Tuiphum, Baptism

by Gin Lian Mung

to ZomiSDA, zomi-adventist.

show details May 3 (3 days ago)

--

Akua maciat,




Nunglam in Lamthangin Kua’n kuate tuiphum thei ding cih tawh kisai
in, a thei pen kahih loh hang, tawm khat kuppih nuam ing.

Bang hangin/ koici bangin Jerusalem aa tuiphum sia Phillip a ki pan a
dangdangte samlo in banghangin Damascus khua mi Ananias in tuiphumna
pia hiam?
Saul in Jerusalem pan in Phillip samlo hi. Bang hangin sam lo hiam?
cih bel Laisiangtho in gen lo hi. Bang hangin Damascus khua mi Ananias
in tuiphum hiam cih bel kimu thei hi.
Ananias pen lamsak lamkhang ah a vakvai mi hi lo hi. Nang le kei
sangin thukham a limtak zuih mi, biakna hahkat mahmah, mite in a
zahtak mahmah mi khat hi. (Sawl. 22: 12) Ananias in tuiphum theihna
zaa nei hi, ci-in Laisiangtho sungah i sim khak loh hangin, a pianthak
zawh a sawtlo khat ciang, sawlna ngah biakna nasem, pawlpi nasem khat
hi hamtang ding hi. Ananias mangmuh dan lian mah Saul in zong mu hi.
Saul in mangmu lo bang hi leh, Ananias tuiphum ding ut lo kha maithei
hi. Tuiphum theih nang na license hong lak phot in zong ci mai thei
hi. (Sawl. 9:18,19).
Laisiangtho bu hoih mahmah khat tawi (thei kei leng pastor kisa ding),
biakinn ah kikhawm khin innlam ciahin laipi ah na pai laitak na kituak
pih mi khatin ‘tui hong phum in’ hong ci bang hi zenzen leh Sawltak 9
bulphuh in tuiphum piak ziau ding pen, tu-ma AD 100 lai-in hi thei kha
ma in teh, AD 2000 hunah bel maan lo ding hi.
Kua tengin tuiphumna pia thei ding cih, pawlpi in thukhun nei khin
hi. A thei nuam te-in Church manual sim ni. Ordained minister le
church elder te-in tui phum ding hi. Church Manuel, p. 52, 2005
edition.
AG, Baptist sia khat peuhpeuh in tui sungah kiphum na ngah khin mi
khat tuiphum kik loh in zong SDA pawlpi mi in kisang thei hi. (p.
41-42) SDA ahi lo sia khat ii tuiphum na, SDA pawlpi in sang cihna hi.
Ahi zongin, tui kiphum nailo SDA thu-um mikhat in, SDA ahi lo tuiphum
sia khat kiangah ‘tui kiphum nuam ing, ci-in ngen napi, SDA pan pawl
tawp tuan kei leh tua-nu tua-pa SDA hi a kici thei ding hiam?
SDA pawlpi sungah, sum le paai hangin, pawlpi nasem numei te zong
tuiphum zaa piak ding hi, ci-in North American Division in nasia takin
mapang hi. GC i zumpi pan phalna tawh ahih loh hangin, SDA sung veve,
mun tampi ah numei in tuiphum hi.
2010 General Conference session ah vote lak ding agenda te lakah kihel
dingin nasia tak kikupna om a, Khasiangtho in i pawlpi makaih ahih
manin, 2010 GC session ah agenda in kiguang nai lo ding hi, ci uh hi.



Tuiphum piakna pawlkhat:
Meeipi sung leh tuipi sungah Moses’ nungzui ahi ding tui na kiphum uh
hi. (Kor. 19: 2)
Johan in mawkna kisiik mite tuiphum (Mk. 1: 4-5)
Johan in Zeisu tuiphum (Mt. 3: 15-16).
Peter leh sawltak tein ni khat in mi 3000 tuiphum (Sawltak 2:41).
Samaria gamah Zeisu a um mite Phillip in tuiphum (Sawltak 8:12).
Gaza ah Phillip in mangpa tuiphum (Sawltak 8: 38).
Caesarea ah Peter in Cornelius tuiphum (Sawl 10: 48).
Phillipii ah Paul in Lydia leh mi pawlkhat tuiphum ( Sawl 16:15).
Corin khua ah Paul in mi pawl khat tuiphum (Sawl 18:8; 1Kor. 1:14, 16).
Ephesus ah Tuiphum Johan ii nungzui pawl khat Paul in tuiphum (Sawl.19:3-5).
Laisiangtho sung khempeuh ah tuikiphum khin sa khat tuikiphum kik
(rebaptized) na mun khat bek ah na gen hi (Sawl. 19: 5).

Sia Mungpi
Tahan


Kua'n kuate tuiphum thei ding hiam cih ngaihsutna tampi om kha ding
hi. Ih zak ngeidan, ih thei dan ciat kikup huai sa ingh. Ei SDA pawlpi
in a sandan akipan atheite'n ahih theih leh (a kigelh namun laibu min
akipan in) hong gen thei le uhcin laisim mimal khat ciat in phattuam
pih mahmah dingin lamen ingh.


Hih anuai a Lai Siangtho mun khat ah bel, " Sawltak 9: 10 " Tua
laitakin Damaskas khua-ah Ananias min nei thu um mi khat a om hi. Amah
in maang mu a, a maang sungah Topa in, “Ananias aw,” ci-in a sam hi.
Ananias in, “Topa aw, ka om hi,” ci-in a dawng hi.... 9:18 Tua
laitakin Saul' mit panin ngasalip tawh a kibang na pawlkhat kia a,
khua a mukik thei hi. Saul zong tui kiphumpah a,...


Hi Sawltak sung thupiang ih ngaihsut kik ciang, Saul kikhel in,
Ananais min nei (numei maw pasal thei keng) thu um mi (disciple) khat
in tui na phum ci mawk hi. Sim suk lai leng aneu (20) ah thu ummite
tawh tua khua ah tawmvei na tam lai in, kikhopna innte (synagogues) ah
vapai in " Jesu pen Pasian Tapa hi " ci in thu hilh ding a kipan hi,
ci mawk hi.

Note: Synagogues (Temple hilo) cih kikhopna inn te, a kizat khit
nungin thu ummi ( siampi or pastor ci sese lo) khat Ananais pen,
Pasian in Saul tuiphum dingin sawl mawk hi. Lamdang sa in ka sim
kikkik leh Siampite hoh Pasian in bang sawlngam mah ding ahia, cih
nop huai ding thu na om hi.

14Tu-in zong nangmah a hong bia mi khempeuh a mattheihna dingin
siampi liante tung panin thu a ngahkhit ciangin Damaskas khua-ah a
hong tung ahi hi,” a ci hi.


Lamdang sa ing. A kitel zaw in hong gen thei na om uh leh lungdam mahmah ning.


Lamthang