VANGTUNGGAM

Vantunggam
by; Sangpi

VANTUNGGAM


Topa Zeisu in Vantunggam nopna tu mahmah in i lungtang leh i lungsim sungah aciamkhol asinkhol dingin eite tungah hong pia hi. Pasian in VANTUNGGAM ah dahna, kahna, hagawina, mawhna leh hoihlohna khat peuhpeuh om nonlo dingin eite tungah kamciam kician tak-in ong pia hi.



NUNTAAKNA i adeihna bulpi in Zeisu theihna ahi hi. Lai Siangtho sungah hih i leitung nuntaakna pen khat veivei haksa ci hi. Mi tampi’ nuntaakna sungah dahna leh kahna tawh kidim hi. Pasian in eite ong it takpi hiam? Tua bang haksatnate tampi athuak dingin ong phal hiam?



I Nuntaakna sungah haksatna i thuakna pen mawhna hang hi-in, Adam leh Eve tungtawnin leitungah mawhna ong lut ahi hi. Mawhna pen Mihingte in Pasian deihna lampi sangin, ei utna lampi tel-a itotna ahi hi. Mawhna in Pasian tawh hong kikhensak-a, Vantunggam i tun nading ong daltan hi. Lai Siangtho in hih Pasian tawh hong kikhensak, Pasian’ Vantunggam tawh atawntungin ong kigamlasak mawhna koici zawh ding cih ong hilh hi. Tua lak-ah kaphawk khak Lai Siangtho’ ong hilh Vantunggam pai na lampi khat in UPNA Manglai in F A I T H ahi hi.



F laimal pen FORGIVENESS (MAWHMAISAKNA) . Eite pen Pasian’ i mawhmaisakna lo tawh tawntung nuntaakna, vantunggam ngahlo ding hi hang. Lai Siangtho in ong genna ah, “Amaa sungah”(Zeisu), Eite Gupkhiatna pen Amaa sisan tungtawnin Mawhmaisakna ahi hi. Tua in eite A laimal kiangah ong puak hi.



A laimal pen AVAILABLE (KINGAH THEI). Bang hiam akingah thei? Pasian’ mawhmaisakna KINGAH THEI - Tua pen Mi khempeuh in ngahthei hi. Lai Siangtho in ong genna ah, “Pasian in a Tapa khat bek apiak dongin leitung mite it hi; tua Tapa a um mite akuamaa-peuh in, kisialo-in, tawntung nuntaakna ngah nading ahi hi.” John 3:16. Pasian in Mi khempeuh ong it-a, tua sungah nang leh kei zong i kihel hi. Ahi zongin, Pasian’ mawhmaisakna pen amah leh amah apiang (automatic) hi samlo hi. Lai Siangtho in bang ong gen lai hiam cih leh “ ‘Topa, Topa,’ ong ci khempeuh vantunggam sungah lutthei kimlo ding hi” Matthai 7:21. Tua pen bang hang? Tua in eite I laimal kiangah ong puak hi.



I laimal pen IMPOSIBLE (HITHEI VETLO). Hih a HITHEI VETLO pen Asiangtho Pasian in vantunggam ah mawhna om ding phal vetlo hi. Lai Siangtho ong genna ah, “Pasian in ki-itna hi”. Denlamdeuh in, “Pasian in a Tapa khat bek apiak dongin leitung mite it hi…”, cih i gen-a, ahi zongin, Lai Siangtho in Pasian pen thuman, thutak in, Amaa thukhenna ah hehpihna om lo hi, ci hi. Bang ong ci lai hiam cih leh,"Mi khempeuh mawh uh-a, Pasian’ maipha amuh nading uh kisia hi.” Romans 3:22-24. Bang hang?, i mawhna hangin, nang leh kei Pasian tawh i kikhen hi. Tua ahih leh dotna khat om hi, “ Paisan in Vantunggam ah mawhna phal vetlo ahih leh Mawhnei nang leh ken bangcih ding?”. Hih in laimal T kiangah ong puak hi.



T laimal pen TURN (KILEHKIK). Lai Siangtho in hi KILEHKIK kammal pen KISIKKIK in na zang hi. Lai Siangtho in ong genna ah, “Na mawhna uh na kisikkik kei uh leh tua mah bangin na kisia ding uh hi. Luke 13:3. KISIKKIK cih akhiatna in i nuntaaknate kikhel. Eite in lampi khat tawn-a pai i hih leh khawl, adang lampi thak tawnin kipan pha-in pai. Eite pen mawhna sung pan leh ei leh ei kiphatsakna sungpan khawl in Zeisu ong lamlahna ah KILEHKIK in nuntaakna thak tawh nungta kik ding hi hang. Lai Siangtho in ong genna ah, “Khazih pen eite mawhna taangin si in, akivui khit ciangin, Lai Siangtho sungah akigelh mah bangin, ni thum khit ciangin thokik hi” I Cor. 15:3,4. Tua ban ah, “Zeisu in Topa” hi ci-in, na kam in gen-a, Pasian in Amah sihna pan thosak kik zo hi ci-in, na lungsim sungah na UP leh Gupkhiatna na ngah ding hi.” Romans 10: 9. Hih ol-in baih mahmah-a, tua in H laimal kiangah ong puak hi.



H laimal pen HEAVEN (VANTUNGGAM) . VANTUNGGAM pen Pasian tawh atawntung-a i nuntaakna ding mun hi. Lai Siangtho in VANTUNGGAM nam nih in ong gen-a hilai-a vantunggam leh mailam-a vantunggam ahi hi. Lai Siangtho sunga, hilai-a vantunggam thu Zeisu genna ah, “Kei ka hih leh tuute in nuntaakna angah uh thamlo-in, akicing nuntaakna angah nadingun Kong pai hi”. John 10:10. Lai Siangtho in mawhna pen eite tha tawh zawh dingin kamciam ong pialo-a, Pasian Kha Siangtho huhna bek tawh zawh dingin kamciam ong pia bek hi. Lai Siangtho sunga, mailam-a vantunggam thu Zeisu genna ah, “Pai-in na om nading uh bawl-in, note kiangah kong paikik ding-a, ka omna munah na om nadingun ka hong lakik ding hi.” John 14:2,3.



Tua ahih manin, koi ci bangin mi khat in Pasian’ mawhmaisakna leh tawntung nuntaakna vantunggam ngah thei ding hiam? Hih atung-a i gen UPNA (FAITH) laimal tawh ngah thei ding; “Na Khempeuh nusia-in Amah (Zeisu) UPNA (FAITH) tawh Muang leng. I nuntaakna buppi tawh Zeisu muangin, ei theihna suang kei ni. Mangngilh kei-in, Lai Siangtho ong genna, “Zeisu in Topa hi ci-in, na kam in gen-a, Pasian in Amah sihna pan thosakkik zo hi ci-in, na lungsim sungah na UP leh Gupkhiatna na ngah ding hi.” Romans 10:9.



Pasian’ mawhmaisakna leh tawntung nuntaakna i ngah nadingin, Pasian kiangah i mawhnate kisikkik in thuum le hang i ngah ding hi. Bang hang Aman kamciam ong pia hi- I John 1:9. Pasian’ kiangah mawhmai nading ngen in, Amaa kiangah Eite’ mawhna taang dingin Topa Zeisu singlamteh tungah ong sihna pulaak-in, Topa Zeisu i lungtang, leh i lungsim sungah ong om naang ngen in, i nuntaakna Amaa (Pasian) adingin, piakhia-in; Kha Siangtho in Thumaan lampi ah ong makaih nang’ in ni simin Amaa (Pasian) tungah Tau den ni!


Sangpi