ZomiSDA Conference Master Plan

Vision by Thanglek (Pau Lian Thang, Gualnam)
---

KI PUM KHAT NA IN GUAL ZAWH NA HI

GEN GEN HUN HI NAWN LO, SEP HUN HI TA

Kongit Sanggam

na ngaihsun ngei hiam?

Kawlpi, Zogam ah nekmuh nuntakna ding bangsep ding om?

Dawnna: lokhawh ( kikhamlo), singpuak( guk vive),cim'zong(khamkhopngah lo) ,buhlei nei(khamlo),
Lushei gam ah singtaang vak cihbang peuh teng ahi hi.

Gam khangto te dan in Industry, Restaurant, Inn gol pipi, Import export cihdan..gamdang tawh
van lei van zuak cihdan peuhmah omlo ahih man in, Gamdang ten' Zogam, Kawlgam pen
leitung ah a zawng pen in hong mu hi.

USA,Japan, Malaysia, Australia gam khawng ah Zomi te i om zihziah hang in,
gamdang te in hong enpi lo lua uh cihding ahihi. Hong enpi lo uh ahih man in,
i muan mahmah gamdang om te Sehsuah bek tawh Conference ding zo ding in
hong lam en lo uhi.

Inntuan ding in hong muang lo uh cih ding hi.

Inntuan ding in hong kimuan na ding in, neih zek , sep zek khat i lah kul hi.

GC President pa in ZomiSDA te Gamdang ah bangzah om a, ZomiSDA khempeuh in
mantak in a sehsuah uh piakim leh kha khat in bangzah phading cih pen thei kha lo ding hi.

Ei mi USA om te khawng pen kuamah in enpi lo kha ding hi.
GC President pa in na Gam vuah sum muhnang ( Regular Income) omlo hi.
No leh no na ki vak zawh nang un, na Gam vuah sum muhnang omlo hi.
No leh no in Conference dingzo kei nuteh hongci hi mawk hi.

A ma lam pan ngaihsun leng khiallo hi.
Eimi te pen, bangmah i hih loh hang in,
Pasian in Ei leh Ei a ki vak zo ding, Conference ngahzo ding
dinmun ah hongkoih hi.

"Conference pen i lungsim tawh ingah zawh leh a taktak in ngah zo ding hi."
Thanglek

Khauhpai mahmah hi hang.
Ki pumkhat in nasem leng, Sehsuah te diktak pia leng,
i hau semsem ding a, Conference ngahzo ding dinmun,
(Regular Income)pongman sum lut i pawlpi in mu ding hi.

Hih bang in Regular Income hoih mun 2 mun 3 ah , kha khat ks.teng 100 kiim bang,
i ngah theih nang, i ZomiSDA in nei zo leng,
GC sia te, Mission sia te in Conference ngahding in
aki cing in hong mupan ding in, hong thukim pih pan ding uhi.

Regular Income ding ahoih pawlkhat

1. Zomi SDA Conference Bus nei ding
( Yangon to kawlpi, Tedim to Mandalay cihdan pian aa pongmaan tai sak ding)
Idea laak na:Kapthang (Zampi)

2. Sammet sai phuan ding..
zomi SDA khempeuh in metsak pah ding..
Idea laakna:Kapthang(Zampi)

3. Logam hoih mahmah lei ding...buh ciing ding..lo khawhna set tawh bang tawh..nei ding..
ngasa khawi ding...agriculture pan sumtampi mu ding...Apple lei, Orang lei nei ding....

Idea laakna:Singpi( Anlangh)

4. Internet Center khat nei ding...Regular Income nei ding...

Idea laakna: Thanglek ( Anlangh )

5. Kawlpi leh Tedim khuasung ah Zomi SDA Linebus nei ding....

Idea laakna: Thanglek ( Anlangh)

6. Saang leh College hoih mahmah nei ding.
International Standard aa bawl ding. Tua hi leh mitampi in hong beel ding hi.
Sangsum teng bekbek zongh tampi kingah ding hi. I College te a hoih leh.
idea laak na: thanglek ( Anlangh)

cihdan teng hi.

Hih a tung aa teng nei zo phot phot in,,gamdang pan i Sehsuah teng leh
i gam ah i neih theih regular Income te gawm leng , tu lai tak i dinmun
sang in a khangto zaw ding in lam en ing.

Tangvalno Zinei thak pa in, Inn a tuan nop ciang in,
A pa kiang ah, Inn tuan ding hoih nong sa hiam a cihcih sang in,
a hih theih bang in hanciam in, nasem hen la, kipan pah ziahziah hen la,
gamsung ah Innkhuam ding saat in, Inn mun ding to pah ziahziah in,
amah mahmah kipan pah ziahziah leh Inntuan nuam mahmah khat
tuan zolo cihbang peuhmah kiza ngei lo hi.

GC te kiang Inntuan ding in ki cing ta ung. Inn tuan nuam ta ung cici nawn lo in..

GC te kiang ah,hi bang in i gen ding hi." Inn tuan ding in nong muan loh uh hang,,ko
na hi ci zihziah ta ung, nong huh nop uh leh nuam nung,ahih hang nong huhnop kei uh leh
zongh patau kei ung,,ko le ko dingzo lel ung." cih pheupheu ding hi lel hi.

Ki kum toto ni..Kei gen bek ahoih cihna hilo hi.

Lungdam.