogroups.com
to "zomi-adventist-com@googlegroups.com" ,
"ZomiSDA@yahoogroups.com"
date Wed, Jan 20, 2010 at 9:35 AM
subject [ZomiSDA] Zomi Adventist World Radio Tangthu
mailing list Filter messages from this mailing list
mailed-by returns.groups.yahoo.com
signed-by yahoogroups.com
unsubscribe Unsubscribe from this mailing-list
hide details 9:35 AM (4 hours ago)
Images are not displayed.
Display images below - Always display images from Gin.Mung@seccsda.org

Kong it Zomi Advenist a kua maciat:

January 13, 2010 nii aa Zomi Adventist Communication pan Zomi AWR link www.awr.org/asia/Myanmar/Chin/ hong khah khiat ciang in zum sung ah ka nasep laai pi tak a hong lut lian ciang iin ka nahong pah aa announcer Siama MaMan ii aw leh cidamna thu a gen te, AWR Speaker Sia Sawm Sang in "Lai Siangtho ah Ciah Kik Ni" cih thu lu tawh a gen te ka na ngaih ciang iin ei Zo pau tawh thu kigen ka zak loh a sawt sim tawh a thu gen te uh zak nop sa iin ka lungsim hong khoih kha mahmah hi. Tua ciang in Zomi AWR a hong din khiat na ding leh Zomi AWR program ah thugen pi aa ih zat masak Pr. Do Za Thang tawh a neng a tawng dong iin thu a navaan khawm den khat kahihmanin Zomi khangno te hi taleh khanghaam te hi ta leh in a theih khak ngei het lo uh a theih huai thu pawl khat Zomi AWR Tangthu sung ah a tom iin gelh khiat ding ka lungsung ah hong suak khia ahihmanin tu'n hong theh khia ingh.

Zomi AWR (Adventist World Radio) Tangthu

Zomi AWR peen 1991 kum iin kipan aa 1971 kum pan aa a kipan a hi General Conference of Seventh-day Advenist, Adventist World Radio ii a hiiang no khat ahi hi. Adventist World Radio peen Africa, Americas, Asia/Pacific, and Europe ci iin phual pi 4 iin kikhen hi. 1971 kum aa a kipan hi pan ahihmanin transmitter te zongh a thahat te zangh pah zo lo ahihmanin a hunhun iin a kisap dan leh sep zawh dan zui iin Adventist World Radio in transmission power beh lap zel uh hi. Ih Kawlgam aa ih ngaih Zomi AWR peen Philipines gam ii leilu lam aa US te ii keph tuikulh neuno ahi Guam tuikulh pan a hong kitheh khia hi aa Southern Asia-Pacific Division sung ah kihel hi. Tua hi aa Asia/Pacific Radio Station, Guam pan kilowatt 100 transmitter set pi 4 tawh shortwave zangh iin Asia gam tampi te ah a kitheh khia ahi hi.

Kawlgam sung ah Radio tawh na sep nading iin line khat a kingah masa peen Union makai te in Karen te, Zomi te, leh nam dang te pau ading iin na geel masa lo iin Kawl gam bup aa a kizangh kim peen ahi Kawl pau tawh Kawl hun aa zat ding iin na geel uh hi. 1990 kum pawl iin Guam ah transmitter a beh lap zawh uh ciang in pau nam dang beh lap nading line nei beh uh ahihmanin Division te in Kawlgam sung aa pau nam dang tawh thugen khiat theih nading line a hong piak beh uh ciang in Kawlgam aa SDA pawlpi sung ah pawlpi mi a tam peen Karen leh Chin programs a kingah hi aa Sagaw Karen in nai lang, Po Karen in nai lang leh Chin in zongh nai lang mah ngah hi.

Tua hun laai tak 1990-1991 kum sung peen Sia Thang Siangh, President, Sia Than Khuma, Secretary, leh Sia Kham Khan Lian, Treasurer, te in Upper Myanmar Mission lutang a sep laai tak uh ahi hi. Pawl khat te in Mizo, Falam, Khalkha, or Zo pau tawh radio pan thugenna neih ding ngaihsutna tuamtuam a nei kha uh zongh'n Mizo pau tawh Mizo gam aa te in gen lel ding ahihmanin Zo kam zangh iin Zomi AWR cih ding Upper Myanmar Mission Executive Committee in khensat hi. Zomi AWR zum koi ah koih ding cih kikup na ah Maymyo leh Mandalay ah koih lengg a ci khawng zongh om hi napi, Mandalay lah innsap losap tam ding, Maymyo zongh lah electric a om teii hang iin mei tha hat vet lo, 110 volt te nangawn a taang gina zo hi lo ahihmanin Tedim ah ih Zalui mei tha hat mahmah laai ban ah thugen ding, la sa ding cih te zong Tedim gam kim aa ih pawlpi mi lasiam teng mah zangh nuam ding hang aa Maymyo khawng Mandalay khawng ah koih mawk leng sumpaihna tam lua ding saang lua ding ahihmanin Tedim khua kan ahoih om kei cih ngaihsutna tawh Upper Myanmar Mission Executive Committee in Tedim ah koih ding a khentatna dung zui iin March 30, 1993 kum iin Upper Myanmar Mission officers, Pr. Sandy Dee, President leh Sia Gin Sian Mung, Treasurer, te tawh Zomi AWR hon pawi Lawibual SDA Mission huang sung, Tedim ah kinei hi.

A tung a pat iin bang mah kinei nai lo ahihmanin Yangon aa Kawl progam te vanh kizat sak iin Park Lane aa Sia inn nuai khat ah Kawl, Karen, leh Zomi program te in mun kizangh taang hi. Kawl program zongh a kipat zawh uh kum tam nai lo, Karen program zongh Zomi program mah tawh akibang aa a kipan ton ahihmanin Myanmar Union Mission in recording machine track 4 te khat bek a neih sunh uh a hunhun iin a hawm diam diam uh ahi hi. Hun hawm thawh uh aa hun kituhteh pian uh ahihmanin Zomi AWR speaker Sia Do Thang bang in hun tam ngah zo lo thei ahihmanin a lungkham na hong gen thei zel hi. Tua hi aa Zomi AWR program peen mundang ah kituah khia iin vanh zangh khawm kei lengg hong deih uh hi. Tua hun laai iin om na ding inn ngah zo lo ahihmanin Sia Do Thang peen tawlpi khat sung Yangon pan mile 50 vaal bang a gamlatna Pegu khua pan zum a kah ahi hi. Tua khit ciang iin Alone SDA Mission inn ah tawlpi khat mah Church Pastor tawh thuah kawm iin AWR ading Yangon ah na sem hi.

Sia Do Thang tawh Zomi AWR aa ding a kisam ding vanh teng - dehumidifier, base guitar, lead guitar, recorder, mixer, cih bang leh a dangdang a neng a tawng supplies a tuamtuam te dong iin kikum iin vanh lei nop thupi diakdiak te bel UMM EC ah approval ka bawl sak uh hi. Union ulian te: Pr. Ba Hla Thein, Pr. Ba Khin, leh Pr. Do Hen Pau, te Singapore ah Division Committee a pai uh ciang iin Zomi AWR ading in Recorder track 8 te khat a hong lei sak na ding uh UMM EC in minute sung ah a nget ban ah kei mah in Union ulian te kiang ah ka nget ka vai khak beh keei hi napi track 2 te khat hong leisak sese uh ahihmanin lung kim het lo hi'ng. Pr. Ba Khin in a hong leisak ahihmanin "hih a thak na deih kei leh Yangon aa track 4, a luui peen la le cin ai ve" hong cih ciang in a hong cih pong ahi phial zong iin track 2 nei te a thak mah deih zaw kahihmanin lungkim lo pi mah iin ka na saang mai hi. Sum tawh ih lei ding hi lel aa Union ulian te in bang hang iin hong lei sak lel lo uh hiam ci iin ka ngaihsun sun kha hi. Banghang cih leh tua hun laai tak iin Zomi AWR matching fund ci iin Union office ah Ks. 25,000.00 UMM in nei hi. Tua hun laai tak sum khekna peen $1.00 to Ks. 6.00 bek ahihmanin Zomi AWR ding aa ka nget track 8 te khat $4,166.66 man het lo lel ding ahihteh hong lei sak buang lo aa ci in khasia phial ingh. Ahizongh a hang ding ka ngaihsut sut ciang iin a hi thei ding thu nih ka saaikak kha hi. Thu khatna ah Zomi AWR in recording machine thak track 8 te nei iin Kawl program in a luui track 4 te bek nei ding cih peen ngaihsun zo lo uh ahi tam maw ka ci hi. Thu nihna ah kong gen ngei sa mah bang iin Pr. Sandy Dee leh Sia Gin Sian Mung te in UMM lutang a hong sep maa iin Upper Myanmar Mission in Myanmar Union Mission ah ih sum puak ding te puak ngei lo iin nazangh gai zel ahihmanin Ks. 2,500,000.00 (Ks. 2.5 million = $416,666.66) bang ih bat laai tak mah a nahih mawk tawh ih leibaa ih thaangbaa hang aa hong koih dap zong hi kha ding ai ve maw ci ingh. A thu nih te hang hi khawm thei ding iin ka um hi. Ahizongh'n thudang mawk mawk hi samm lo aa Zomi AWR tawh Pasian nasep nading hi buang ahih teh hong ngaih sut pih buang lo uh aa cih zongh ngaihsun kha veve ingh. Banghbangh ahizongh'n track 8 ka na ngah zawh loh hang iin ih neih masak track 2 tawh Topa Khasiangtho panpihna hang iin maa kinawt thei veve ahihmanin Topa' min ka phat hi.

Kawlgam ah ka om laai 1996 kum dong Tedim ah Zomi AWR zum kip laai napi cik kum aa a kua vai hawmna tawh Yangon ah kituah suk hiam cih bel thei nawn kei ingh. Tedim ah Zomi AWR zum kinei aa Khamtung gam bup ih pawlpi in noptuam pih mahmah hi. Nung deuh iin Sia Sawm Sang in a thu om zia a tom aa a genna ka muh ciang iin pawl khat tel beh kahihmanin lungdam mahmah ingh. Sia Kham Khen khut sung aa a kituah ahí aa, a kua a kua makai sep sung aa a kituah ahizongh'n Zomi AWR ahih ding, Pasian thumaan thei nai lo Zomi tampi te in Pasian thumaan za leh thei bek hi lo iin a zuih kipatna kha an tuinaak a suah ding mah lunggulh huai peen sa ingh. Zomi AWR a kipat tung iin audio cassettes vive a kizangh hi aa Guam ah tua cassette te khak den kul hi. Union ulian te gamdang a zin uh ciang or Division pan ulian te a hong pai uh ciang bek aa a kipua khia thei hi aa tua nangawn Yangon Airport pan kumpi te in hong muh sak le uh censor lo pi iin puak khiat ding hong phal lo uh ahihmanin hamsatna tampi ka naphu kha uh hi. Tu iin ahih leh pilna leh kizopna te khang to mahmah ta ahihmanin cassettes leh CD cih te, a tung aa ka gen aw khumna track 2, track 4, track 8, cih te khawng Kawlgam aa AWR office ah zangh nawn lo uh aa computer leh software vive zangh ta uh hi. Online tawh direct iin kizom kikhak thei ziauziau uh ahihmanin Pasian nasepna tampi mavang tuam ta hi.

Zomi u leh naau te aw, challenge khat hong pia nuam ingh. Tu hun ciang in Radio bek peen a khangto mun leh gam te ading iin hong outdated na ciang khat zongh om ta ahihmanin Zomi AWR bek hi lo iin Zomi Adventist TV cih khawng zongh nei beh lengg deih huai sa mahmah ingh. Zomi AWR program bang mah iin ih Zo kam tawh Pasian thu, cidam na thu leh Pasian phatna la te hoih tak iin recording bawl thei, bawl zo, bawl man ding ih om aa nisim iin nai lang sung ta Television tawh Zo kam ngiat aa Pasian thu tangko theihna ding program a hong bawl zo ding ih om leh a hong broadcast sak ding Television Station ken hong vai hawm ding hi'ng. Tu'n sem zo ding hi lengg Pasian thupha hang iin lampi khat om hi. Bang tan vei hih hun manpha om laai ding thei lo hi'ng. Zomi AWR pan Television tawh hawm khiat theih ding program cing taak nong bawl zo ding uh hiam? Kum 2010 ciang in 3ABN leh Hope Chanel pan Zomi Television a kihon zawh nang Zomi AWR in a hanciam laaitak uh hi cih khat za kahihmanin ka lungdam mahmah hi. A hong tangtun nang Topa'n hong makaih sak ta hen. Melmuh Tongsan chanel mun nih bang pan ngah thei lengg lungdam huai kan ding ci lengg. Topa in A tate a kua maciat thupha hong buak suk ta hen. Ki thuza zel ni.

Zomi leh Pasian Pawlpi ading a deihsak tawntung,

Gin Sian Mung Gualnam, Conference Auditor
Southeastern California Conference of Seventh-day Adventists
11330 Pierce Street
Riverside, CA 92503, USA
Phone: 951-509-2370
Fax: 951-509-2377

-----Original Message-----
From: zomi-adventist-com@googlegroups.com [mailto:zomi-adventist-com@googlegroups.com] On Behalf Of Z.A.C
Sent: Wednesday, January 13, 2010 12:37 PM
To: Zomi Adventist Communication
Subject: {Z.A.C} Online Audio AWR

Radio pan in ahun lap aa a ngai kha manlo/aza kha manlo ta ding online pan in Adventist World Radio (Chin) Tedim pau tawh ut hunhun in ki ngai thei ta hi. Aza,angai nuamta dingin anuai aa link ah hawh ciat ni. January 11 pan ki pan 15 dong hong kibehlap thuah ahih manin leitung mun tuamtuam aa om Zomi te in ih omna ciatciat pan in AWR Pasian kammalte tawh tha la kim ciat ni. A za angai mimal khat ciat tung ah Topa khasiangtho thupha hong tung ta hen.

Tedim pau tawh www.audio.awr.org/asia/Myanmar/Chin/
Kawl pau tawh www.audio.awr.org/Myanmar/

by: ZAC
=
rom Mung No
reply-to ZomiSDA@yahoogroups.com
to zomi-adventist-com@googlegroups.com,
zomisda@yahoogroups.com
date Wed, Dec 22, 2010 at 4:31 AM
subject [ZomiSDA] Zomi Adventist World Radio (Zomi AWR) Tangthu Bucing [1 Attachment]
mailing list Filter messages from this mailing list
mailed-by returns.groups.yahoo.com
signed-by yahoogroups.com
unsubscribe Unsubscribe from this mailing-list
Images from this sender are always displayed. Don't display from now on.

hide details 4:31 AM (11 hours ago)


[Attachment(s) from Mung No included below]

Kong it laisim Zomi Adventist a kua maciat,

Tu sawng iin Zomi AWR vai a kigelh tomno no te leh Sia Sawm Sang leh Sia Kham Khen te ii lai gelh te ka na sim hi. Tampi in telcian zo meel lo ding cih thei kahihmanin Zomi AWR vai a thei nuam takpi te ading iin "Zomi Adventist World Radio (Zomi AWR) Tangthu Bucing" cih thulu tawh hong gelh khia ingh. Email sung ah ih khah ziau ciang iin khat veivei formatting kikheel gawp iin sim haksa leh hoih tak aa a kem nuam te adingin nawng kaai thei ahihmanin PDF tawh attachment iin hong guang thuah laai ingh. Hoih tak iin na sim le ucin Zomi AWR hong pian nading a kivai hawm cill akipan tu ni ciang dong aa a piiang thu teng a tel tuam ding iin hong lamen ingh. Hoih tak iin na sim sak un.

Zomi Adventist World Radio (Zomi AWR) Tangthu Bucing



A sung aa thu om teng:

1. Thu Makai, page 1

2. Zomi AWR Vai Kipatcilna, page 1

3. Zomi AWR Zungkhak Kipan, page 2

4. Zomi AWR Kungkhan Kipan, page 2

5. Zomi AWR Inn leh Vanhzatte Honna leh Appna, page 3

6. Zomi AWR Paak Bangh Palhta, page 4

7. Zomi AWR Vul Kik Pak, page 5

8. Zomi AWR UMM Makaite in Puahlo Zuunlo, page 5

9. Zomi AWR Khuasuak Kik iin Gah ta, page 7

10. Zomi AWR Panpih Ciat Ni, page 8



Thu Makai

1989 kum aa Chin AWR ngimna leh geelna a omsa bang iin Zomi AWR program peen 1991 kum iin kipan aa 1971 kum pan aa a kipan a hi General Conference of Seventh-day Adventist, Adventist World Radio ii a hiiang no khat ahi hi. Adventist World Radio peen Africa, Americas, Asia/Pacific, and Europe ci iin phual pi 4 iin kikhen hi. 1971 kum aa a kipan hi pan ahihmanin transmitter te zongh a thahat te zangh pah zo lo ahihmanin a hunhun iin a kisap dan leh sep zawh dan zui iin Adventist World Radio in transmission power beh lap zel uh hi. Ih Kawlgam aa ih ngaih Zomi AWR peen Philippines gam ii leilu lam aa US te ii keph tuikulh neuno ahi Guam tuikulh pan a hong kitheh khia hi aa Southern Asia-Pacific Division (SSD) sung ah kihel hi. Tua hi aa Asia/Pacific Radio Station, Guam pan kilowatt 100 transmitter set pi 4 tawh shortwave zangh iin Asia gam tampi te ah a kitheh khia ahi hi.



Zomi AWR Vai Kipatcilna

Kawlgam sung ah Radio tawh na sep nading iin line khat a kingah masa peen Union makai te in Karen te, Zomi te, leh nam dang te pau ading iin na geel masa lo iin Kawl gam bup aa a kizangh kim peen ahi Kawl pau tawh Kawl hun aa zat ding iin na geel uh hi. Guam aa transmitter a beh lap uh peen 1990 kum pawl ciang iin kizo thei ding cih ngimna leh lametna tawh AWR Asia/Pacific region makai te in 1989 kum or tua maa iin Kawlgam leh Asia gam tuamtuam te ah AWR line behlap ding gelna na nei khin zo uh hi. Tua hun laai iin Upper Myanmar Mission ah Pr. Kip Za Nang, President, Pr. Thang Khuma, Secretary, leh Pr. Thangpu, Treasurer, te in a makaih laai tak uh ahi hi.



1989 Myanmar Union Mission session leh Yearend meeting peen Myaung Mya ah ki nei aa Division aiawh iin Singapore pan Pr. Ba Khin hong pai hi. Tua laai ah Upper Myanmar Mission pan delegate tampi om ding ahihhangin Committee sung ah lay delegate aa a na kihel ka phawk khak teng peen Pa Khual Za Nang, Sia Kai Za Dal, leh Sia Pau Za Khan te ahi uh hi. Tua hun laai iin Kawl kumpi ii radio station pan Chin Program ah Laaizo pau (Falam kam) tawh kigen ahihmanin pawl khat te in AWR ading Laaizo pau hi leh a ci zongh om uh hi. Ahizongh'n ih lay delegate teng mah kikum iin Kawl kumpi ii Chin Radio program sung ah Laaizo pau tawh a kigen ahih sam hang iin Adventist sung ah Laaizo kampau tawh Pasian thu taangko ding peen speaker ding leh program bawl ding zongh hamsa ding ban ah Sagaing khua aa ADNG (tu iin UDNR) {ih Kawl kumpi in 1964 kum pan Academy for the Development of National Groups (ADNG) a pat khiat uh 1991 kum pan University for the Development of National Races (UDNR)} a kici kumpi sang ah Zo kam (Tedim kam) peen Khamtung gambup kampau ding iin a kisin sakna thu leh AWR speaker ding leh program sung aa akisam a tuamtuam te ah a mapang thei ding peen Tedim kampau sung mah ah kicing peen ahih thu Sia Kai Dal in suut (thu sung) hi. A tung aa kumpi sang ah Zo kam (Tedim kam) a kisin na peen Chin Affairs Supreme Council ah Lei Lum khua mi Colonel Putpa in makaipi (chairman) a sep hun sung iin Zo kam (Tedim kam) peen Chin language ding iin a na guan man ahi hi.



1989 Union session hun iin Pr. Sidney Gyi peen Union Communication Department Director a sep laai tak hi aa aman zongh Zo kam mah hi leh kilawm sa peen aa hong panpih ahihmanin 1989 Myanmar Union Mission yearend committee ah ei Zo kam peen Chin AWR ah zat dingin kikupna a om khin ahi hi. Guam ah transmitter a beh lap zawh uh ciang iin pau nam dang beh lap nading line nei beh uh ahihmanin Division te in Kawlgam leh Asia gam te sung aa pau nam tuamtuam te tawh thugen khiat theih nading line piak beh uh hi. Kawlgam aa SDA pawlpi sung ah pawlpi mi a tam peen Karen leh Chin programs ading iin a kingah ciang iin Sagaw Karen in nai lang, Po Karen in nai lang leh Chin in nai lang mah a ngah ahi hi. Hih AWR line a kingah beh ding a kitheih tuung lam iin Zomi AWR in nai khat ngah thei ding iin hong gen uh ngei hinapi tu ni ciang dong nai lang bek mah kingah laai phot hi.



Zomi AWR Zungkhak Kipan

Global Mission cih theme tawh General Conference in mission nasep hong pat thak maa aa Zomi AWR (Chin AWR) peen AWR Asia/Pacific Region pan geelna a om sa dung zui iin 1989 Myanmar Union Mission yearend committee, Myaungmya ah kikup sa ahih teii hang iin a thu akipanh lith lith hi bek aa bang mah kigeel kisem taktak nai lo hi. 1990 kum pan Upper Myanmar Mission in Global Mission project sung ah Zomi AWR masuan ding geel theih bang iin geel iin Sia Thang Siangh, President, Sia Thankhuma, Secretary, Sia Kham Khan Lian, Treasurer, te makaihna tawh Upper Myanmar Mission in hanciam mahmah hi. Tua akipan Upper Myanmar Mission makai te khensatna zui iin Zomi AWR ih cih hi aa mi namdang te in Chin AWR ci uh hi. Pawl khat te in Mizo, Falam, Khalkha, or Zo kam tawh radio pan thugenna neih ding ngaihsutna tuamtuam a nei a om hang iin Mizo pau tawh Mizo gam aa te in gen lel ding ahihmanin 1989 Union Session aa kikupna sa mah bang iin Zo kam zangh iin Zomi AWR cih ding Upper Myanmar Mission Executive Committee in khensat hi. Zomi AWR zum koi ah koih ding cih kikup leuleu ciang iin Maymyo or Mandalay ah koih lengg a ci khawng zongh om hi napi, Mandalay lah electric mei a hoih mawh loh hang iin innsap losap tam ding, Maymyo ah lah electric a om teii hang iin mei tha hat vet lo, 110 volt te nangawn a taang gina zo hi lo ahihmanin Tedim ah ih Zalui mei tha hat mahmah laai ban ah thugen ding, la sa ding cih te zong Tedim gam kim aa ih pawlpi mi lasiam teng mah zangh nuam ding hang aa Maymyo khawng Mandalay khawng ah koih mawk leng sum zatna sum beina tam lua ding ahihmanin Tedim khua zah (kan) aa mun hoih om kei cih ngaihsutna tawh Upper Myanmar Mission Executive Committee in Tedim ah koih ding iin a khentat a hi hi.



Zomi AWR Kungkhan Kipan

Radio ministry and studio recording cih bang peen Upper Myanmar Mission sung ah nei ngei nai lo ihihmanin Zomi AWR a makai leh speaker ding iin music lam a uuk a siam leh thugensiam khat a kizon ciang iin Sia Do Za Thang mah hoih kisa peen ahihmanin kha 6 sung bang studio aa recording sepzia leh bawl zia sin ding iin 1991 kum iin Yangon ah training kila sak hi. Tedim aa Zomi AWR inn lam ding kipan nai lo ahihmanin Sia Do Thang in Zomi AWR program peen Yangon pan hong pan khia masa hi. A tung a pat iin bang mah kinei nai lo ahihmanin Yangon aa Kawl progam te’ vanh kizat sak iin Park Lane aa Mission inn nuai khat ah Kawl, Karen, leh Zomi program te in mun kizangh taang hi. Kawl program zongh a kipat zawh uh kum tam nai lo, Karen program zongh Zomi program mah tawh akibang aa a kipan ton ahihmanin Myanmar Union Mission in recording machine track 4 te khat bek a neih sunh uh a hunhun iin a hawm diam diam uh ahi hi. Sia Thang in technician lah sem, thugen iin la zong khum hi. Zomi AWR ah thugen aa a mapang masa peen Sia Do Za Thang hi aa hun zeek leh thu pulaak (annoucer) aa a mapang masa peen Sianu Dal Khan Vung (Pr. Daniel Nangno' zi) ahi hi. Yangon khua aa a om thei sun Zomi SDA te in ka na hanciam khawm uh aa Zomi AWR ading iin la khum masa peen te Sia Do Thang, Sia Mungno, Sianu Dal Vung, Sianu Pau Cing (Sia Do Thang' zi), Sianu Thang Deih Lun te a hi uh hi. Hun hawm thawh uh aa hun kituhteh pian uh ahihmanin Zomi AWR speaker Sia Do Thang bang in hun tam a ngah zawh loh man aa a lungkham na hong gen thei zel hi. Set vanh kicin loh man iin hun hawmthawh uh ahihmanin Kawl leh Karen program in Zomi AWR program peen nawngkaai hong sapian uh iin hong nawl khin pian uh aa mundang ah kituah khia iin vanh zangh khawm kei lengg hong deih uh hi. Tua hun laai iin Zomi AWR thugen Sia Do Thang in tenna ding inn nangawn ngah zo lo ahihmanin tawlpi khat sung Yangon pan mile 50 vaal bang a gamlatna Pegu khua pan zum kah hi. Tua khit ciang iin Ahlone SDA Mission inn ah tawl khat sung Church Pastor sem kawm iin Zomi AWR ading Yangon ah na sem hi.



Zomi AWR Inn leh Vanhzatte Honna leh Appna

1992 kum pan Pr. Sandy Dee, President, Pr. Than Khuma, Secretary, leh Sia Gin Sian Mung, Treasurer, te in Upper Myanmar Mission makai panmun hong let uh ciangin amau maa aa Upper Myanmar Mission officers leh EC ii geelna sa te leh khensatnate dung zui iin 1992 kum iin Zomi AWR studio ding Lawibual SDA huang sung ah lam ding kipan hi. March 30, 1993 kum iin Myanmar Union Mission president Ba Hla Thein, Upper Myanmar Mission officers, Pr. Sandy Dee, President leh Sia Gin Sian Mung, Treasurer, te tawh Zomi AWR hon pawi Lawibual SDA Mission huang sung, Tedim ah kinei hi. Topa Pasian hehpihna thupha hang iin Yangon aa a om laai aa Sia Do Thang in a khum sa thu leh la te zangh iin 1993 kipat lam pawl iin Zomi AWR hun Guam pan a hong ging khia tatak zo ta ahi hi.



Sia Do Thang tawh Zomi AWR aa ding a kisamh vanh teng - dehumidifier, base guitar, lead guitar, recorder, mixer, timer, cih bang leh a dangdang a neng a tawng supplies a tuamtuam te dong iin kikum iin vanh lei nop vanh gil thupi diakdiak te bel UMM EC ah approval ka bawl sak uh hi. Union ulian te: Pr. Ba Hla Thein, Pr. Ba Khin, leh Pr. Do Hen Pau, te Singapore ah Division Committee a pai uh ciang iin Zomi AWR ading in Recorder track 8 te khat a hong lei sak na ding uh UMM EC in minute sung ah a nget ban ah kei mah in Union ulian te kiang ah ka nget ka vai khak beh keei hi napi track 2 te khat hong leisak sese uh ahihmanin ka lung kim lo hi. Pr. Ba Khin in a hong leisak ahihmanin "hih a thak na deih kei leh Yangon aa track 4, a luui peen la le cin ai ve" hong cih ciang in a hong cih pong ahi phial zong iin track 2 nei te a thak mah deih zaw kahihmanin lungkim lo pi mah iin ka na saang mai hi. Sum tawh ih lei ding hi lel aa Union ulian te in bang hang iin hong lei sak lel lo uh hiam ci iin ka ngaihsun sun kha hi. Banghang cih leh tua hun laai tak iin Zomi AWR matching fund ci iin Union office ah Ks. 25,000 UMM in nei hi. Tua hun laai tak sum khekna peen $1.00 to Ks. 6.00 bek ahihmanin Zomi AWR ding aa ka nget track 8 te khat $4,166.66 man het lo lel ding ahihteh hong lei sak buang lo aa ci in khasia phial ingh. Ahizongh a hang ding ka ngaihsut sut ciang iin a hi thei ding thu nih ka saaikak kha hi. Thu khatna ah Zomi AWR in recording machine thak track 8 te nei iin Kawl program in a luui track 4 te bek nei ding cih peen ngaihsun zo lo uh ahi tam maw ka ci hi. Thu nihna ah kong gen ngei sa mah bang iin Pr. Sandy Dee leh Sia Gin Sian Mung te in UMM lutang a hong sep maa iin Upper Myanmar Mission in Myanmar Union Mission ah ih sum puak ding te puak ngei lo iin nazangh gai zel ahihmanin Ks. 2,500,000 (Ks. 2.5 million = $416,666.66) bang ih bat laai tak mah a nahih mawk tawh ih leibaa ih thaangbaa hang aa hong koih dap zong hi kha ding ai ve maw ci ingh. A thu nih te hang hi khawm thei ding iin ka um hi. Ahizongh'n thudang mawk mawk hi samm lo aa Zomi AWR tawh Pasian nasep nading hi buang ahih teh hong ngaih sut pih buang lo uh aa cih zongh ngaihsun kha veve ingh. Banghbangh ahizongh'n track 8 ka na ngah zawh loh uh hang iin ih neih masak track 2 tawh Topa Khasiangtho panpihna hang iin maa kinawt thei veve ahihmanin Topa' min ka phat hi.



Tu laai hun aa digital tawh online zangh aa kizop ziauziau ki khakk ziauziau te bang hi lo iin radio cassette tape vive a kizangh ahihmanin radio aw thehkhiatna phual Guam a tun nading vaipi khat ahi hi. Tua hun laai iin Pr. Kyaw Sein Pe Union Communication Department Director a sep laai hi aa kumpi lam pan hamsatna a tuamtuam te hang hi ding hiam a nasep masuan muibun lua khol lo hi. Kawl program leh Karen program pan aa cassette te zongh tam nennan khin zel ahihmanin Zomi AWR cassette te hong khak sak zel tham sam ahihhang iin masak iin hong nei zo lo zel hi. Union ulian te gamdang a zin uh ciang or Division pan ulian te a hong zin uh ciang bek aa a kipua khia thei hi aa tua nangawn Yangon Airport pan kumpi te in hong muh sak le uh censor lo pi iin puak khiat ding hong phal lo iin hong mat sak ding uh ahihmanin hamsatna tampi ka naphu kha uh hi. Tu iin ahih leh online tawh direct iin kizom kikhak thei ziauziau uh ahihmanin Pasian nasepna mavang tuam mahmah ta hi.



Zomi AWR Paak Bangh Palhta

Zomi AWR Studio inn lam nading iin Upper Myanmar Mission in sum leh paai tampi bei iin kilam hi. Lawibual leh Sakollam pawlpi mi te in AWR inn mun zikna ah tha tampi bei ding uh hi. 1993 kum, March 30 ni iin Zomi AWR Studio a kihon akipan Sia Do Thang in hanciam iin awkhum (recording) nasep hong zom to hi. Zo gam ah 'awkhumna' a om masa peen ahih mah bang iin a diakdiak iin music lam a uuk a siam pawl sung pawl pua a kua maciat in hong lungdampih mahmah uh hi. Mandalay leh Yangon khawng ah va pai aa aw khum ding peen ol het lo ahihmanin Zomi lasiam, khutsiam, khausaai siam, tampi te adingin phattuamna a pia thei ding khat ahih ban ah Upper Myanmar Mission ading leh Zomi AWR adingin zongh sumlutna (operating income) a om thei ding thu khat ahi hi. Tua thu hang iin SDA pawlpi mi khat peuh in aw a khum nop leh tua zah, pawlpua pan Zomi khat peuh in aw a khum nop leh tua zah ci iin ciangtanna kinei hi. Operating fund tampi hong lut thei ding aa a ki lamen ahi hi. Ei SDA pawlpi sung, Sakollam pan U Zamno (Pa Sian Cin Zam) bang in zongh Zomi AWR studio, Lawibual ah aw khum ngei hi. Tua ban ah Kap Pau (Ngente) in zongh la khum ngei hi. Ka theih khak loh hang iin a dangdang zongh a khum om laai kha ding hi. Sia Sawm Sang in January 20, 2010 ni aa hong genna ah Sezang khua mi ECT lasiam nungakno 3 bang in a awkhum masakna uh Zomi AWR studio, Lawibual, ah a khum thu leh Lei Lum khua mi guitar siam Zen Lian' group bang in zongh la series 5 bang Zomi AWR studio, Lawibual, pan mah khum hi ci iin hong gen hi.



Zomi AWR Vul Kik Pak

A tung aa bang iin kizom to suak hi leh Zomi AWR peen a lawhcing mahmah ding hi napi Tedim aa ih Zomi AWR studio thu kiza nawn lo iin a mangthang bang iin hong dai cip pian mawk hi. Zomi AWR program ah hoih tak aa thu khempeuh a vaan thei ding iin 1991-1992 kum pawl pek akipan tua hun laai aa thugen, la sak leh tum theih khausaai a siam khawm, sia te lak aa ih neihsun Sia Do Thang peen AWR speaker leh AWR makai ding iin special training a kipia ahi hi. Yangon ah Sia Do Thang in a sep sung iin Zomi AWR hun ah thu pulaak leh hun zeek ding iin sianu Dal Vung in temporary contract worker panmunh tawh kihuhsak hi. Tedim ah AWR studio ih hon khit ciang iin Sia Do Thang te Tedim ah hong kikhin uh aa AWR ah full time kisem sak hi. Sianu Dal Vung in Tedim ah zui to thei lo ahihmanin Sianu Awi Khan Dim in thu pulaak leh hun zeek iin panpih hi. Tua nung ciang iin Sia Thang Gen Mung, Sianu Pum Go Man leh Sia Suan Sawm Sang te in Zomi AWR ah panmunh a tuamtuam tek tawh hong sem zom uh hi.



Hi bang kawmkaal ah Tedim aa ih Zomi AWR hong thaneem iin Zomi AWR na sem Sia Sawm Sang peen Yangon ah kikhin suk hi. Sawtpi laai te iin pawl khat te genna ah Sia Langh Sawm Mang in a makpa Sia Sawm Sang pen Yangon ah a koih suk hi a ci mawkmawk zongh ka zak ngei om hi. Tu sawng teng iin pawl khat te genna ah MYUM makai, Karen/Deek te in Zomi AWR vai teng Tedim pan Yangon ah a hong tuah khiat sak bang iin hong ging leuleu hi. Pawl khat te in ih van zat te luui lua ta, digital leh computerize recording equipment kisam ahihciang aa Yangon zuat kul dan iin a gen zongh om hi. 'Digital recording, computerize recording, internet leh online communication cih te leh a dangdang vanh zat a hoih zaw a kisamh om takpi mah ding hita leh AWR innpi nusia liang iin Yangon ah ih khin se sang iin equipment a kisam bangbang vai hawm iin Tedim aa Zomi AWR innpi sung mah ah bangh hang iin awkhumna a kisem zom suak ding iin Upper Myanmar Mission officer te in na vai hawm lo uh hiam? Tua hi leh Tedim aa Zomi AWR studio innpi lalsan kul zawzen samm lo mah ding hi ven' ci aa a ngaihsun mi tampi om kha ding hi. January 20, 2010 leh December 3, 2010 ni aa Sia Sawm Sang' lai gelhte leh December 7, 2010, ni aa Sia Kham Khen' lai gelh te ka sim kop ciang iin Tedim aa Zomi AWR studio a hawmcip theihna a hang a nuai aa bang iin ki tel tak iin kimu thei hi.



UMM Makaite in Puahlo Zuunlo

1. Sia Do Thang in AWR speaker a sep kawm mah iin "Sia Do Thang pen Circle Leader zong hi ahihmanin -----. Effort na hanciam ahih manin tape akicing in ngah zolo hi. Tua ciangin AWR Yangon pan in effort sermon na gente khum in cih dong in ki vaikhak hi." (Kham Khen, December 7, 2010). Zomi AWR speaker himhim peen a kisam bang iin a tawm peen full time speaker khat koih ding kilawm mahmah hi napi UMM makai te in Sia Do Thang peen AWR speaker leh Circle leader na thuah khawm sak mawk uh ahihmanin Zomi AWR awkhumna ah maa telh lo pah hi.



2. Tua hun laai iin Sia Gen Mung peen set len ding (technician) hi aa Sia Do Thang lah circle leader ahih kawm tawh AWR ah full time speaker sem nawn lo hi. Sia Sawm Sang in, "Tua hun laitak kei Lawibual ah AWR ah ka sep lai tak hi in tua a kipan in kei pen Heilei pawlpi kem in hong kituah sak hi. Tua pan in AWR ah thu gen tawh thuah kawm hen hong ci a, tai 28 kigam lat na mawtaw cycle omloh na khe tawh lampai na tua zah a gamla pan in zum hong kah sak tak ciangin kumkhat a ding khui khak ding te ki zo zolo suak pah hi. Tua bang teng hang in Tedim pan in Yangon ah hong ki sam suk ahi hi." (Sia Sawm Sang, January 20, 2010) ci hi. Tua ban ah Sia Sawm Sang genna ah AWR speaker ding iin"kei hong koih hi napin kumkhat khit teh kei zong Heilei hong puak leuleu in tua kipan Radio Speaker om lo ahih man in, Singapore pan in AWR programe director pa in, Chin program pen kum khat a puak ding zah nong puak kei vua leh, kiphiat ding hi a cih teh MYUM in kei Yangon ah hong sam suk in tua a kipan AWR Zohun pen tu ni ciang hong kizom to to thei suak hi." (Sawm Sang, December 3, 2010) Sia Khen genna ah zongh,"Sawmsang thugen kiva ahihmanin, Genmungin set len hen, Sawmsang pen Heilei in sia dingin ngen ahih manin Heilei ah om henla, aHUN NGAH SIAL IN SERMON ONG GUANG HEN cih ki vaikhak hi." (Kham Khen, December 7, 2010) ci hi. Tua hi aa Sia Sawm Sang zongh full time iin AWR masuan len sak lo iin Tedim pan tai 28 a gamlatna Heilei khua ah UMM makai te in Pastor nasep leh AWR masuan na thuah khawm sak mawk uh hi. Zomi AWR awkhumna ah maa telh lo pah hi.



3. Tedim ah circle leader leh AWR a thuah khawm khit ciang iin "UMM session in Kachin Circle dingin aseh(Kachinte deihteel) sia Do Thang" (Kham Khen, December 7, 2010) peen Kachin circle leader ding iin paisak sawnsawn laai ahihmanin Tedim aa Zomi AWR ah masuan pi aa a nei om nawn lo mawk hi.



4. Shan leh Kachin te ading deihsakna: "1999 kum mid year EC committee ah" Sia Khen in, "Ei Zomi te Christion hi khin i hih man in radio tawh thu gen na kisam nawn lo hi. Ei gam pen khual mial gam hi nawn lo hi. Tua ahih man in AWR pen Shan leh Kachin te hawm sak leng hoih ding hi ci-in sutuan" hi. (Sia Sawm Sang, January 20, 2010) "UMM President ka sepciangin, imipi in AWR-Zomi nasep kizom in la zong kikhum theita hi. Global Mission vai-in, Shan le Kachin pen ka veei mahmah hi. TUA MANIN UMM PAN IN MYUM TAWN IN SSD AH SHAN PROGRAMME LE KACHIN PROGRAMME ONG BEHLAP SAK DINGIN KA NGEN HI. ---AHIH THEIHLEH AWRZOMI TAWH RECORD KHAWM DINGIN ZONG KA NGEN HI PIANG THEILO AHIH MANIN SHAN LE KACHIN IN ZOM NAWN LO HI." (Kham Khen, December 7, 2010) Division office aa AWR Department in Shan leh Kachin program hun hong pia beh zo hi leh Shan leh Kachin pau ading speaker nih bang kivaihawm ngel ding hinapi Zomi AWR in full time speaker khat nangawn na ngah zo nawn lo mawk hi.



5. Tua hi aa Upper Myanmar Mission administration in full time AWR speaker koih lo ahihmanin a kisamh zah aw a kikhum zawh loh ciang iin "Karen le Chin sermon kikhak den theilo ahih manin tawm hi ciin Kaibe in agen ciangin," donghu ding iin "Kham Khen Pau, Kai Khan Khual, Do Za Thang, te in huh henla cih kithukim leuleu hi. ----Kham Khen Pau in Revelation khum ding, Sia Kai Khan Khual in Christ Object Lesson khum ning cia tua bang in ki hon pan hi. Tua laitak mah in Yangon ah ahunbit dingin Sia Sawm Sang UMM pan kikoih suk hi. Kei tekin zong Computerize Recording tawh Mangmuhna bu hilhcianna va record lai ingh." (Kham Khen, December 7, 2010 ci hi. Sia Khen in bang zah vei va khum hiam thei khang. Sia Khual leh Sia Do Thang te in donghu iin a khum lo hi ding hiam Sia Khen in pulaak lo hi. Tua hi aa regular full time speaker kician koih lo pi iin donghu bek a kiguan hang iin amau zongh amau masuan nei ciat uh ahihmanin awkhumna peen telh tuam lo ding cih theihsa hi.



6. Sia Kham Khen in "2001 kum August 20 ni in kei kiang mahmah ah hong gen in zong AWR phiat ding thu hong gen a, a hi zongin ken bangmah in ka dawn tuan kei hi." (Sia Sawm Sang, January 20, 2010)



Tedim aa Zomi AWR om nawn lo iin Zomi AWR vai teng Yangon ah a kituah vai tawh kisai iin Sia Sawm Sang in, "Hih thu lian ah bel MYUM tawh kisai masa het lo hi." (Sawm Sang, December 3, 2010) a cih leh Sia Khen in "SSD deihna tawh, ahoih zaw ding ngimna-a MYUM in Yangon ah agawm suk hi zaw." (Sia Kham Khen, December 7, 2010) a cih uh peen kituak mahmah hi. Hi bang aa Yangon ah Zomi AWR a kituah sukna leh a kigawm suk na a hang bulpi peen (1) tua hun laai aa Upper Myanmar Mission makaite in Tedim aa Zomi AWR speaker dingin hun bit sia na koih den lo uh ahihmanin Zomi AWR program ading a kicing awkhum zo lo uh hi. (2) Shan leh Kachin te ading deihsakna peen hoih mahmah ahi tazongh'n UMM makaite in Zomi AWR peen na nawlkhin na paampaih kha uh ahihmanin Zomi AWR a mitcip dek tak, a vul a vuai, a mangthang ding peen Southern Asia-Pacific Division ii thukhualna leh deihsakna hang aa Myanmar Union Mission in a hoih peen ding ngimna tawh Yangon ah a gawm suk ahih lam ih tel ciat ding hoih ka sa hi. 1997-2001 kum sung teng aa Upper Myanmar Mission lutangpi teng peen Pr. Kham Khen Pau, President, Pr. Langh Sawm Mang, Secretary leh Pr. Suan Cin Pau, Treasurer, te a hi uh hi.



Zomi AWR Khuasuak Kik iin Gahta

Zomi AWR in thugen sia hunbit a neih loh man iin Zomi AWR thugen sia leh na sem te in a kisam zah aw a khum zawh loh uh ciang iin "Chin program pen kum khat a puak ding zah nong puak kei vua leh, kiphiat ding hi" (Sawm Sang, December 3, 2010) ci iin Division makai te in a vau ciang iin Zomi AWR a kisep zom theih ding ngimna tawh Sia Sawm Sang peen Yangon a tung suk ahi hi. Sia Sawm Sang in Yangon pan awkhum hong zop ciang iin ih Zomi AWR hong khanglo kik, hong kitawh kik, hong khuasuak kik ahihmanin a vaihawm UMM, MYUM, leh SSD makai te tung ah lungdamna ka pulaak hi. Tu ni tu hun iin ih biak Topa Pasian thupha hang iin leitung bup ih omna mun ciat pan radio leh internet pan Zomi AWR hun ih ngaai thei ta hi. Khaa lam tha ih ngah lawh ciat ding ka lamen hi. Zomi AWR hang iin Topa Pasian hehpihna leh gupkhiatna lampi mi bang zah in muh lawh khin aa muh lawh laai ding, khaa khanlawhna leh pianthakna ngah lawh ding hiam cih peen ih tel loh hang iin mi tampi in phattuam pih ding hi. Vantung ih tun ciang bek iin ih tel zo pan ding hi.



Kei theih pak khat ah Tedim gam Sai Zang khua ah Pa Kham Sial Lian Gualnam in Zomi AWR a ngaihna pan Sabbath thumaan leh khaa khanlawhna ngah ahihmanin Sai Zang khua ah crusade hong bawl un ci aa a sap leh a nget huhau iin Sia Sawm Sang leh Tedim circle aa sia te makaihna tawh gupkhiatna thu taangkona January 7-19, 2009 sung a va neih uh ciang iin Pa Kham Sial Lian Gualnam, a zi, a tapa khat, a tanu khat leh a dang mi 9, a vek pi iin khaa manpha 13 te in Pasian pawlpi SDA mission sung ah tui kiphumna tawh hong ki app uh aa Sabbath School member peen 35 pha pah uh ahihmanin tu iin Sai Zang khua ah SDA pawlpi mi om ta hi. Topa’ min kiphat den ta hen. Sai Zang khua ah SDA pawlpi' thupuak gupkhiatna thu peen 1957 kum pawl pek iin Sia Phung Kai in na tangko ngei khin hi. Sia Kham Khen Tedim ah a om laai iin Sia Kham Khen, Sia Mungno leh Sia Phung Kai te in Sia Kham Khen makaihna tawh Sai Zang khua sang innpi sung leh Mingyi Pu Mangtal ii Sai Zang innpi sung ah a kigawm iin kaal thum sung bang taangkona nei ngei uh hi. SDA pawlpi thumaan peen hong saang aa hong ki app pah ding uh hamsa sa mahmah uh hi. Ahizongh'n Sia Phung Kai leh Sia Kham Khen te vawhsa khaici te peen Topa' Khasiangtho in Zomi AWR tungtawn in huih lak pan Khasiangtho guah a na buak suk ciang iin khangluui ngeina biakna leh RC pawlpi a thahat mahmah na Sai Zang khua ah tu iin SDA pawlpi hong ding khia thei ta hi.



December 19, 2010 ni aa Sia Sawm Sang in tampi lak pan tawmno hong gen pak teng a nuai aa bang hi.

1. AWR speaker a sep zawh thugen pi (main speaker) aa a mapan na 27 pha khin ta hi SDA pawlpi a om ngei nailohna khua 13 ah SDA pawlpi om ta hi.

2. “Ling Thuk te khat bang a tapa khat neih sun a sihsuah teh a lungsim kisia lua in sun leh zan in zu bekbek a nek zawh kum 10 bang a cing khin pa pi khat AWR a ngaih na hang bekbek in, piang thak hi in zu leh za kham theih khempueuh nusia in mi thak suak taktak mawk ahih man in, a khuapih a a kipan a ma pian zia a thei khempeuh in lamdang a sak mahmah khat ahi hi.”

3. Nahnuai khua a ten zongh ama thugen za nuam iin sam uh hi. Sum leh paai tawh a huh zo ten Pasian nasepna ah panpih huai hi.

4. Lai hong kikhak te zongh tha ngah huai thei mahmah iin sum leh paai kicing hi leh lut theih nading mun tam mahmah om hi ci hi.



Panpih Ciat Ni

Hi bang iin Zomi AWR a tehno sel iin hong paak pha thei ahih leh a ngah phat zawh nading iin a kisam sum leh paai te tawh huh iin ih biak Pasian leh Sia Sawm Sang tawh maa pang khawm ding iin hong hanthawn ingh. Zomi AWR a huh nuam te in Sia Sawm Sang tawh kizom iin kam ciam (pledge) pia lengg AWR tungtawn aa Pasian thu taangkona tangzai tuam mahmah ding hi. Ken bel Sia Sawm Sang or Zomi AWR in mimal' huhna Ks.1 a ngah sim iin Ks. 1 tawh Ks. 300,000 dong matching fund piakna tawh huh ding iin hanciam sawm ingh. Zomi AWR in gah pha tampi hong gah beh den henla, hih Zomi AWR nasepna hang iin kha mangthang tampi in Topa Pasian' tawntung nuntakna ngah lawh ta hen. Tu laai tak aa a mapang Sia Sawm Saang leh Sianu Man te ii kammal (aw) te leh a masuan uh Topa Pasian in thupha hong piak sak ta hen. Ih Topa Zeisu hong kum kik ni dong Zomi AWR khansau iin a khang khang iin kip iin hong cidam to suak den ta hen.



Zomi AWR a it leh a deihsak,





Mungno Gualnam

Riverside, California

December 21, 2010