VialCian Cialpi

---
Dear Khazih sung a sanggam teng

Dam in lai tawm tawh thu zaksak na kong nei hi.
March 18 - 21 , 2010 hun sung teng Vialcian & Teekzang ah
A ( 6 ) vei na MUC pawipi leh a ( 3 ) vei na Tonzang Circle pawi tung hi.
Khua 17 pan ki pai hi.
Zin 430 ki pha hi.
Mandat pen 100' x 50' in ki lam hi. Buhtu ki phah in Buhtu mah tawh a kim teng ki um hi.
Mandat tuipuan ki khuh hi.

MUC makaipi te' zongh Thongpan in pawi lap ding in Pasian in ong vai hawm sak in ong ki hel thei a hih man in genzawh loh nuam na om hi.
22/3/2010 a tuak ding pen 12/3/2010 in, ong tuak hi. lamdang hi.
Thong sung gamtat zia zongh ong gen uh teh, Pasian thugen thei uh a hih man in i dah hang in khalam tha ki ngah mahmah hi.
Nitak sim leh Sunday ni sim in thongsung ah Pasian thu gen thei, upna thu gen thei uh a hih man in lung dam huai ong hi zaw....

Gamdang pan Pawlpi mi a vei, Pasian sung ah a kip ding a deih pawlkhat in An leh tui ong vak sak hi.
Huh na ong pia teng zongh Lungdam na laipi ki pia hi.
Music van khempeuh Sakollam Adventist Church pan ki pua in, Sakollam Tuiphum te' Drum ki kawm in thupi sak tuam mahmah hi.

Mimal 7 tui ong ki phum hi. Pa Zam , Zalun pu in tui ki phum thak teng Pr. Pau Lek laibu bawl thak ( Paradise zuatna ) bu khat tek ong piak sak hi.
Gamlai lei nuai ah Sabbath sun in tui phum na ki nei hi.

Ki sil hun, Tuipeh hun zongh ki pia a hih man in ki nosuah tuam mahmah hi.


Thu bulphuh pen II John 1 : 8 ".... Na kip na ding in ki kem un..." cih hi.
2010 First Quater Sabbath School Lesson Kamngah teng kidem na ki nei hi.
Mi mal 15 ki dem in a khat na pen Kum 7 a pha Lia, Cing Nun Nem in ngah hi. Khat zongh khia lo hi. Pr. Suan Tuan Pau ta nu hi. Sakollam pan hi.
La ki dem na ah Lia, Dim Go Lun @ Lunbawi in Letsong ding Belkang Khap 10,9,8 ong pia in
A khat na Anlangh in ngah hi, A nih na Tonzang, A thum na Sakollam in ngah hi.

Thite tampia pen pawlpi a thum na ciang pah tawi na lai ki pia hi.
Thite tampia mimal a khat na pan a thum na ciang pahtawi na lai pi kipia hi.

Dawi mang pa kiang pan kip tak a i kikep theih na ding in i Siapi te'n Hanthot na ong nei in tha ki ngah mahmah hi.
Dorcas hun ah Sia Dal zi, Sia Khen zi te' leh Nupi pawl khat in hanthawt na leh Tetti pan na ong nei in kha tha ki ngah mahmah hi.
Dot na leh Dawn na zongh ki nei in Chairman Elder Pa Sian Cin Zam in ong neih sak in, Pr. Nangno, Sia Khen,Sia Dal te'n ong dawng in ki lungkim mahmah hi.

Hih pawisung a gamtat na khempeuh i et theihna ding in Pa, Pau Khaw Lian @ Neu in a bei teng ong sik hi.
Gam sung gampua a om te'n i et nop leh ong vai khak un.

Hih bang in Pawlpi mite vei in pawi pian zawh na ding Thunget na, leh Sum leh pai tawh ong pan pih khempeuh tung ah i biak Pasian in thupha ong pia tek ta hen.

TOPA HOIH NA TE A THAK IN KI MU TEK HI.

Thu za sak
Sia Gen Mung
SAS Principal
Tedim