Kap leh laisim Zomi a kua ma ciat:
Dear Kap,
Nung sung teng ka manlah luat manin ih thu kikup zomh pah manlo kahihmanin tu’n a hong thuk thei pan suak ingh. Nong tel siam ding lamen ingh. Nong gen suk diudeu thu te kikum pah ni.
1. "logo"vaitawh ong mawhkawk theih na uh thupen,hih te ongkipat cil lai a kipan, a ngimna a omsa khat a hihi.Bang hang hiam cihleh C a kidin ding ciang in tampi kikupna om a,a hih hang in tualai in ki khen khia nailo hi.C te tuamom nuamthu a ki theih ciang in UNION pan in section,local ah a meng (decree) ong khah khia uh a,tua sung ah,pawl pi sung sumpi khialo te leh,hih C vai a makai te pawlpi pan in ni 90 sung a ki sikna a omkei leh a mauleha mau a lulu tawh a ki hawlkhia ding hi cih lai ongki hawm hi.Tua ciang in section metting pan in C lam amakai ding a a upmawh uh,mi pawl khat EC meeting vote tawh pawlpi pan ong hawl khia in a meng (decree) ong thoh leuleu uh hi.Tua khit a kipan in C lam a deih peuh mah biak inn ah pawlpi mi in ki ciamteh lo in ki khawm maimai in ong kibawl a,ko tonzang bang tua munpan a buai na ong kipan hi a,hihpen i pawl pi manuel ah mihon disband piak theih na ding power pen UNION leh section ah power a ki pia mah a hi tam?Ipawl pi tawnzia mah a hitam? cih nong dot thu tawh kisai iin “C te tuamom nuamthu a ki theih ciang in” ci Conference pen tuam om nop himhim peen ei SDA pawlpi ngeina hi lo iin Conference a deih makai te ii a khialhna masa peenpeen ahi hi. Conference ih deih aa hong kipiak kei leh ei leh ei aa ding ding cih peuhmah policy ah om lo hi. Division President Pr. Albert Gulfan tawh ka lai kikhak te uh sung ah a thu a kicing in om ahihmanin ama hong gen bang lian iin hong khak ingh.
Pr. Albert Gulfan to Mungno, September 28, 2005 RE: To solve the problem of Mission/Conference misunderstanding cih thu lu tawh ka lai khak a hong thuhna ah “Conference a deih a kici te in MYUM leh UMM makai te ii policy zuih loh genbel iin nei uh hi. Ahizongh’n policy tawh a kituak vet lo iin Conference min paulam iin pawl tuam a phuat uh peen saang nuam lo uh hi. Pawlpi mi te pawl sung pan zau hawl khiat ding cih peen hi sa lo hi’ng. Ahihhangin GC leh Division ii phalna om lo pi aa amau tung aa om kipawlna saang nuam lo iin pawl tuam phut cih peen policy palsatna dang khat hi aa hi bang peen Church Manual in thumanlohna (insubordination) iin seh hi. Hi bang thumanlohna peen policy tungtawn iin khalna piak theih hi.” “—amau kiang ah ih kipawlna pawlpi maan hong zom kik un ci aa a ki thuumthuum peen hong nial teitei uh ahihmanin ka cih theih nading uh om nawn lo aa pawlpi pan paihkhiatna kinei aa Seventh-Day Adventist kipawlna ah a kihel nawn lo ta ahi hi. Hih peen ka deih het loh, naa kasak mahmah ahihhangin ih pawlpi a kinawngkai sak ding phal thei lo hi hangh.” ci hi. Hih peen ih pawlpi kalsuan zia hi.
“The conference advocates keep on repeating about the MYUM and UMM leadership not following the provisions of the policy. But they refuse to admit the fact that their organizing themselves into a separate organization under the guise of a Conference is neither in accordance to policy.” “I do not agree with disfellowshipping church members indiscriminately. But refusal to recognize duly recognized authority by the higher organization and establishing another organization without sanction of the Division and the GC is another violation of the policy and the Church Manual and is considered insubordination. Insubordination according to policy is a ground for discipline.” “----plead with them to join the truly recognized one and they continue to refuse to do that, we cannot help but declare them disbanded and declare them as not belonging to the Seventh-day Adventist organization. That is very painful to me, but we cannot allow the church to be intimidated.”
2. “Logo tawh ong mat theih na pen hibang a, a mau in decree a piak a kipan a,C tepen SDA a hilo a ciam teh uh in tua hang a logo ong sut cih na tawh thu ong khia thei hi uh hi.C te ii lungsim leuleu pen,ko SDA upnapan pial lo in,C tawnzia deih hi ung cih na tawh a ki ding khia mah na hihi.Hih pen na genbang mah in khawlpak lo ding leh ki nung kiklo kha zaw ding hi.Tham lo hihbang a buai napen leitung bup gamtam pi ah na tam mahmah a hihmanin kawlgam a bek veng thei tuanlo ding hi.GC pan in zong gamdang a buai te zong enkhol lo a hihban ah,kawlgam ong pai uh hang in,M lamte tawh ki mu lel in C lamte tawh ki mu lo a hihman, i bang cih buai na bei thei mah ding hiam?Kumpi hoih gam ah mipi in lung phona a neih leh paliman ten mipi a ding a hoih theipen in na naksep mahmah uh a,mipi a lungkim na ding lampi zong in khan tohna ding vai hawm uh hi.Ei pasian paliman ten mipi lungpho na a omleh gawl mek pahpah cih pen Pasian deih na tawh a ki tuak tam?”
Kap aw, Conference te ii “lungsim leuleu pen,ko SDA upnapan pial lo in,C tawnzia deih hi ung cih na tawh a ki ding khia mah na hihi.” ci aa na gen peen kei zongh telsiam mahmah ingh. Conference a deih te lak ah SDA pawlpi pan pusuak iin pawl tuam phut ni a ci hi peuhmah lo cih peen ka thei hi. Kei zongh nang zah mah iin Conference a deih peenpeen khat ka hi hi. 1987 kum aa Conference ngetna ah zongh kihel iin ngetna lai a khen khia tektek peen Dr. Dallian leh kei mah ka hi hi. Ahizongh’n leitung ah kipawl na khat ciatciat ah bylaw, manual, policy, cih te om aa tua te ih palsat ciang iin buaina piiang hi. Ih palsatna pan ih kihei kik ciang iin buaina veng hi. Kihei kik nuam lo iin mai ih nawt teitei ciang in buaina pung semsem hi. Conference deih te kihawl khia ding hi leh kei zongh hong kihawl khia khin ding hi. Tu dong hong kihawl khia nai lo hi. Southeastern California Conference ah ih pawlpi te leh ih sang te ah sum leh paai lam hi ta leh kalsuan zia te Working Policy tawh kituak maw kituak lo (policy compliance) cih ni sim iin a sem den ka hi hi. Pa Thuk Kim te, Pa Cin Ngaih Mung te zongh Conference deih mahmah uh ahihhangin Union leh Division pan lampi maan kalsuan zia ding a kigen ciang iin tu aa ih Conference ii kalsuan zia peen SDA pawlpi ii Working Policy tawh kituak lo ahihmanin khawl kik uh aa ih pawlpi pan ki disfellowship lo hi. Conference deih man iin kua mah ih pawlpi pan kihem khia ngei lo aa Working Policy zuih ding ki hanthawnthawn ta leh a mang nuam lo teitei te bel kihem khia thei hi.
Kap aw, “Ei pasian paliman ten mipi lungpho na a omleh gawl mek pahpah cih pen Pasian deih na tawh a ki tuak tam?”cih dotna tawh kisai iin tu’n Conference deih uh cih a kigen ciang iin Conference huat man tawh a mawk hawl khiat pah dan iin ken mu lo hi’ng. 2002 pan 2005 dong kum 3 or 4 sung bang kipum khat theih ding ut iin kihanciam mahmah aa thu leh la a tuamtuam hang iin piiang thei ngiat lo ahihmanin 2005 ciang aa Division leh Union ii makaihna tawh khentatna a kibawl ahi hi. Tua sepna te ah kei kihel kha lo kahihmanin a neng a tawng iin tel lo hi’ng. Ahihhangin pawlpi mi peuhmah SDA pawlpi pan kipai khia nuam ngei lo hi. Division, Union, leh Mission in piiang thei nawn sa lo uh ahihman aa a sep uh hi ding hi. Pr. Gulfan in“Hih peen ka deih het loh, naa kasak mahmah ahihhangin ih pawlpi a kinawngkai sak ding phal thei lo hi hangh.” a cih ngiat mah bang iin pawlpi mi hi zah kihem khia cih peen a dah lo khat zong om lo ding hi. Pawlpi mi te deihna lungphona (pulaakna) hang iin gawl mek pahpah hi leh bel Pasian in deih iin ka um kei hi. Thu khat ah leitung bup ih pawlpi kipawlna ngeina bang iin kum 3 or 4 bang kipawl kik theih nading ngakngak aa a pian theih loh ciang aa Division makaihna tawh a kisem peen ka mawh sak luat nading mu kei mai ingh. Division President pa ngiat Kawlpi ah hong pai ban aa hong vaan den napi kum 3 or 4 sung dong aa kilemna a deih tuan lo, working policy palsat aa a pial teitei te Pasian in a lungkim pih ding peen seh hak ka sa mahmah hi. Conference te in “SDA upna pan pial lo iin C tawnzia deih hi ung cih na tawh” ahih tei hang iin Conference ii kalsuan zia ah ih ut leh Mission ih ut leh Conference tawnzia ci aa ei ut bangbang aa kimawk hei theih hi lo aa kalsuan zia (steps and procedures) zuih ding leh a ngah thei ding (eligible) ihih kisam hi. Tu’n ih kammal te ah “back gear nei lo”, “Conference ah kigawm ding leh thu khat Mission ah ciah kik ngei lo ding” cih mawk peen nang mahmah zongh Division makai ulian ding iin kiseh le cin Conference ngah maa nangawn iin Union leh Division makai te thu mang kei leh ngah khin le uh tung siah thu mang ding iin na um diam? Tua bang thumang lo te Conference na pia ngam diam? Division te’n zongh a bang pau lam iin pia ngam mawk ding hiam?
3. Ih Tonzang pawlpi sung aa na buaina taktak uh peen ken tel lian lo hi’ng. Bangbang ahizongh’n a tom iin gen lengg Conference ih deih theih peen teina khat hi. Conference ih ngah nop peen khan tohna khat hi. Union leh Division in a hong piak mateng lungduai tak aa Pasian tate zia leh tong tatak bang aa ih ngak ding peen ciimna hi aa tua ciimna nei lo kha ihihmanin buaina hong tung ahi hi. Conference ih ngah theih nading a dawldawl te ih picin dong ngak hi lengh tu ni tu hun iin ih Tonzang SDA pawlpi sung ah ki itna dim iin khangto mahmah ding aa buaina a cih om lo ding hi. Working policy zui nuam lo iin ei cih bek ih cih man iin a ki it mahmah ding Zomi SDA laizom teng kimuh khialhna a hong tun peen khasiat huai mahmah hi.
4. “Hihbuai napen khat lam ah lutkik cihbnag leh khat lam pum mawhkawk tawh kilem na omlo kha zaw in mu ing,” na cih thu tawh kisai iin tu aa ih conference gengen peen GC, Division, leh Union pan ih ngah hi lo ahihmanin SDA pawlpi taktak ihih leh leitung bup SDA pawlpi tawh akizom pawlpi leh kipawlna ah ih lut kik ding kisam hi. Tua bang aa pawlpi ngeina zuih nop masiah kilemna om lo ding hi. SDA pawlpi a it takpi te ading in a haksatna khat zongh ka mu kei hi. Tua bang khit ciang iin SDA Conference maan ngah zo ding iin Topa’n thupha a hong piakna tawh kizui iin SDA Conference maan ih nget ih laak ding peen SDA pawlpi mi taktak te ii kalsuan zia ding ahi hi.
Pr. Albert Gulfan tawh ka lai kikhat te uh tawm hong khak sawn ning.
Albert/Mungno October 3, 2005, 11:15:15 a.m. “If the people leading the conference movement are really honest and sincere, then they should come back.” “Conference a makaih te in a cihtakpi uh ahih leh hong kihei kik uh hen.”
Albert/Mungno, October 3, 2005, 11:33:41 a.m. “As leaders of the Division, our desire is that all our organizations will reach the Conference status, both the Unions and the local fields. If our unions and local missions/sections/field become conferences – in the true sense of the word-, that would be very good ---” “Division makai te ii ka deihna uh ah ih Union te leh mission te (local fields) in Conference dinmun a hong bat (tun) ding uh ka lunggulh uh hi. A khiatna maan/dik tak bang iin ih Union te leh ih mission/section/field/ te conference maan suak zo ciat uh hi leh nak lungdam huai mahmah ding hi.
Maymyo aa session a kineih maa aa Division President Pr. Gulfan kiang aa mission a ci pawl leh conference a ci pawlpi sim pan delegate hong piak ciat ding ka ngetna tawh kizui aa Division President pa in October 5, 2005 ni aa a hong thuhna lai sung ah “With the Mission’s constituency session, all organized churches are supposed to send delegates to the Mission Session according to the provisions of the operating policy of the Mission. At least one delegate should come from every organized church. Even if there may be some conference movement sympathizers in some organized churches, as long as they have not yet been disbanded, they are entitled to a delegate. I will make sure that this instruction is given clearly to the Pastors so that no one will be left out and be given another opportunity to criticize the leadership. I hope that there are not too many churches that have been disbanded as yet. I would like to believe that this is the case in Upper Myanmar.” “Mission ii session kikhoppi ah Mission ii zat policy dung zui iin a kiphut kipsa pawlpi khempeuh pan delegate te hong puak ding uh hi. A tawm peen iin a kiphut kipsa pawlpi khat sim pan a tawm peen delegate khat a hong pai ding uh ahi hi. Conference te kalsuan zia a lainat pih a kiphut kipsa pawlpi te pan mahmah zongh a kipai khia khinsa (disbanded) ahih kei nak leh delegate khat ngah khuan nei hi. Pawlpi makai te mawhsakna a om behbeh loh nading leh delegate ding khat peuh a ki nusiat khak loh nading iin hoih tak iin ka na pia ding hi. Pawlpi tampi tak a kipai khia nai lo ding iin lamen ingh. Upper Myanmar Mission sung ah hi bang ding iin a ngaihsun ka hi hi.” Kawlgam aa ih mission leh conference tang aa ka nget na hong dawng hi. Kei om kha lo kahihmanin Division President tawh ka kikup bang un Upper Myanmar Mission aa te in sem/bawl uh hiam cih bel ken thei kei ingh.
Seventh-day Adventist Church Manual, Revised 2005, 17th Edition, pp. 212 & 213:
Thu hoih khat ah pawlpi te peen tatkhialhna hang aa thuhilhna ding iin hawl khiat tawm pha mahmah hi. Banghang cih leh pawlpi ii tupna leh masuan in a mangte zong aa gupkhiat ding ahihi. Upna pan pialna thu hang, Church Manual bang aa zuih nop lohna hang, ahih kei leh conference/mission/field ki ukna langdona hang aa buaina lianpi a om leh, paihkhiatna a om loh theihtheih nading in nakpi in hanciamna neih ding a hi hi.
Occasions for expelling churches for disciplinary reasons are fortunately rare, for the mission of the church is to seek and to save. Where serious problems such as apostasy, refusal to operate in harmony with the Church Manual, or rebellion against the conference/mission/field persist, earnest efforts should be made to avert the need for expulsion.
North American Working Policy 2005-2006, laimai 69, B 80 05 Conference te, Mission te, leh Union te Beisakna: Pawlpi ki ukna ah a saang zaw kipawlna in conference, mission, field, union, leh pawlpi honkhat kipawlnate khat peuh ah pawlpi mi a tam zaw te in upna pan pial, or pawlpi thukhunte leh kipawlna zungpi a om bang iin kihual tak aa sep ding a nial aa, langdona a om iin a muh leh tua kipawlna ah a saang zaw kipawlna in a citak pawlpi mi te leh pawlpi min a huut nading sepkhiat ding mawhpuakna nei hi.
North American Working Policy 2005-2006, page 69, B 80 05 Discontinuation of Conferences, Missions, and Unions by Dissolution: If a situation arises where it is determined by the higher organization that the majority of members of a conference, a mission, a field, union, or a union of churches are in apostasy, or that the organization refuses to operate in harmony with denominational policies and constitutional requirements, and is in rebellion, the higher organization has a responsibility to act for the protection of its loyal members, and the good name of the Church.
A telnop ding leh a tom iin Church Manual leh Working Policy ii genna te a nuai aa bang ahi hi:
(a) Church Manual p. 53 ah “conference/mission/field makaipi te leh departmental director te tawh kithuhual iin sem khawm ding”
(b) Church Manual p. 61 ah “Pawlpi sumkempi in siit nei lo iin a vekpi iin tua kha sung aa conference/mission/field sumpi a ngah khempeuh conference/mission/field sumkempi kiang ah puak ding hi. Ngimna tupna khat peuh hang iin pawlpi khat in conference/mission/field sumpi te leitawi, zangh, leh lencip thei lo ding”
(c) North American Working Policy, B 80 05, p. 69: “pawlpi thukhunte leh kipawlna zungpi a om bang iin kihual tak aa sep ding a nial aa, langdona a om iin a muh leh tua kipawlna ah a saang zaw kipawlna in a citak pawlpi mi te leh pawlpi min a huut nading sepkhiat ding mawhpuakna nei hi.” (Theih ding: Laimai leh section number te a kibat loh hang in SSD policy leh NAD policy te a thu kibang hi.)
Tua hi in Kap aw, SDA pawlpi ih cih peen leitung bup kipawlna pawlpi hi aa ei mimal or mi pawl khat or honkhat in ei ii muh leh ngaihsut dan aa kipai ziazua pawlpi hi lo hi. AG te, EBC te, or pawlpi dangdang te dan aa mi tei, mi pil khat peuh in pawlpi a phuan tawm ziauziau ihih lo lam thei pi pi iin mi pawl khat te in pawl dang te eng uh ahihmanin hi ci bang buaina a nei zenzen kha ihi hi. Mi pawl khat te in amau deihna bang a pian loh ciang iin Union, Division, leh GC te dong iin mawh sak pong iin a ma khialhna hum teitei mawk uh hi. Christian dik tak, SDA pawlpi mi dik tak ihih leh “kei cih bek” ci teltal pong lo iin leitung bup ih pawlpi in a na khun dimdiam sa te ih zuih ding mimal ii mawhpuakna a hi hi. Kawlgam, Zogam pan Leitung bup ih pawlpi ii Working Policy ei deih bang aa ih kheel nop mawk leh tangtung ngei lo ding hi.
Hi lai sim SDA pawlpi mi a kua ma peuh in leitung bup SDA pawlpi tawh a kizom kipawlna tawh kizom iin ih pawlpi kikepdan ngeina te zuih ih sawm ciat ding kong hanthawn hi. Tua hi leh ih gengen pawl sung buaina te lum mei bang iin hong theng pah ding hi. Topa’ Khasiangtho in a kua mapeuh hong om pih ciat ta hen.
Itna tawh,
Mungno Gualnam
Riverside, California
From: zomi-adventist-com@googlegroups.com [mailto:zomi-adventist-com@googlegroups.com] On Behalf Of golian kap
Sent: Sunday, February 14, 2010 2:32 AM
To: zomi-adventist-com@googlegroups.com
Subject: Re: {Z.A.C} RE: [ZomiSDA] Sum kidon Vai leh Sia Mungno' Idea
Dear Sia mung no,
Nonglai thuk tuni in na enthei pan ing,lung dam mahmah ing.Hehpih na tawh ong na cimtak kenla ki kum toto ni ci in ong cial nuam phapha lai ing.A hih hang in pawlkhat tebang in i ngaihsut na a kibat loh hang in ki sel ko kei ni mataw.Tua kisel ko na in khantoh na omsak lo zaw in mu zaw mai ing.
Sia aw keituah thuleh keimuh bang tawm ong kum kiknuam ing.Mission lamten "logo"vaitawh ong mawhkawk theih na uh thupen,hih te ongkipat cil lai a kipan, a ngimna a omsa khat a hihi.Bang hang hiam cihleh C a kidin ding ciang in tampi kikupna om a,a hih hang in tualai in ki khen khia nailo hi.C te tuamom nuamthu a ki theih ciang in UNION pan in section,local ah a meng (decree) ong khah khia uh a,tua sung ah,pawl pi sung sumpi khialo te leh,hih C vai a makai te pawlpi pan in ni 90 sung a ki sikna a omkei leh a mauleha mau a lulu tawh a ki hawlkhia ding hi cih lai ongki hawm hi.Tua ciang in section metting pan in C lam amakai ding a a upmawh uh,mi pawl khat EC meeting vote tawh pawlpi pan ong hawl khia in a meng (decree) ong thoh leuleu uh hi.Tua khit a kipan in C lam a deih peuh mah biak inn ah pawlpi mi in ki ciamteh lo in ki khawm maimai in ong kibawl a,ko tonzang bang tua munpan a buai na ong kipan hi a,hihpen i pawl pi manuel ah mihon disband piak theih na ding power pen UNION leh section ah power a ki pia mah a hi tam?Ipawl pi tawnzia mah a hitam?
Logo tawh ong mat theih na pen hibang a, a mau in decree a piak a kipan a,C tepen SDA a hilo a ciam teh uh in tua hang a logo ong sut cih na tawh thu ong khia thei hi uh hi.C te ii lungsim leuleu pen,ko SDA upnapan pial lo in,C tawnzia deih hi ung cih na tawh a ki ding khia mah na hihi.Hih pen na genbang mah in khawlpak lo ding leh ki nung kiklo kha zaw ding hi.Tham lo hihbang a buai napen leitung bup gamtam pi ah na tam mahmah a hihmanin kawlgam a bek veng thei tuanlo ding hi.GC pan in zong gamdang a buai te zong enkhol lo a hihban ah,kawlgam ong pai uh hang in,M lamte tawh ki mu lel in C lamte tawh ki mu lo a hihman, i bang cih buai na bei thei mah ding hiam?Kumpi hoih gam ah mipi in lung phona a neih leh paliman ten mipi a ding a hoih theipen in na naksep mahmah uh a,mipi a lungkim na ding lampi zong in khan tohna ding vai hawm uh hi.Ei pasian paliman ten mipi lungpho na a omleh gawl mek pahpah cih pen Pasian deih na tawh a ki tuak tam?
Tonzang buai na hunlai in keimahmah ka ki hel hi.Mah Yah Kah zum ah thu ki khen sat aa,tonzang pawl pi bial inn ah M& C te ki khawm khawm ding leh hunzang khawm ding van zong ang khawm ding cih khen sat na hi na pi in Sia KKKhual in tua meeting thupulak na tedim pan ong khak kik a,"pawlpi sung ah sum tawh ki zopna neilo te pawlpi pan in a ki disband hi pah,Elder Kp do thang pen Section pan a ki hawl khia sa a hihman in pawl pi mawhpua thei lo ding,"cih khen sat na kinei hi," cihlai ong khah ciang in sia neng khan suan in tua sik san in pawlpi ong gak kik ahihi.Tua in kilem a a piang sak zaw hiam?tua mah bang in hibuai na zong na genmah bang in M lamten zong logo simloh a hek na ding lam pi om lo hi mai hi,C te lah logo a sut hi vetlo lel hi.C te buaina logo hilo a,Conference a deih hi,Mission te buai na pen logo vai hi a,hih makai te gel a sumang nuam uh hi veve hi.
Hihbuai napen khat lam ah lutkik cihbnag leh khat lam pum mawhkawk tawh kilem na omlo kha zaw in mu ing,a lang nih in ki mutuah in Pasian maileh mipi mai ah thu mantak in ki holeng kilem na omkha zaw in mu ing.Hihki lemna aomna ding in,a thusin huai mipil kisam a,mi alng gup lo ipil zong ki sam mahmah in mu ing.A hizong in tuni ciang ciang in eipan na lamtek ki huamtek zaw a hihman in net sung na ngawn ah i ki siat lawh zaw hi.Obama in kilemna noble prize a ngahdan ,a ma ii kilem na zon dan koi bang hi a,bang hang a, mah in hibang ngah thei ai tam?Ei Pasian biate in i et teh theih ding kam mal khat leh ni a o kha tam?Ei te gel i kidem na hi kei in,i mibup a ding a ka gen nop na hi.Ong na telsiam in.Nang lung simtawh a kituak lo kam mal te ong na ngaidam in maw.lung dam mahmah ei.
KHA ZIH SUNG AH NA TA
GO LIAN KAP (tonzang)
MALAYSIA
2010/2/13 Mung No
Dear Kap,
Ih pawlpi ading na muh bangbang iin deihsakna tawh na hanciamna te mu den ingh. Mimal iin ci lengg na pa leh na pa Khen te tawh ka ki it mahmah un hi. Nang nong kihel kha hiam tel lian nawn keng in Sia Ba Hla Thein, Tonzang pawlpi khangno te leh kei tawh Zampi sang inn hon khit ciang aa ih kithuah ngeingai aa Mual Kawi khua khawng aa ih kikhopna cih te khawng ka mitkha iin mu iin tua hun laai ngai kik mahmah ingh.
Nong dotna tawh kisai a tom iin a nuai ah laitui san tawh hong gelh ingh. Laitui san ka zat bel a kilangh ding ka deihman hi in thusia iin na tuat kei in. Sabbath ni nuam tak zangh thei iin Sabbath ni thupha nang leh na innkuan tung ah hong tung ta hen.
Hong it, Sia Mungno
Date: Fri, 12 Feb 2010 18:07:50 +0800
Subject: Re: {Z.A.C} RE: [ZomiSDA] Sum kidon Vai leh Sia Mungno' Idea
From: goliankap@gmail.com
To: zomi-adventist-com@googlegroups.com
Dear Sia Mung no,
Itna tawhlai na gialh ciang in thupi sa ing,mipil khat na hihman in na thugen in muibun a hihman in thupi sa ing.na cihbang lian in kei zong kua ma theihloh khat leh laitan neilo khat ka hihman in ka zawh zahzah tawh ong kum nuam ing.Thu khat peuhpeuh ah ki khel dawnlo in, ki hoih dawn ding in mu ing.Ka theih na a cing a hihloh hang in hi pawlpi buai na in kei zong ong ki helsak a hihman in tawm ong kum hi ning.
Nung kumlam in kawlpi pan in tonzang lam a pai den CHIN TAWNG TAN (bus) pen tonzang lam zuan inpaito a,tonzang tun ma leh gundung dol zang leh tekzang ki kaal lam a to pianmun ah mawtaw hawlpa in a geer lutsak manlo in a mawtaw nung kik in meitei gun ah ki bung suk in,mataw tung a tuang mi teng tawh ki puk mang hi.Tua lian in a si ompah lian lo in nausen khat pen tonzang zato ah sikik hi.Tua mawtaw a ki but lian in,patau kohna ding in tonzang lamzang zaw a hihman in tonzang ah patau ki ko in zato lam pan leh thunei lam pan leh mipi a hi thei zahzah in va del in a mun ah zan pipi in meiset hong in a na teng kikhoi a,a zing ciang in khua sung a mawtaw a om zahzah in mi teng leh vanteng vala in,mawtaw hawl pa pen tonzang palik sakhan ah a mahleha mah khial ki sa in ki khum a,a tawp na ah a mah luat kik hi.
Tonzang gampen a diakdiak in tuk hunciang in lampi hoihlo a hihman in lampi nacim thei zel hi.tuk hunciang in lam pi a cip leh kawlpi pan a ong kahto mawtaw te lampi cip na cing ong kahto in,tua mun pan in tonzang a mawtaw te tawh lampi cipna mun ah van ki khek in kawlpi zuansuk ding mite leh tonzang kahto ding mite ki khek in a ngim na mun uh tung thei ciat veve uh hi.
Inn lam ah lo i kuan ciang in nitak vaiciah hunteh vaikuan te i hihtheih na ciang vaiva dawn leng a gimleh a tawl uh nuamtuam ban ah a van puakuh zang tuam mahmah hi ven.En vai kuan khat leh lampi cip na hang a,gim na a thuak khat va dawn tuah leng a hi thei tam? lam pi cim ta,na ma uh ki nawt thei nawn lo,kong gen loh hi lo pi,nong uploh man un tun a hi ci thuak hi uh teh cih ding koi a ki lawm zaw tam? (Ih va dawn tuah ih huh ding kisam hi. Huh dan ding nam 2 om hi. Khatna: Ih sia te hamsatna a thuak laai tak iin a nek tawm ding uh ih vaanpih peen thu limci, thu nam tui hi. Hih peen temporary or immediate solution khat hi. Hih peen buaina vensakna ding hi lo iin humanitarian aid hi. Nihna: Problem ih fix kul hi. Tua fix na ding peen kei muhna hi bang hi. Thumaan thuhoih a deih lua vive ihihmanin ei sep loh pi ding ih sep a om leh khawl ding. Logo vai ah logo zangh nawn lo pah lian ding. Zat loh ding a zangh kha ihih leh thukhen zum a saang lam ah kah toto se lo ding, a hong khia Mission lam te kiang ah logo zang nawn kei nung. Ih thu bei sak ta ni. Zum thu te zongh dok kik ni, hih thu veng sak ni. Sia te gel zongh a hong pusuah pah theih nading in vai hawm ni ci leng ih vai dawnna hoih mahmah ding in seh ingh.) Ih vadawn tuah ciang iin ih dawn tuahna motor sung ah passenger khempeuh guang iin lam sia lam maan lo tohpih loh iin lam maan ih totpih ding kisam hi. Lam sia pi, lam hoih lo pi ah ih motor hawl te pai ding aa ih sawl veve mawk leh keen ah kia kik ni a ci tawh kibang ding hi hangh. Tua ahihmanin lampi maan tawh ih dawn ding kisam aa Pawlpi thu a kikum ihihmah bangin ei Seventh-Day Adventist Pawlpi, General Conference ii ngeina bang aa ih kalsuan ding kisam hi.) Tulai tak haitai a naupang 33 te a guk puak a cih te uh,gamgi pan kumpi theihna lai a omloh manin ki man hi.tua a kiman mi te pen a mau ii ngim na leh kumpi muh na kibang lo mah hi,a mau apan pih ding in US kumpi palai te in nakpi in pan pih hi buang ven,kawlpi a thong kia Sia pi tegel a gup huai samkei tam?Topa zeisu zong a mawhna leh a kampau na pan a ki man hi a,ei a ding in gupkhiat na hi vet se,et kak kawikawi dih ve ni e.
Kasang kahlai in manglai kam mal khat "mercy killing" sia kai dal in a khiat na ong gen ciang in sang thei hetlo mai hi ing.Hehpih huai sa in that ve cih bang i hehpih tak in that ding i hi hiam?ka ci tanghtangh ai ve,tun hi sia te gel hehpih huai sa vet in i that lel tam? (That lel lo lua ding, Leitung bup ih pawlpi ngeina tawh kituak iin hong kalsuan pih un. Ei lammaan lam hoih a deih peen te ihihmanin khialhna bawl nawn kei ni ci aa ih hanthot ding kisam hi. Khialh lam thei gegu aa ih makai te in a khial a maan lo a sep ding uh a hanthawn thawn leh khialh behbeh ding a tha pia zawsop te peen ih makai te leh ih pawlpi mi khempeuh tung ah merciless killer te ahi uh hi.)
gen khialh a om leh ong ngaidam in,ka theih na a neuluat man hi,a hi ong in khantoh na a om kam mal tawh ki kumkum leng lung gulh veve ing.
Kha zihsung ah na ta
GO LIAN KAP (TONZANG)
MALAYSIA
On Fri, Feb 12, 2010 at 3:47 PM, Gin Mung
Kong it lai sim Zomi a kua maciat:
Ih group mail te ka sim ciang iin lai gelh ka siam loh man hiam hong kitel khial mahmah iin mu ingh. Ken’ Conference sung aa om ka lawm ka gual pawlpi mi te ka it luat man aa ei aa lo pipi Logo va zat sak kei ni ci aa itna tawh thu hoih ka gen peen hong kileh gen keei zaw sop mawk hi. Khaipu bek hi tuan lo iin midang khatkhat in zongh hong tel khial hi.
Kei muhna ah hi bang hi. Itna tawh “ei aa lo pipi Logo va sang kei ni. Hoih lo ding hi” ka cih ciang iin buai a om loh na ding aa deihsakna tawh ka gen ahi hi. Deihsakna tawh ka gen a hong kizuih man iin buai a piiang hi leh bel, sorry tak ei cih ding bek om hi. Tu’n ka deihsakna hong kitelsiam lo iin hong kizuih loh man iin:
1. Upper Myanmar Mission in thukhen zum ah “Infringement of trademark or logo” hang iin ih makai pi te geel khia uh hi.
2. Hih thu a zuih nading iin Mission in sum tampi bei lawh ding hi.
3. Kidal nading iin Conference in sum tampi bei lawh ding hi.
4. Mi te in SDA te zum ah kikhia khia, peng pe leek bang keei uh hong ci ding aa ih pawlpi min dai sak hi.
5. Sia Dal leh Sia Khen iin makai lutang ahihna hang un thuak lawh mikkmekk hi.
6. Ih sia te gel a it te in itna tawh sum kidong iin huh iin sum bei lawh hi.
7. Kawlpi aa thukhenna lungkim zo lo iin a kua zawzaw khat kah to iin a khat zawzaw in zui to leu leu iin sum, hun, leh tha tampi bei lawh iin beilawh laailaai ding uh hi.
SDA Pawlpi Logo zatsak kei lengg hoih zaw ding hi ka cih hong kimang aa a kizat loh man aa a tung aa thu 7 te a piiang hi lo iin itna tawh kagen peen amau deihna tawh kituak lo iin hong manglo uh ahihmanin buai loh ding pi a kibuai ahi hi. Hong kimang hi leh tu aa teng piiang lo ding hi. “SDA Pawlpi Logo zatsak kei lengg hoih zaw ding hi” ka cih mi te’ thusim tham zongh ahi lo kei lel khat ii kammal in thukhen maang te leh lawyer te a kithoihna Kawlgam sum millions aa sim teng zat a kul lo ding cih ka muh ciang iin Conference a kici te a hi aa Mission a kici te ahizongh’n ka it takpi na ih Topa Pasian in hong telpih ding cih mu kahihmanin lungkimna ka ngah hi. $100.00 ih kidon a gensia ka hi kei aa ka itna kammal hong kimang leh $100.00 tek ki don kul lo gen loh iin ih pawlpi te zum kitun lo ding, sum pek khat zongh bei lo ding, ih Sia te geel zongh laai gim dih zen lo ding a ci hi zaw ingh.
Ni khat ni iin guah nuai daai khi nuai ah puan lum zongh nei lo, tui puan nangawn a nei zo lo mi zawng khat lam nawl ah lingling liang iin na ding thilthel hi. Kawlpi pan RTC Hino pi khat van a dim khin ban ah passenger zongh a dim tawh hong pai ngiaingiai hi. Tua mizawng guahnuai dai nuai aa a na ding thilthel pa in motor hawl pa leh a nungzui pa kiang ah Sia te aw, tu ni guah tam lua iin min kicimcim iin tu’n zongh Sapan keen teng kikhang keei hi. Pai suak kei un. Lauhuai ding hi ci in a gen ciang in passenger te in inn tung nuam lua ta hangh ei, khawl dihdih man kei ni, bangmah ci buang ken teh, hawl suaksuak le vou, ci iin a nung pan a ot san ngeingai ciang iin motor hawl sia te’n zongh meeipi kaai nuai mah ah hawl suak iin a pai veve uh leh guah tam man aa a nip a kikhaang leitang in a giklua a motor pi uh pua zo lo ahihmanin keen pi ah kibungh uh hi. Tua ciang in motor kaih toh kikna ding tha cial iin a liam a baai teng za to puak iin sum tampi bei beh laai hi.
Hih mun ah khuadam nuai guah nuai aa deihsakna tawh a na ding thilthel pa in motor tung aa a tuang te mudah lua ahihmanin keen ah kia henla, a si nuam te si, a liamnuam teng liam, za to a kah nuam teng kah leh a deih man aa “Sia te aw pai suak kei un. Lauhuai ding hi” a ci hi ding ahia, a it luat man hi zaw ding. Hih mun ah muhdah gensiat thuak liang aa ka gen kammal te hong ngaihsun sak kik un. Hih gentehna tungtawn in Topa’ Khasiangtho iin a thak a maan ngaihsun na na sung vuah hong guan ciat ta hen.
Itna tawh,
Mungno Gualnam
Riverside, California
No comments:
Post a Comment