Zomi SDA Conference Ki Ngah Thei

CONFERENCE IH KEPCINGNOP TAKTAK LEH.

C pen Pasian Lungdamnathu tawh a kinahvawh laiteng, Pasian ompihna tatsat loding hi, ci-in ka-um hi. Makaipi nihte thongsung a kikhummanin amau leh a Pawlpi a keem Khasiangtho khumcipzo-in ka-um kei hi. Hih Conference kipawlna pen mithahaatte tungah kinga-kip zolo ding hi. Sum leh pai kicinna tungah zong kipin ka-um kei. Mipil-misiamten zong lenkip zo-in ka-um kei hi. Tuhun ahi a, hong pailai ding hun ahizongin, makaite leh Conference alunggulh member khempeuh in, " [Not by might, nor by power, but by my Spirit ]" "Thagum hang hilo, vangletna hang hilo, ka kha hang bekTawh"Jechariah 4:6 cih, Pasian kammal a kepsiam laiteng Conference thakiam ngeilo ding hi.

Sia Do Za Thang in, " Mission pen Saipi tawh kibang a, C te pen Zusa bang hi," acihmah bangin, ei tha pen mission tawh tehkak theih ding hilo hi. Saipi in zusano khat tuni dong a do pen zo nailo ahihmanin, Pasian in hong nusia lo hi, cih phawk leng patauh nang omlo hi.

GC in pawlpi honggawmnop taktakleh,
Union in khalam a puahnop taktak leh, SDA administration policy sepngei bangin, member te buaipih workers/ teng discipline pia-in termination hih ding uh hi. Tua khit ciangin SDA policy bangin, a tungpan aa kiteel ahilo, local members teel delegate repretative system tawh kitelna hong bawl ding hi. Tua sungah Conference leh mission deilo-in delegate population zui-in kila ding hi. Fair and Balance takin mission or Conference leader kiteel ding hi. Local Conference pan union ah Share piaktuak kipia ding a, kizop ding ahoihpen ahi hi. Tua pen Union tawh kizopkikna lampi hoihpen a septheih uh ahi hi.

Hoilo-in kipaizo ta ding.
Tu inzong kum-20 sung lutta a, Zusano nungtata lai hi. Tumahmahin Conference legal declare hong hih lehzong tu-a dinmun sangin haksa zaw kanlo ding ahi hi. Tithe Sharing union in ngah zawsop ding uh hi. Conference te lah hoi tuanlo ding hi. Union in dingzo loding uh hi, acihpen hehpihna hilo hi. Kum-20 dektak mission appropriation lotawh kiding hi. Pakta lo-in heh uh hi.

Benefit tuamtuam
Conference legally in kidingleh, Union, Division,GC te tawh ki-akgual khen ding hilo hi. GC tawh kizopna tampi om hi. Thirteen Sabbath overflow a huntun simin hong pia ding uh hi. Evangelistic Fund ahunhunin hong hawm ding uh hi. Tithe tawh kisailo GC huhna Fund tampi om hi. ADRA Fund a tuamin hong pai ding hi. Kiteelpi simin Project plan athak nei tawntung uh hi. Kikhoppi thulu tawh kituakin na kiseem hi. Tua aadingin Fund a tuam omzel hi. GC delegate khat kipaisak den ding ahihmanin, Union in, hunluilai bangin hong khaktan theilo ding hi.

Local Church power
Kikhop simin Local Conference in GC ah direct representative nei hi. Conference ki-ukna sungah, Home-church or local Church te in amau pastor ding adeih teel thei ziauziau uh hi. Bible College pan sangtuakte bang Local Conference zumah vacancy omkei-in Local Church in sam keileh nasep dang azon kul hi. Tua ahih ciangin Pastor te pen pawlpi member te tungah dikmahmahin tuisiksaat bang hi. Siate kiniamkhiatna munah pawlpi nuamin khatawh kidim hi. Conference Churches ciangciang pen nuammahmah lel pah hi. Khalam hoihtakin kilamto thei hi. Siate in power mulpractice azat laiteng khalam nuntak hinsuahzo ngeilo hi.

Union deihsakna lamet omlo
Makai hoih makai siampen inei phial zongin, sumpi zatzawhloh dong inei zongin, thuman lampi tawh hih Union tungtawnin Conference Status tawh hong koihlo ding hi. Koihnuam hileh hizah kibuailo ding ahi hi. Union buppi Conference a dinlohin Upper Myanmar guak hong dingsak lo ding, lampimaan acihcih pen piaknopman hilel hi. Tu-in zong, ngap nahih uleh Conference Status tawh ding unleh, kigawm ni cileh, anial dingin Pasian hong kumsukin ka um kei hi. Policy in zong zadahin kitom lo ding hi. Akhaktan pen policy hilo hi. Policy len te lungtang puak hizaw hi.

Conference ih it taktak leh vaikhat peuh kitelna omlo-in mission tawh naseemkhawm selo ding. Compromise hihlo ding. Naupangte a tuamin Conference policy theihzahzah muamin pantah ding. Mission lam naseemte lah ello, nawngkaisak lo ding . Mission ten zong C lam sawksawk selo ding. GC leh Union in C status tawh uncoditionally aa hong welcome mateng bittakin om ding kul ding hi.


Pr Thang Siangh. zogampalpi@yahoo.com