Zomi Conference Court ah hici bangin kikhia kilawt

fromMung Toh
reply-toZomiSDA@yahoogroups.com

toZomiSDA ,
zam lam ,
zogampalpi ,
zomi-adventist-com ,
zampau26 ,
pull chief ,
khaimok ,
lyalyan ,
gpiangpi ,
thanglex ,
thangtuang ,
taleksawmtawngsda ,
Hau Vung ,
sdasuanpi ,
sangchia7 ,
sawmsang ,
siakhen ,
Siantawng ,
simheisa ,
lunsenbird ,
lungduailek ,
mingaih

dateMon, Apr 26, 2010 at 2:12 PM
subject[ZomiSDA] Lungdam Kohna leh Theihsakna [2 Attachments]
mailing list Filter messages from this mailing list
mailed-byreturns.groups.yahoo.com
signed-byyahoogroups.com
unsubscribeUnsubscribe from this mailing-list

hide details 2:12 PM (5 hours ago)


<*>[Attachment(s) from Mung Toh included below]

From: Kai Za Dal, MUC president.
Date:

Dear: Tuipi gal US, Malaysia leh India aa om sanggamteng, Kawlgam aa
om pawlpite, Conference siate, pawlpi kemsiate, pawlsung leh pawlpua
aa om mimal thuum mi khempeuh u leh nau khempeuh aw,

Hih a nuai a thute pen thutak, kumpi tawh kisai thute hi-in,
denominational history lut, Adventist landmark hi ahihmanin hong zasak
ing:

I. Mission hong khiatna zumthute:

1. Code – 469: Myanmar Union Mission logo 2007 calendar ah zangin
suahsak tawh kisaihi. Kale Myone thukhenpa in “G.C tawh kizom lo, ahih
kei leh, a mong ake hilo ahih teh” ci-in hong liausak ban ah ni khat
thong hong seh sak hi. Monywa ah Sawtoo Kalet te’n khantoding
reconsider ngetna ah kha 3 hong khia uhhi.
Kumpi upadi ah (1) Go Khaw Nang in amau zat logo evidence khat beek
koihlo, (2) Mission in 2007 calender thoh lo (3) Sup leh baai om lo
ahihna zui-in kipeng sitset zaw hi.
Biakna lamah (1) Khasim kithoh “Nyasin khonaa” (aeYpOfcGeftm;) leh (2)
R.B te’n zong GC tawh kizom lo, member zong hilo, SDA yearbook ah zong
kihel hetlo in zang uh aa, banghangin SDA conferencete zat mawh sak se
ding?
SDA zat logo- Lai Siangtho, Singlamteh leh Meikuang lim hi aa, upna
lak limte hi-in Pasian neihsa hi. SDA in adeihdan a kilem (design)
masapen hi bek hi. Thuum mikhempeuh zat ding, zat theih hi. Zat leh
nuam aa, angtang lak ding hizaw hi.
1962 kumin Director General of Inspection in direction, lamlahtheih
sakna 13th na ah ‘kawlgam mite biakna tawh kisai upna a sukha, a na
sak ciaptehna (min, trademark) peuhmah matpongtin registration ding
kinial hi’ cin thupiak thoh hi.Pitegyi leh Tatanagyi zumpi pan logal
company min tawh registration ding phallohi. Neih tuam ki ci “mupai
khuan” om thei lo hi. General Conference of Southern Asia Pacific
Division of Seventh-day Adventists te Constitution, Bylaws, and
Working Policy sungah logo tawh kisai zat theihna, zat theihlohna
thukhun omlo hi. General Conference pi leh Sia Mungno te Division a hi
Northern American Division ah bel nei mah uh hi. Kawlgam ah bel gampua
te thugui khun te, kumpi’n zui ding acih keinak leh, a si dingdiang
hi. Tua ahih leh, Sia Kham Khen leh Kai Za Dal te banghangin
Laisiangtho, Singlamteh leh Meikuang lim hang in thong kia thei hiam?
Hihteng thum hua dawi leh sum hang bek hi ta ngial ai ve!!
Ih Topa Zeisu thupiak- mikhatin Zeisu min tawh dawi a hawlkhiat ciang
in, nungzuite’n Topa kiangah “ii nung hong zuilo ahih teh, amah ka
kham uhhi, acih leh” khamkei un… I lang a omlo te eitawh om khawm hi…
Kamin hang a tui hai khat hong pia peuh peuh thaman mansuah lo ding
hi” ci-in dawng kik hilo hiam? Innkuan sung ah matpong tin nei nai lo,
gammi citizen a om bang in Myanmar Union Conference zong matpongtin
nei nailo G.C member hi.

2. Code – 296: Kai Za Dal, Kham Khen Pau leh Langh Khan Suan te, Gin
Do Pau in biakpiakna nawngkaisak hi ci-in nihvei tak (U Win Maung, U
Tun Aye Maung) hong khia in acquittal (w&m;ao) in kizo dipdep hi. Hih
leh hong lelh dang teng 403, 500 zong supreme court kah theih nading
in shehne zumpi ah siau uh aa, diklo ahih man in, ki sang lo hi.

3. Code – 500: Kai Za Dal, Kham Khen Pau, Thang Khan Dal (Chianthagyi)
te Go Khaw Nang in ka vaang, mi’n hong thupi muhna kiamsak, vulsak hi;
makai cinglo hong cih uh, a cing mah hingh a cih pen acquittal mah
tawh kizo siang hi.

4. Code – 403: Kai Za Dal, Kham Khen Pau, Langh Khan Suan, Kam Khan
Mung, Thang Za Pau, Pau Khan Mang, Gin Khan Sing, Cin Suan Mung te Ngo
Kho Nang in sanginn, vanzatte hong zatsak uh (aluai thung) cia thu
bawl pen zong acquittal mah in ki zo gawp hi. Ei a, ei zat hi.

5. Code – 447: Pum Za Lian, Thang Ngaih Pau, Tual Sian Mang, Dai Go
Pau te Kai Za Dal in College library ah laibu sut ding a rickshaw tawh
hong kuanna vai ah zong thu khenpa in amau te acquittal in hong zo sak
hi. Kai Za Dal pen Mission ten College siapi pan a za a kiatsak khit
ciang, khasum a piakna pan a kholsak ahih ciang in amau te zuauphuah
tung siksan in hong zo sak hi. (Kai Za Dal pen mission te’n khat vei
zong guai ngei lo, za zong pia ngei lo hi, Sandy bangin, “na hongke’n”
ci-in hong khamzaw lai hi ven). Thukhenna leh a siksan a diklo hangin,
tungsiah ah kikah vetlo hi.

6. Case No – 309: Man Min Lwin in Kai Za Dal Myanmar Union Mission min
zang hi cin sum thein 500 - man, revenue 15000/- man suang in Madalay
ah 2007 hong khiat pen 2008 teh hong lel (pahlat) aa, Supreme court ah
zong hong lel uh hi.

7. Case No – 46: Man Minlwin in Kai Za Dal tungah atunga Case No - 309
pen Monywa ah 2008 khia leu leu aa, 19/11/2009 in amah kisit khin aa,
tun en amah dotkikna (cross question) neihding ciang hita hi. Nihvei
pai khin ing aa, khantohna om thei nailo hi.

8. Case No – 28: Kai Za Dal leh Langh Khan Suan 28/2006 in Conference
Constitution, By laws, Working policy of Myanmar Union Conference of
Seventh-day Adventists anget uh tu’n Supreme court ah atham laitak hi.

9. Case No – 74: Kai Za Dal leh Langh Khan Suan in a tung a 28 pen
Mongwa ah 74/09 tawh a hon thak hi-a, asi leh ahing khensatna hi.
22-410 in nei aa, silo hi cin thu kikhen hi. Ka thongkiat sungah Pa
Langh Khan Suan Mongyua na pai zel in na buaipih hi.

II. Bawlsiatnate khangtangthu ah kiciamteh

1. Dark Ages hun lai in Christian pawlpi khat in protestant langpang
ci-in Christian mite mah a bawlsiat, athah agawh, ahallup pen uh a
sisante pau in khaici suak in khangsin leh khang tawntung a kigen
upna teci panna suak hi. Tu a Mission law nangawn hi-ci leh Sunday law
bel ngaat mahmah in teh maw. Pawlpi kem sia khat, upa khat in nasem mi
ahihsangin anaa thunei a kisakciangin mawhna, buaina semkhia zaw hi.
Topa Zeisu in Sabbath ni-in suahpih mittaw a damsak pen Khrist hong
damsak hi a cih man in pawlpua ah koih uh aa (John 9:22, 34); Stephen
thah khawng Pasian nasem kisa uh (Sawltak 6; 7) ban-ah thu-ummite
abawlsiat, a thah uh teh, Pasian nasem a kisak hun uh hong tung ding
hi (John 16:2) ci’n hilhkholna omte hong lehum saan aa, tha ngahna
khat hong suak zaw hi.

2. Pawlpi a ding, Conference a ding, Lai Siangtho-Singlamteh-Meikuang
(khuavak limla) ading Zeisu min tawh khan khatsung nikhat beek thong
kia nuam ing na ci zong in warrant lo in kilut thei peuhmah lo hi.
Nasep hoih min phat nading in kaai ta leh, min siatna degree khat suak
phot hi. Mission siate hong lehheknate, conference siate thuaknate,
zumpai teci pangte, pawlpi mite thasanna, veina leh panpihnate, thu
ngetnate, khitui luangliang a phawkna, sepna, thungetnate leh ih
thuakna khempeuhte a kisia thei laidal tungah akiphiat thei laitui
tawh a kigelh ciang bek hilo in, a kisia theilo a bei theilo mihing
lungtang tung leh nuntakna ah a kisia ngeilo kiphiat theilo Kha
Siangtho in hong at sak aa khang tawntung in gen a kul ciaptehna (Jos
4:7) hi. Zomi SDA tangthu, Kawlgam leh leitungbup SDA tangthu, Zumpi
tawh kisai ahih man-in Zomite leitung tangthu, Kawlgam leitungtangthu
leh Christian History ah a kigelh, a kiciamteh tangthu ding hi.
Thukhen zum lam pan Kale myone, Kalay district, Sagaing High Court leh
Supreme Court dong ah kiciam teh hi. Kalay Jail (Grade I) ah kumpi
seal tawh Kai Za Dal KL/10/00013 leh Kham Khen Pau KL/10/00014 tawh
record lut hi.

3. Kumpi aana nei zum- thathahnagyi zum vuangyi zum dong, veng hausa
(yazahkah) pan gambup council zumpi dong Missionte hong khiatna, hong
buaisaknate kitelgen nate in zumah kiciamteh hi.

III. Thong sung muhdan tomkaih.

Kalay thong pen grada I hin ni 7 pan kum 150 ciangbang, khan tawn
thong kia, sih dan cihbang in omn hi. Kawlgam sung minam kim phial om
hi. Case zong kimphial hi. Langpang mite-Thado, Meite, Naga, KNU,
sangnaupang CNA cihte om hi.
Hih teng tawh ki-innkuankhat in an kanekhawm uh hi, An kham ung.
Thukham leh thupiak bek zuiin pawian dawh, pawi an ne, pai, khawl,
pau, lum, tho, tuidawn, gamtat khempeuh umtuam gam upadi zui in ki om
diamdiam hi. Thukham khutnuai taktak hi. Mimal phazah nikhat 3 vei
check in thuap 3 dal in kicing hi; kidon hi; 9 pm pan 6 am dong tatsat
lo-in mi phazah hong cing te’n awng den uh a report pia hi.
Pasal khat bang apa that, sehsat ban-ah bawngsa ci’n azuak tangial
om hi. Khat leuleu lah apiannanu -nawizu, an muam, don, a khansuahnu-
that in, thong lau keng ci-a phunphun, ciakciak hiven. Adangkhatlah a
na guk gollua a ip ah talo in tua tungah tuang zaw vet- sai hipahphot.
Numeibuan, that in aluang sel mi cihkhawng; gamdang ah mi puak, zuak
cihkhawng; Motor bike gu, zuak cihkhawng; mikhem cihkhawng; midawtlum
a thongkia; case 12 tawh kum 84 kia; a pasal masa deek ah 4”
siktukilh tawh a lup sung khenlum in thong kia cihdanpeuh; bengzavom
teptep in a khansung inn hite nangawn lawh in zavom kham aa, a kiat
dong a zangte; a ui leh a naupangno tengta kineihte ama zavom teep a
dikkha sawnte a veeizahdong a teep mite; a sanggamnu a taipihpa that
mi etc... atuamtuam te tawh kisimkhawm in innkuankhat, unau patakhat
bangin om khawm ung.
Thuakna kibang, liangko kikimna, chance/right kibatna mun, mawhna
passport warrant neilo aa kilut theih lohna, kulh tawh ki-um-in thuap
thum tawh kidal, kici’nna
mun, MA,PhD, DD te sinkhakloh, phutkhakloh sinna, theihna; hong guan
mun; England,USA paite sinkhak tuahloh alamdang tuahkhak experience
omna mun hi. Hau, zawng,pil, theih hang a lut hilo in hihte zatkhial
man bek tawh kilut theibek hi. Mihoihte hell, migilote Paradise no
khat hi.
Leitung hiphot in, thongkia lo ding mipawlkhat akiat mah bangin,
apua a om mi pawlkhat akia lua ding, akiat kul pawlkhat kialo zel hi.
Thuaksiamna hong guan in mihing hihna hong tat hiam sak hi.

IV. Ih Conference hanga thuaksiatna dangte

1. 1987 in worker leh lay kipawl Union Conference ih nget pen
conference langpangte’n 1992 teh Naingangyi puasakin Kawlgam saklam
suahtaknang vaihawm uhhi. Rebel te tawh kizomin sumpia uhhi; VOA leh
BBC ah thupuak uhhi; UNO ah laikhak hi ci’n thukan zumah hong khiat uh
ciangin thongbo suangsat camp (yebet) [Thawng Khen Mung leh Go Lam Kim
in Pensidyl Yangon ah chemical check ding hong pua lak ah a val om in,
ke’n lengla in Mandalay a Hotel ah hong tun uh ciang, a ki naipen khut
sung kem cih mawhsakna 6B tawh thong ka kiat] ah ka om laitak hi. Hih
thu hangin thu sit dingin Mandalay nandwin pan galkap hopi tawh zan in
hong la uh aa, nandwin jail dark cell (taihpeih) kha guk sung dan
thuak ing a, ka mawhna bang mah hong muh loh uh the, suang sat ha lam
thongbo ah hong puak kik uhhi. Adang a khiat (10) te kisit kul nawnlo
pah hi.

2. 2008, March 25 (Tues) nin Mandalay High Court ah Minlwin hongkhiat
pen thukikhen ding hi cih March 13 (Thurs) ni a ki theihkhit nitak
8:00Pm hunin Kawlgam saklam len CID, Mandalay te’n minkithulo, tavuan
thih cin computer tawh a kigual kei hong kikhiatna (Vuangyi te zong
copy kipia) hang in hong man uhhi.Hong khiat masak lai bang aa,
thauhlangyi hun sakha un, akivelgawp leh a kisat gawp ding a kikhah
nawnlo ding a tuat uh hi ngel ven. Thau zuak hi, za zuak hi. 92 te
Teddim ah zuak hi. 1988 buai in Raja inn halsak hi.New Eden Hotel
neipa Thuk Kim tapa Dalsan savun kawnggak tawh sat hi. VOA, BBC, RFA
ah thupuak hi. Kumpi hoihlo hi cin thupuak hi. 2:30Pm dong hong sit
sit, hong dot dot khit uh teh, mawhna mulo ahihmanun Myoma Hotel ah
hon puak kik uhhi. Hihte pen ih Conference hang aa, hong kikhiat teh,
ka singlamteh puakna nam khat hi.

V. Lungdam kohna

1. Thong sungah Topa Pasian a upna tawh ama nasem kote khamuanna
hongpia, hong kepna; Jail director-general Bomo Ngo Cin Pau te tung
ah;
2. Thong tawh kisai hong vaan sak katupa Rev.Tuamung, Talek Myodaw Sia
Khenno te, Pa Ngaih te, Pa Kammungte, Pa Langhsuante, Pa Thang Lian
Khupte, Pu Kham Sian Kimte;
3. Phone, email leh laikhakna tawh hong hopihte;
4. I biak Topa Pasian mai tawh hon git hong veeina tawh thu hong
ngetsak, sum leh paai thatang tawh hong panpihte; nek leh dawn hong
vaihawmsak Langh Khan Suan leh zum a sem teng; thong sung zat ding
puan lum a kipan satpiang, haza, zatuizah leh neekding dawnding
package, sash te tawh tha hong pia aa, ka gimna uh hong thuakpih, hong
puak pih, a hong lunghimawh pih teng,
5. Conference kipat 2003 a kipan tuni ciang hong panpih tawntung
ban-ah ka thongkiat sung in khuaphawk lo zah dong om aa, zato tuah the
a ngap dandan aa maitai tak in hong thapia kazi Ciin Hau Cing, Ka nau
Lamtuangte, ka nau Dr. Dalliante, UThangte, U Suante, Zamkimte, Sian
Thawnte, Niangte, Haukangte, Thangpite, nu Gin Khaw Niangte;
6. Gampua pan mimal a hong huh, veh Pr.Thangsiangh, Thangpi, Pa
Thangsan, Thangtuang, Taangpi, Pa Tawngnang, Sia Muangpi leh Lamcing,
Dalpu, Khailekte Unau, Hau Lam Cing, Pau Sian Muang, Lian Sian Lun
Niang, Dim Go Lun, Luan Khan Dim, Tg Thanglek, Tg Pau Lian Thang, Mr
Do Suan Kham, Muang bawi, Nem PL Thangno (anlangh) Pa Langh Khan Dal
(kawlpi), Pa Thang Khat Lian (zozang), Mr Khup Sian Thang (anlangh),
Pa Thang Za Khual (vialcian) teng;
7. Tual pawlpi- Pinlong, Tahan, Myothit, Nanphalong, Langzang,
Sialthawzang, Lezang, Phunom, anlangh, Chiantagyi, Tuikhal, Tuikhal
Dorka, Tonzang, Sawbua, Yangon, Sakollam, Vialcian, Ngente khawk,
Gampua pan a te ka zak dandan in hongzasak ning. Gam sungteng a tuam
in nazasak ing. Itna no khat, hehpihna kammal khat, dahpihna leh
lungdampihna khitui tak khat, thungetsakna leh nong phawknate mun
khempeuh a nei ih Topa in ongthei in mang ngilh hun neilo ding hi.

VI. Kalay jail pan suahtakni pawi – 12.3.10 (Friday)

1. Thawngbo suangsatna camp pan 14.5.92 ni-in kasuahtakciang in mawtaw
melhoih13 bang kihel a hong dawn na sangin a neu zaw tuan lo ban ah,
tu a hong dawn Pa Thang Lian Khup, Pa Nang Khen, Sia Khenno, Kyaw Soe
Lin te mawtaw teng, motor bike tawmpi leh video record hong vaihawm
Sia Khenno, Sia Genmungte; Inn ngak anhuan, program vai aa om teng;
2. McNeilus Maranatha Christian College huang tun ma aa pahtawina
tukpak hong bulhsak leh hong zem nu Liannu, huangsung pan nuamna
khitui tawh hong dawn nu Vial Hau Ciin; huang lut lian leh zo la hong
phuah in lam leh sak tawh Topa nasemtegel hong pahtawi. Pa Sian Cin
Zam, Pa Kam Khan Mungte, a lampah lian Pa Khup Ngaih leh a lampih tuun
leh zua, lia leh taang teng (David in Philistine te kiang pan thukham
singkuang hong ciahpih a muhteh nuam lua in a lam ziahziah phawk); hih
pawi ah hong pai siate, pawlpi mite, pawlpua mite in warrant val a
kikem thei lo ko siate gel hencip, khumtuam pan suahtakna, hotkhiatna
ah hong paite leh hong pai zo lo a thu hong ngetsak teng;
3. Pa Khup’zi nu Ngaihmang in kihingkhen aa om kote, umtuam sung pan
hong baang nin khempeuh satpiang tawh hong pum silsiang nate;
4. Pa Khupngaih in antang sik in, Tahan, Myothit, Pinlong pawlpi in ak
(5) ta si-in Topa’min tawh zing ankuang hong umpih hong dawn nate;
5. Sihna galmuh in a kinah ka paina uh pan kong suahtak uh teh, Pasian
leh Conference mintawh Pr Thang Siangh in bawng talpi khat tawh, leh
Sia Khenno in antang sikin nitak lam lungdam ko pawi an nek na a om
khempeuh;
6. Program hong geel sak te leh 13.3.10 ( Sabbath) ni program hong
bawlsak khempeuh te tung ah tehpih omlo LUNGNOPNA, LUNGKIMNA leh
LUNGDAMNA hongko ing.

“Conference” pen ei thu-um mite tual pawlpite kigawmna hi a, khat
guak, committee peuh, nasem teng cihbang bek tawh gualzawhna dial leh
mual suang phut in mual ah lei suak thei lo hi. Ih vekpi gam sung, gam
pua – Pasal, Numei, Naupang – in pang khawm in Topa makaih na tawh
sialkhau ih sut khawm (tug of war) liang in mual suang leh gualzawhna
dilate kileek dialdial thei bek hi. Thu ngenden ni, ih panmun nusia
kei ni, Topa’n hong zawhpih ding hi.


Hongit,


Saipi KaiZaDal