CONFERENCE STATUS TAWH KALSUAN
CONFERENCE.
Mipi kikaihkhopna meeting a om ciangin, Conference kikhoppi peuh ci-in kizang hi. 1848 kum Sabbath tangte kimuhkhopna abawl uh ciangin General Sabbath Conference cih kammal zang uh hi. Mihonpi kikaikhawm thu kikupna gennuam ahi hi. Nidangin Jesu hong phuh Pawlpite pen Local Churches bekin omciat uh hi. Amau pawlpi ciat keemin naseem uh hi. Amau omna khua, amau omna munmin zui-in pawlpimin nei uh hi.
Nidanglai Ephesus Pawlpi, Corinth pawlpi, Thytira Pawlpi, Smyrna Pawlpi, Laodecea Pawlpi cih bang ahi hi. Upna kibang hi. Jesu sungah lungsim pumkhatin om hi. Vantungah Pasian Pawlpi hikhin hi. Leitungah Pawlpi-min kibanglo hi. Amau kingakna Jesu Suangpi hikhin uh hi. Leitung Organization khatsungah a omloh hangin, Pawlpi Signboard kibanglo ahihhangin Pasian tate ngentangin kiciamteh hi. Pasian in Ama Pawlpi member min pen Signboard tawh suanglo hi. Khasiangtho tawh ciamteh hi.
Local Conference
( A unit of Seventh-day Adventist Church organization compose ed of local churches within a given area, such as a state.)
Local Churches kici Khuatual-Pawlpi tampi kigawm, tua kipawlna pen Local Conference kici hi. Pawlpi icihpen Khuatual-pawlpi te ahi hi. Khuatual-pawlpi nih sangaa tamzaw, or pawlpi tampi kipawlna pen Local Conference kici hi. Locacal Conference pen gamlian khat ii state khat sungaa om churches kipawl cinuam diak hi. Ahihkeh Administration nasepna leh communication -transportation nang aa kikhen khawkkhat ahi hio.
Minam minvawh aa Conference dinpen SDA policy deihna himasa lo hi. Ahih hangin buaina solve nadingin US munkhatkhat ah Black Conference omsak lel hi.( Enzong minam khatguak tungaa din nopna ahizongin, minam aa tuambawl aa nawlkhinna ahizongin, nakpi-in ih nial ding hi.)
Union Conference
( With other local conferences such a unit is a constituent member of a union conference.)
State nih leh thum sungaa local Conference om zahzah kigawm pen Union Conference kici hi. Gamneu lua a, members population a tawm luat leh, gamnih gamthum gawmin Union Conference in kikoih thei hi. Communication leh Transportation nuam ding ngaihsutna tawh Kumpigam khat pen Union khatin kiciangtan zaw hi. US pen zai mahmah ahihmanin state nihnih thumthum gawmin Local cobnference, union conference phut uh hi.
Administration
( The Conference President is an ordained minister of experience and reputation , and is the ranking officer in the conference and in any of the churches within the conference at which the individual may be present. The president is at the head of ministers in the conference and counsels in all their activities.)
Ordained minister hiding cih ciangin, service nei khin, ordained piaktheih dongaa nasepna minhoih nei hiding hi. Penglam galkapte pawl hilo ding hi. Soulwinning nei hiding hi. Pawlpi keem minhoih ngahte sung pan hiding hi. Tunglampan pan kipahtawite hilo-in members te pahtak khalam nuntak siangtho hiding hi.
( A president has access to all the churches, their service and business meetings, and may preside over any of the meetings of the churches when it is deemed neccessary. Although the president cannot set aside any of the duly elected officer of the church, they are bound to recognize this individual as the superior officer in the conference.)
Mipi or Churches pan aa kiteel delegate kusale teelsa officer khat pen President power tawh phiat theilo nawlkhin theilo hi. Chairman in ama thutawh kusale khensatsa kheel theilo, tangnial mawk theilo hi. Policy tawh guide thei bek ding hi.
The Conference Secretary-Treasurer.
(The Conference Secratery-Treasurer is responsible for keeping the business records of the conference and for receiving and disbursing conference Fund in harmony with conference policy or committee action.)
President simloh secratary-treasurer te in Admin power neilo uh hi. Executive Committee agenda kaikhawm, khensatna record bawl, action kila khempeuh hawmkhia nasep ahi hi. Pawlpi nasep khempeuh ciamtehin keem ding hi. thuzaksak tuakte zasak, kaihkhop tuakte kaikhawm ding hi. President thupiak omlo-in ama thu tawh mikaikhawm, meeting tu cihkhawng hihtheilo hi. President authorization omlo-in Admin power mawkzat theilo hi.
The Executive Committee
( The Executive Committee is composed of from five to nine members and is elected at it regular session of the conference. The president is a member of committee and is it chair. The ministries and laity of the conference are also represented on the committee.)
Union Executive committee sungah President leh local conference president president teng leh laity kiteel teng ahi hi. Union sacratary-treasurer sangin Local conference presidentte golzaw hi. Local conference president te pen direct in Union executive member hipah hi. Ei Kawlgam ah Union min pua peuhleh Section President khawng nangawn a utut-in peimawk uh hi.
Departments
( The conference fosters various lines of denominational work among the churches through department, at the head of which are directors or vice presidents, elected to their office at the session of the conference and working under direction of the conference committee.)
( These directors donot have administrative authority; their relation to the field is advisory on matters that effects their own departments, unless otherwise requeted by the conference president. While departmental directors are under the direction of the president and the executive committee..)
Sanggam ten policy theician taktak hileh tu-a a laigelhgelhte uh, pawlpi member tunga agamtatna asep giapgiapte uh hihngam lo ding uh hi. Union sawl ahi phial zongin, union in amau dah-saa-khaan aa sawl ahihlam theileh seemngam hetlo ding hi. Conference sungah muhdahte bawlsia thei ding POWER NEI om theilo hi. Tua power a pia thei ding zong omlo hi. Tua bangmi a omleh zong service pan khawlsak pah ding ahi hi.
Session.
( A conference meet in two or four years , with delegate from various churches represented. Such a session elects officers and conference executive committee .... )
(Hears reports on the work in the conference during the term then closing from the president , secratery-treasurer, and head of conference directors; appoints the standing committee for session. )
( Report s are presented to the delegates, from the officers and departmentles secrateries on the work in their charge. )
Session hun ciangin union officer leh department director te in amau let ciat uh khantohna leh kiamsukna report pia ciat uh hi. Nasep tavuan zolote kiteel sungin kingaihsun pah hi. Delegate te in business report khempeuh bilpil takin ngai ding kisam hi. Kua in pawlpi nasep mainawtpih zo hiam thei ding hi.
( Delegates to the conference session are elected by the churches on the basis of one delegatefor each church and editional delegate for specified number of church members, as provided by the constitution. )
( Delegates are represent not only their church but entire conference; ) A kiteel delegate te pen Conference buppi represent pah uh ahihmanin , Conference sung business vaihawmna khempeuh kuppi-in mepia uh hi.
Conference System tawh din pen ahoihpen hi, ci-in Mrs White inzong thukim pih hi. Hibang lianin kiseem leh Pawlpi sungah CORRUPTION tawmzaw hi. Buaina tawlngalo ding ahihhangin policy puapaih a ki-ukna, leh kizawhthawhnate om theilo hi. Lungkimlohna pen mimal bekah om ahihmanin buaina gollua cih tamlo hi. Local church pen local conference leh union conference bulpi ahi hi. Local conference leh Union conferenc leh Division leh GC pen Churh hilo hi. Churches te kipawlna Administration kikoihtoto hibek hi.( Khuakhoihte in Conference system hoihna tampi mithei pahin um ingh.)
(SDA Encycloeidia. B.C.Vol-10 pgg 404-405) Details message ennuamte aadingin.
Pr Thang Siangh. zogampalpi@yahoo.com
---
I. GC dong ah bangzah ciang kisem khin:
1) May 27, 2003 kum iin "Regarding Upper Myanmar Conference and Conference Planning Committee" cih thulu tawh Sia Mungno in lai saupi geel iin Sia Kap Pau tawh a review khit uh ciang iin Do Kap Pau, Gin Sian Mung, Pau Za Khan, Thang Lam Tung Pau leh Thang Siangh te in signed uh aa leitung bup mun tuamtuam aa om SDA pawlpi a it pawlpi mi 45 vaal teng in zongh lungkim pih iin hong support na uh tawh a min uh guang uh aa General Conference, Division, leh Union makai te leh Conference Planning Committee te kiang ah kihawm khia hi.
2) Sia Kap Pau in Kawlgam sung buaina leh Conference vai ah General Conference Vice President Ted Wilson telephone tawh hopih khin hi.
3) Sia Kap Pau’ hopih khit ciang iin Sia Mungno in zongh March 4, 2004 iin email tawh Ted Wilson kiang ah email khak khin hi. Tua ban ah Division President Alberto Gulfan tawh zongh tamvei pi kizopna nei hi.
4) Conference Planning Committee in March 15, 2004 iin General Conference of Seventh-day Adventist office ah "Presentation on regarding the Aspirations of believers for Conference and the Crisis of Adventist Administration of Myanmar" cih thulu tawh lai khak khin hi.
5) U Daltawng in September 9, 2005 ni iin Division President Alberto Gulfan kiang ah "To Form a Commission to Help Solve the Crisis in Myanmar Union Mission/Upper Myanmar Mission of Seventh-day Adventists" cih thulu tawh lai khak hi.
6) Pu Sangchia in August 9, 2006 iin Robert Folkenberg, Former GC President kiang ah "Letter to RS Folkenberg" cih thulu tawh mission sung aa conference deihna hang aa buaina thu zasak hi.
7) Sia Kham Khen in January 20, 2008 ni iin "Please see the truth" thulu tawh Albert Gulfan, Division President kiang ah pawl sung buaina thu zasak hi.
8) Pu Sangchia in General Conference President pa kiang ah "To send team members to study and unite the divided SDA members in Upper Myanmar Union of SDA as early as possible" cih thulu tawh Kawlgam sung aa conference leh mission sung thu zasak iin Division President Alberto Gulfan, GC Vice President L.C. Cooper leh Ted Wilson te ban ah midang tampi zongh copy pia hi. Hih peen February 3, 2008 ni iin "letter to GC" ci iin Pu Sangchia in Mungno kiang ah khak sawn hi.
9) Pu Sangchia in May 9, 2008 ni iin "Confidential" cih thulu tawh Division President Elder Gulfan kiang ah negotiation vai ding lai khak hi.
10) Pa Kai Lun Mang in zongh Logo vai aa pawl sung buaina tawh kisai iin tu kum sung iin Union, Division, leh GC dong ah khat vei lai gelh khin hi.
Hih a tung aa teng ban ah a dangdang lai a kigelh tampi om laai hi. Tua hi aa General Conference leh Division te in ih buaina thu a thei lo hi het lo uh hi. A hong vaan lo leh a hong vaan nuam lo aa hong koihdaph zongh hi lo uh hi.
II. Kilamdanna om lo:
February 18, 2010 ni aa Sia Siangh in “Conference legally in kidingleh, Union, Division,GC te tawh ki-akgual khen ding hilo” ci aa a gen mah bang iin tu aa Mission, Union, Division, leh GC te tawh ih ki aakgual khenna peen lampi maanlo (illegal means) tawh tu maa kum 8 laai pawl akipan illegal Conference ih laak man bek bek hi zen mawk hi. Illegal kalsuanna pan ih lungsim ih kheel nop masiah, kalsuan zia maan a deih iin kigen na pi hang illegal aa ih sepna te kikheel ni ci lo iin Working Policy leh Church Manual dung zui iin sepna a om ciang iin “According to the big book” ci in ih huat laai teng, Division leh General Conference makai te in Policy leh Church Manual bang aa a hong makaih bangbang iin zui ni ih cih masiah kilamdan om ngei lo ding hi. Ih hanciam loh man hi lo iin illegal aa Myanmar Conference te in ih kalsuana pan ih kikheel masiah General Conference leh Division te in illegal pipi legal hong ci thei ngiat lo uh ahihmanin tu ni ciang dong "tui sung aa kampau" bang bek ih suak hi. Kum 8 bang cing ta phial aa tu dong Conference ih ngah theih nai lo peen lamdang sak ding hi lo hi. Hi bang tawh kingah ngei ngiat lo ding hi. A lamdang peen peen ah ih sepzia maan lo cih thei pipi ih kikheel nop loh leh SDA pawlpi ka it hi cinapi aa leitung bup SDA pawlpi makaihna ih zuih nop ngiat loh pi mah maan ih kisak teiiteii peen ke’n lamdangsa mahmah ingh. A diakdiak iin Pastor bang hi ngei keei, SDA pawlpi sung ah makai bang sem ngei keei na pi a khial pipi mah sep zom suak ding a geel teitei te mahmah a bang ci pastor leh pawlpi it hi thei mawk ding hiam cih mah lamdang sa iin ngaihsut hak sa ingh.
III. Bang ci zoptoh lengg hoih ding:
Tu ni dong ih pawlpi sung leh Zomi SDA te hong saatzaan peen ih kalsuan khialhman linlian ahihmanin thumaan lampi (legal mean) tawh kalsuan nopna lungsim Zomi SDA te sung ah Topa in hong guat kik mengmeng ding ka thungetna hi. Hih ih Conference leh logo vai te ah “a piang dingteng lah piangkhin ta-in ih maban dingin bangci vai hawm in bangci zoptoh leng hoih na sa-a? (Daniel Mung, February 12, 2010) cih tawh kisai iin Pasian’ pawlpi mi ahi SDA pawlpi mi diktak tak te ading iin (a) logo peen a zangh thei lo ding te in ih zat loh pah lian ding leh (b) illegal Conference ih laak teiiteii na pan General Conference leh Division makai pi te ii lamlahna dung zui iin tu mahmah aa khawl pah lian ding mah hoih sa peen ingh. “GC tawh kizop theih nang lampi a om mateng lungduaitak leh lungsim siangtakin i ngak ding” (Thang Siangh, February 26, 2010) hi ci aa kikhem teitei na te um nawn kei iin lammaan zui nuam tek hi le hangh SDA pawlpi a it takpi te sung ah kitelkhialhna neng nono, thu neu thupi ih suaksak teng khempeuh suum leh ziing meei bang iin hong theng hanhan ding hi.
“Israel mi khempeuh a ki thah ding laitak in, Esther kumpi nu' hangin lampi hong om mah bang in, tu ni in ei Conference deih Zomi te' a ding in zong Esther ding khat ki sam mahmah hi. Tua lo in bel a ngaihsut hak mah2 thu khat hi mah hi.” (Khaimok, March 11, 2010) cih tawh kisai iin:
(a) Pasian teeltuam minam leh Pasian pawlpi mi ahi Israel mi te khempeuh peen Gentile mi ahi Haman in thatlumh gai iin vaatmaai mang ding a geel ahi hi. Tu aa ih 2000 khit zawh aa pawl sung buaina peen lungsim maan tawh Conference deihna hang hi lo hi. Gentile te leh pawlpi dang te hong bawlsiatna hang zongh hi iin SDA pawlpi sung ah vangg, za, panmuh, septheihna, ukna leh liatna kituhna pan Conference min, mimal leh minam kimuh khialhna te a kipaulap tawmtawm bek ahi hi.
(b) Mordecai in Esther kiang, Esther in Ahasuerus kumpi pa kiang ah Haman suksiat nopna pan suahtak na ding a nget mah bang iin Division leh General Conference makai te kiang dong ah mission te leh Conference te in thu le la zasak iin pawlpi sung thu hoih taka a hong vaan sak ding uh kithum iin kingen khin zo hi.
(c) Israel mi bup ki pum khat iin Pasian kiang ah deihna takpi tawh thahna pan suahtakna ding antang iin thu a nget uh mah bang iin Mission a kici te hi ta leh Conference a kici te hi taleh in pawlpi sung thubuai pan Topa’ deihna bang a hong pian nading ih omna mun, gam, inn, leh lo tek pan Pasian kiang ah antang iin thu ngen iin khitui naptui tawh Topa’ tung ah a tau den mi tampi om hi.
(d) Gambup a ukh Ahasuerus kumpi pa’ sawlna bang iin Israel te gam ta uh ahihmanin gualzawhna Topa in na pia hi. E’n ee leh, Topa in gualzawhna a hong piak theihna ding iin SDA Pawlpi bup a makaih, General Conference leh Division te ii hong vai khak bang iin ei ih gam ta hiam?
(e) Pasian in a teltuam Israel te ii khialhna om lo ahihmanin Mordecai, Esther, leh Israel mi bup ii thungetna saang ahihmanin “thal lam cilsiat” bang iin langpang pa Haman leh a innkuan pih teng tung ah tung leh bung hi. Tu aa ih buaina tawh kisai iin “Topa Pasian aw, na pawlpi makai General Conference of Seventh-day Adventists leh Division te ii hong sawl bang, SDA Working Policy leh Church Manual tawh kituak iin gamta kahihmanun hih buaina pan hong suak ta sak in” ci iin kisuang taak lo iin kua teng in Topa’ Pasian mai ah thu ih ngen ngam diam? Or “Leitung bup SDA pawlpi makai GC leh Division te in ko cih bangbang a hong man theihna ding uh pilna ciimna hong piak sak in” cih lam iin ngen zaw ihiam? Gentehna iin ih zath lo pi ding logo khawng zangh iin thusia a tawtaw peuh ih hi zaw kha dia? Ih pawlpi ngeina tawh kizawitawn iin khialhna om het lo iin kalsuan lengg ih deih ih nget te Topa’n hong geel pih ding hi. Ih sepdan a khial pipi bel Pasian in zongh hong bang cih panpih mawk ding?
SDA pawlpi sung buaina ah SDA ngeina leh ki ukna dung zui iin ei deihdan iin a hong pian loh ciang iin SDA pawlpi sung thu hinapi Division leh General Conference makai te thu mang lo (nial) teiiteii iin pawlpi dang te ii Registration peen gaal daal leh kulhpi iin nei zawsop iin SDA pawlpi ih lang pan mawk peen khialhna lian peen khat a hi hi. Saul in Samuel tungtawn aa Pasian lamlahna thu mang lo iin Endo khua aa dawi lawm nei (vankah thei) nupi nu kiang bell zaw iin Samuel a kineih dawi’ tawh a va kizoph zawk ih bat khak loh ding ei Zomi SDA pawlpi mi khempeuh ading in kong deihsak peen ahi hi.
Itna leh deihsakna takpi tawh,
Mungno Gualnam
Riverside, California
